یوحنا موکاشیفَه 12:10 - کتاب مقدس به زبان تالشي - گویش مرکزی

¹⁰ چِی بَه دومله برکَه لَسَّه ایی آستامونیکا درَستِمه کن اَواجیَه: «ایسَه چَمَه خدا نیجات و خِنَر و پادیشاهی، و چَی مسیح زاکینداری آرَستَیه. چون اَ کن چَمه بِراون سَردِرِ ایفترا بَژَی، کن چَمه خدا حِضوریکا شَو روج اَوون ایتهام اَژَنیَه، بِنِشون بَرَفندَ.

کتاب مقدس به زبان تالشی شمالی

¹⁰ دومله ایلَه بِلندَه خِلِعی آسمونی کا دَرَسِمَه، که بَواتی: «حِسَه، چَمَه خِدا نجات و قدرت و پاُتشایی، و چَیی مسیح اِقتدار آرَستَه. چوم اَ که چَمَه بِرا اون اِفتِرا ژَنی، که شَو اَندَه روز چَمَه خِدا حضوری کا اَوون اِفتِرا ژَنِه، فِر آدوعَه بَه جیری را.

یوحنا موکاشیفَه 12:10 Iomraidhean Croise

مَتّی 26:64

عیسی جواب داشه: «ته ایسَه اِشتَن واتِرَ! ولی بَشِمَه باتیمَه کن چیمی بَه دوملَه، اینسانی زوعَه بَویندیرون کن خدای قادِری راستَه بالی وَریکا نِشتَه و آستامونی خِرون سَردِرِ آ.»

مَتّی 28:18

اَموقه عیسی نِزِک آمَه و اَیِنِش واتَه: «گردِ زاکین، آستامونیکا و زَمینی سَردِرِ چمن دَست آدوعَه آبَیَه.

مَتّی 6:10

اِشتِه پادیشاهی با. اِشتِه ایرادَ، هَتهَ کن آستامونیکا اَنجوم بَبیَه، زَمینی سَردِرِ نی اَنجوم ببو.

انجیل لوقا 11:2

عیسی اِینِش واتَه: «وَقتی دِوا بَکَرون، بِواجَه: «”اَی آستامونیَه دَدَ، اِشتِه نوم موقدّس ببو، اِشتِه پادیشاهی با.

انجیل لوقا 22:31

«شَمعون، شَمعون، دَیَس شیطون اِمی دوملَه بَه هِنتَه کَشاوَرزی شیوار کن گَندِمی سِنبَریکا تاکَه آرَکَرد بَتِه اِشتَنرا تاک آکَرِ.

اوّلین نامَه قورَنتیانیرا 5:4

وقتی کن شمَه، خداوند عیسی نومینَه یَندِ وَر جَم آبَه اَز روح دلَکا شِمَه وَریکام، و چَمَه خداوند عیسی خِنَرینَه،

دوومین نامه قرنتیانیرا 12:9

ولی خداوند بمِنِش واتَه: «چمن فیض تِرا وَسَّه، اِمی خونه کن چمن خِنَر عِجِز گیرییونکا کامیل آرَبن.» پس اِمی خاطر گذَشتَکا ویشتَر وِرَ خَشینه چمن عِجِزگیریون سَر ایفتخار بَکمه تا مَسیح خِنَر چمن سَریکا ویرا.

نامَه تیتوسیرا 2:3

پیرَ ژِنن نی پی اِشتَن حورمتی غَم بَرِن، ایفتیرا نِژَنِن و وِر شراو هِنتِه، بندَ آنِبون، اَیِن پی هر چیی ایی کن چاکَه آموج بدَرِن،

پطروسی اوّلین نامَه 5:8

هواسِرون اِشتَنکا ببو و هوش ببَه، اِمی خونه کن شمه غَنیم ابلیس، هنتَه شیری شیوار غورش بَکی و هر طرفیرا کا گردِسته تا ایی نفری پیدا بکرِ بَی ویبَرِ.

یوحنا موکاشیفَه 11:15

چَی بَه دومله هَفتومین فرشتَه اِشتَن زرناش فو دَکردَ؛ برکه لَسَّه ایی آستامونیکا دَخَنیستَه کن اَواجییَه: «دِنیا پادیشاهی، چَمه خداوند و چَی مسیح شِن آبَیَه. و اَ، تا ابد و تا ابد سلطنت بَکیَه.»

یوحنا موکاشیفَه 2:26

«هر کَم پیروز آبو و تا آخیر چمن کارون اَنجوم بدَرِ، بَی گردِ میلَّتون سَردِرِ حکم کردِ زاکینی آمَدا،

یوحنا موکاشیفَه 7:10

اَیِن لَسَّنه اَخونینَه کن: «نیجات چَمه خدا شِنَه، کن تختی سَردِرِ نشتَه؛ و وَرَ شِنَه.»