یوحنا موکاشیفَه 11:3 - کتاب مقدس به زبان تالشي - گویش مرکزی

³ و اَز اِشتَن دِ گلَه شاهیدی زاکین دَرِم تا باشلاق دَکَن و هَزار ودِویست و شِصت روج پیشگویی بِکَن.»

کتاب مقدس به زبان تالشی شمالی

³ و از چِمِن دِ گِله شاهدی اِقتدار بَدایم که کیل دَکَرِن و هَزار و دویست و شصت روز نبوّت بِکَرِن.»

یوحنا موکاشیفَه 11:3 Iomraidhean Croise

مَتّی 11:21

عیسی واتِش: «برامِه شِمَه حالیرا، اَی خورَزینی آدَمِن! برامِه شِمَه حالیرا، اَی بِیت‌صِیْدا آدَمِن! اِمی خاطِرکن اَگَم موعجیزَاِنی کن شِمَه دِلَکا اَنجوم بَه، شَهرِنِه صور و صیدونی دِلَکا اَنجوم آرَبی، اَجگا آدَمِن خَیلی چیمی بَه نَه پَلاس دَرَکَرین و خاکَ پَشیکا اَنِشین و توبَه اَکَرینَه.

مَتّی 18:16

ولی اَگَم قِبول نِکردشه، یَک یا دِ نفر دییَر اِشتَنَّ ببَه تا ”هر گَفی بَبی دِ یا سِه شاهیدی نَه ثابیت ببو“

انجیل لوقا 10:13

«برامِه شِمَه حالیرا، اَی خورَزینی آدَمِن! برامِه شِمَه حالیرا، اَی بِیت‌صِیْدا آدَمِن! اِمی خاطِرکن اَگَم موعجیزَاِنی کن شِمَه دِلَکا اَنجوم بَه، شَهرِنِه صور و صیدونی دِلَکا اَنجوم آرَبی، اَجگا آدَمِن خَیلی چیمی بَه نَه پَلاس دَرَکَرین و خاکَ پَشیکا اَنِشین و توبَه اَکَرینَه.

انجیل لوقا 24:48

شمَه اِم چییون شاهیدِنهَ.

یوحنا 15:27

و شمَه نی شاهیدی بَدارون، اِمی خونِه کن شرووکا بَمنه درِ بینَه.

یوحنا 3:27

یحیی جَوابیکا واتِش: «هیچ‌ کَم نیَشا چی ایی به‌دست بوعَرِ، مَگَم اِمکن خدا طرَفیکا، بَی عطا ببو.

رَسولون اَعمال 1:8

اَمّا وَقتی خدا موقَدسَه روح شِمَه سَر با، زبق بَگَتیرون و شهر اورشَلیمیکا و گِردِ یَهودیَه و سامِرَ و تا دِنیا دورَ جِگااونکا چمن شاهیدِن بَبیرونَه.»

رَسولون اَعمال 13:31

خَیلی روجونکا، عیسی بَشتن اَیِنیرا کن اَینه جَلیلیکا اورشَلیمیرا آمَه بین اَیر آرَکَرییَه، و ایسَه نی اَیِن چَمَه قامی وَریکا چَی شاهیدینَه.

رَسولون اَعمال 2:32

خدا، هِم عیساش زندَ آکَردَ و اَمه گِرد چَی شاهیدیمونَه.

رَسولون اَعمال 3:15

شِمَه، اَ کن زندَگی سَرچِشمَه بَه کِشتِرون، ولی خدا بَی مَردَاونکا زندَ آکَردِش و اَمه اِم چییون شاهیدِمون.

اوّلین نامَه قورَنتیانیرا 12:28

خدا کلیسا کا، اَولیکا رسولِن، دووم پَیغمبَرِن، سووم موعلیمِن؛ دوملَه موعجیزَاون اَنجوم دوعِه خِنَر، چَی به دوملَه شفا دوعِه عَطااِن و کاریَری دوعه و مودیریَت و موختلیفه زبانونَّه گَف ژِ تَیین کردِشَه.

دوومین نامه قرنتیانیرا 13:1

اِم سوّمین کَرَیَه کن شِمَه ویندِ را کام آمِه. «هَر گَفی دِ یا سِه گِلَه شاهیدی نَه ثابیت بَبی.»

نامَه اَفسوسی کلیسارا 4:11

و هَیَه کن رسولِنِش آدوعَه و پیغمبَرون، و موبَشِرون، شونَه اِن، موعَلَّیمِون آداشَه،

یوحنا موکاشیفَه 1:5

و عیسی مسیح طَرَفیکا، اَ اَمینَه شاهید کن اولین کَسی بَه کن مردَاون دلَکا زندَ آبَه و دِنیا سَردِرِ پادیشاهون حاکیمَه. اَ کن اَمه رَی بداشتی و اِشتَن خونینَه، اَمَش چَمَه گِناخونکا اَراخِمونیَشَه،

یوحنا موکاشیفَه 11:2

ولی بِرنی سِرا نَه کاریر مَبو و اَی اندازَ مَژَن، اِمی خونه کن اَ جِگاشون میلتون دست آدوعَشونه و اَیِن موقدسَه شهری چِلو دِ ماه پا پِکو بَکنَه.

یوحنا موکاشیفَه 11:6

اَیِن اِم زاکینی دارِن تا چَوون پیشگویی کَردِ روجونکا، آستامونی دبَستِن تا کلاک نِوارِ و بَشانَه آوون هنته خونی شیوار آکَردِ و هر چَن کرَ کن بَپیشونَه و هر مودیل غَرّی زَمینی سَردِرِ بوعَن.

یوحنا موکاشیفَه 12:6

و اَ ژِن وَیاوونیرا، اَ جِگا ایرا کن خدا چَیرا آمادَ آکَردَش بَه ویریتَه، تا اَجِگا دلَکا هَزارو دِویستو شِصت روج، بَی غَم بَرِن.

یوحنا موکاشیفَه 13:5

اَ اَشیاشون گَوی آدوعَه تا یالَه نارگیرینه کِفرَ گَف بِژَنه، و بَشون ایجازَ دوعَه تا چِلو دِ ماه اِشتَن زاکینینَه کار بکَرِ.

یوحنا موکاشیفَه 19:10

چَی بَه دومله چَی پابِن برگِنِستیم تا بَی پرستِش بکَم. ولی بَمِنش واتَه: «انترَ مکه! اِمی خونه کن اَز تِنَه و اِشتِه برا اونَّه کن عیسی شهادتیکا آچیکه این، هم خیدمتیم. خدا پرستش بکَه!» اِمی خونه کن عیسی شهادت، پیشگویی روحَه.»

یوحنا موکاشیفَه 20:4

چَی بَه دومله تختِنی ویندِمه کن دیوون کردِ زاکینی، چَوون سری اَنِشی دوعَشون بَه. و آدَمون جانی ویندِمه کن چَوون کلَّه عیسی مسیح را شاهیدی دوعِه خونه و خدا کلامی شاهیدی دوعِه را، چَوون تنیکا جدا آبَه بَه. و کَسِنی ویندمه کن اَ اَشیا و چی موجَسمَشون پرستش نِکردَ، و چَی نشونَه اِشتَن پوشنو و اِشتَن بالیکا قِبولشون نِکردَ. اِمِن هَنی زندَ آبینَه و مَسیح نَه هَزار سال سلطنشون کردَ.