یوحنا موکاشیفَه 11:19 - کتاب مقدس به زبان تالشي - گویش مرکزی

¹⁹ چَی بَه دوملَه خدا معبد آستامونیکا آج آبَه؛ و خدا عَهدی صِندوخ چَی معبدی دِلَکا دیار آبَه؛ و ایکَرَ ایی گِرّ و آستامونی برق و لَسَّه و گرَخونَه سَس و بومَه لرزَ و بَرکه تَرک کایبَه آمِه.

کتاب مقدس به زبان تالشی شمالی

¹⁹ دومله خِدا معبد، آسمونی کا آبَه؛ و خِدا عهدی صوندُق چَیی معبدی دیلَه کا آشکار آبَه؛ و ایی دَفعه آسمونی کا برق و گِرخونَه و بِلَندَه خِلِع و زلزله و تِندَه تَگرگ بَه که کارا بومَی.

یوحنا موکاشیفَه 11:19 Iomraidhean Croise

یوحنا موکاشیفَه 11:13

جَخت هَه ساعَتیکا، بَرکه یالَه بومَه لَرزَ ایی آمَه و شَهری یَک دَهوم ویریستَه و هف هیزار نفر اَ بومَه لَرزَ کا مَردین و اَمونِن بَرک ترسِستین و آستامونون خِداشون شکوه جلال دوعَه.

یوحنا موکاشیفَه 11:15

چَی بَه دومله هَفتومین فرشتَه اِشتَن زرناش فو دَکردَ؛ برکه لَسَّه ایی آستامونیکا دَخَنیستَه کن اَواجییَه: «دِنیا پادیشاهی، چَمه خداوند و چَی مسیح شِن آبَیَه. و اَ، تا ابد و تا ابد سلطنت بَکیَه.»

یوحنا موکاشیفَه 12:1

اَموقه ایلَه بَرکَه نشونَه ایی آستامونیکا اَیر آبَه: ایلَه ژِن کن آختاوِش دَکردَ بَه و اِشتَن لِنگی بنیکا مانگی داری و ایلَه تاج دانزَ گِلَه اِسترَکا اِشتَن کَلَکا داری.

یوحنا موکاشیفَه 16:1

چِی بَه دوملَه تَتَه لَسَّه ایی معبدیکا دَرَستِم کن اَ هف گلَه فرشتَه اَواجیَه: «بشَه و خدا غَضَبی هف گلَه قدَرَ، زَمینی سَردِرِ ویکرَ.»

یوحنا موکاشیفَه 16:18

و آستامونی برق، و گِرَّ خونَه بَه کن راست آبَه، و برکَه یالَه بومَه لرزَ ایی گَتِشه، اَنَه یال بَه کن، اینسانی خلق بِه بَه دوملَه تا ایسَه چَی شیوارَ بومه لرزَ ایتفاق دگِنستَه نِبَه.

یوحنا موکاشیفَه 16:21

و برکَه سخت و سنگینَه تَرکی آستامونیکا، آدَمون سَردِرِ اَواریَه کن هر کِرَمی وزن پِنجا کیلو بَه؛ آدَمِن اِم تَرکی غَرّی خونه خِداشون لَنَت کردَ، اِمی خونه کن برکَه چَتینَه غَرّی بَه.

یوحنا موکاشیفَه 19:11

چَی بَه دوملَه ویندِمه کن آستامون آج آبه و بوین، ایلَه ایسبیَه اسب! ایی نفر چَی سَریکا نشته کن چَی نوم وفادار و حقَّه. اَ، عادیلانَه دییون بَکَی و بَجَنگِستی.

یوحنا موکاشیفَه 4:1

چَی بَه دوملَه دَیشتِمه و ایله آج آبه بَرنگا آستامونیکام ویندَ، و هه سس کن هنتَه زِرنا سَسی شیوار بَه و بَمنَه گفِش ژَ بَه، هنی واتش: «ام جگارا کفا بِه، و اَز اَ چیی ایی کن چیمی بَه دومله پی ایتفاق دگنِه، بَتِه آمَموست.»

یوحنا موکاشیفَه 4:5

و تختی سَردِرِ گِرّی برق شَپق اَژَنی و برکَه سَسی اَدَریَه. تختی ناریکا، هف گلَه کولوستارَ مشعل بَه کن خدا هف گلَه روحینَه.

یوحنا موکاشیفَه 7:15

اِمی خاطِرَ کن: «اِمِن خدا تختی ناریکاینَه و شَوانَه روج چَی مَعبدیکا بَی خیدمت بَکَن؛ و اَ تختی سَر اَنِش، اِشتَن حِضورینه اَوون سرپنا آرَدا.

یوحنا موکاشیفَه 8:5

چَی بَه دوملَه فرشتَه بوخوری مَنقالی پِگتشَه و و قربونَه جگا آرا کا پتلَمه آکَردِش و زَمینی سَردِرِ ویداشتِش. اَموقه گِرَ خونَه سَس بَه، و برقی کن آستامونیکا اَژَنیَه و بومَه لَرزَ آمه.

یوحنا موکاشیفَه 8:7

اولین فرشتَه اِشتَن زِرناش فو دَکَردَ، و ایکَرَ ایی تَرک و آرا کن خونینَه یَندِ گنَه بَه زَمینی سَردِرِ وارِسته و زَمینی یَک سووم سیجیستَه و یَک سِووم دارِن سیجیستین و کَوَ سَوزَ اِن گِرد سیجیستین.