یوحنا موکاشیفَه 10:5 - کتاب مقدس به زبان تالشي - گویش مرکزی

⁵ چَی بَه دوملَه اَ فرشتَه ایی کن ویندَم بَه دَیرا و خِشکیکا پا مندَ، اِشتَن راستَه بالی آستامونیرا راست آکَردِش

کتاب مقدس به زبان تالشی شمالی

⁵ دومله اَ ملائیکه که ویندِمَه دریا و خشکی کا مَندَه بَه، اِشتَن راستَ دَسی آسمونی طرف بِلند آکَردِشَه،

یوحنا موکاشیفَه 10:5 Iomraidhean Croise

رَسولون اَعمال 14:15

«اَی مِردِن چیرا اِنتَرَ بَکَرون؟ اَمه نی شِمَه شیوار، اینسانیمون. اَمه بَشِمَه خَشَه خَبَری آدرَم کن اِنتَرَ دَدارَ چییونکا دَس پِگِرَ و زندَ خدا کا، کن آستامون و زمین و دَیرا و هَر چیی کن چَوون دِلَکارَ، خَلقِش کردَیَه، ایمان بوعرَ.

رَسولون اَعمال 17:23

چون هَنگومی کن شَهریکا اَگَردیمَه اَ چیی کن شِمَه اَی بَپَرَستیرون کایبیم دَیَشتِه، ایلَه قِربونه جگام ویندَ کن چَی سَریکا نِوِشتَه بَه: نِه آزنِستَه خدا تَقدیم ببو. ایسَه، اَ چیی ایی کن شِمَه نِه آزنِستِه بَی بَپَرَستیرون، اَز بَشِمَه اییلام بَکَم.

رومی کلیسارا نامه 1:20

چون خدا اَ صیفَتِن کن نییَب اَوون ویندِ، یعنی چَی زَیرونَه خِنَر و ایلاهییَه ذات، دِنیا خلق بِه شِرووکا، اَ چییِنی کن سی آبَه اینَه دلَکا واضح ویندَنینَه. پس اَیِن دِ هیچ رِقنَه ایی نیشون.

نامَه، عِبرانیه نَتاجَه مسیحیونرا 6:13

اَموقه کن خدا اِبراهیمیش وعَدَ داشَه، اِمی خونه کن کَسی بَیکا یالتَر نبَه کن چَی سَردِرِ قسم برِ، پس اِشتَن سَر قَسم هردِش

یوحنا موکاشیفَه 1:18

اَز، کن زندَایمَه. مَردَ بیم، ولی ایسَه دیَس زیرون زندَایمه و مَردِ و مردَ اون دِنیا اَچَرِن بَمِنکارَ.

یوحنا موکاشیفَه 10:2

ایلَه گِچ و آکردَ طوماری اِشن بالیکا داری. اَ فرشتَه اِشتَن راستَه لِنگی دَیراکا آناشَه و چَپه لِنگی خِشکیکا.

یوحنا موکاشیفَه 14:7

اَ تَتَّه لَسَّنه واتِش: «خداکا بتَرسَه بَی شکوه و جَلال بدَرَ، اِمی خونه کن چَی دیوون کَردِ ساعت آرَستَیَه. اَ کن آستامونِن و زمین و دَیرا و خونییِنِش خَلق کردَیَه پرستش بکَرَ.»

یوحنا موکاشیفَه 16:17

هفتومین فرشتَه اِشتَن قدرَ هوا کاش پِشَندَ و اَ تختیکا کن مَعبدی دلَکا بَه تَتَه لَسَّه ایی راست آبَه کن: « تَمون آبه!»

یوحنا موکاشیفَه 4:11

«اَی چَمَه خداوند، و چَمَه خدا، تِه شکوه و جلال و حورمت و خِنَری تقدیم بِه لایِقیشَه، اِمی خونه کن گردِ چییون خلق اَکَر تِه ایشَه و اِشتِه خواستنَه گردِ چییِن بوجود آمَه و خلق بین.»

یوحنا موکاشیفَه 4:9

هر موقه کن اَ زندَ مخلوقِن، اَ تختی سَر اَنِشیرا، اَکَن تا ابد و تا ابد زندَیَه، شکوه و جلال و حورمت و شکر تقدیم اَکَرین،