یوحنا موکاشیفَه 1:9 - کتاب مقدس به زبان تالشي - گویش مرکزی

⁹ اَز شمَه برا یوحنا، کن عَذابونکا و پادیشاهیکا و آمبَست بِه کا کن عیسی دلَکارَ، شمَنه شَریکیم، و خدا کلام و عیسی شاهیدی خونه، ایله جزیرَکا بیم کن بَی پاتموس اَواجین.

کتاب مقدس به زبان تالشی شمالی

⁹ از یوحنا، شِمَه بِرا، که عذابی کا و پاُتشایی و مقاومتی که عیسی کایَه، شِمَه نَه شریکیمَه، و خِدا کلام و عیسی شهادتی دوعِه واسی، ایلَه جزیرۀ کا بیمَه که اَیی نَه پاتموس بَواتین.

یوحنا موکاشیفَه 1:9 Iomraidhean Croise

مَتّی 20:23

عیسی واتِش: «شکی نیَه کن چمن گولَه کا بِنتیرون، ولی بزونَه کن چمن راستُ و چپَ وَریکا نِشتِه، چمن اِختیاریکا نیَه تا اَی کَسی ببخشم. اِم جگا اَ کسِنی شنهَ کن چمن دَدَ چَوونرا آمادَ آکردَشه.»

مَرقُس 10:39

اَیِن واتِشون: «ها، بَشامون.» عیسی اَیِنِش واتَه: «شکی نیَه کن هَه گولَه ایی کا کن اَز اَیکا بِنتیم، شِمَه نی بِنتیرون و غُسل تَعمیدی کن اَز بَگَتیم، شِمَه نی بَگَتیرون.

یوحنا 16:33

اِمون شمرا واتمَه تا چمن دلَکا صلح و سلامتی بدارَ. دِنیا دِلَکا شِمَرا ایذَت و آزاربَبیَه؛ ولی دلْی زبق غَم بَرَ، اِمی خونه کن اَز دنیاسَردِرِ پیروز آبَه ایمَه.»

رَسولون اَعمال 1:15

ایلَه اَ روجِن، پِطروس بِرااون دَلَکا کن گِرد حِدود صَدو بیست نَفر بین، پا مَندَ

رَسولون اَعمال 14:22

اَ شَهرونکا شاگِردون جانی زبق آداشون و اَوون آمبَست مَندِ ایمانیکا تَشویق کَردِشونَه و نَصیحتِشون کردَ کن: «پی خدا پادیشاهی دِلَه دَشِه را برکَه سختیون تاو بوعَرَم.»

رومی کلیسارا نامه 8:17

اَگَم خدا خِردَنِنیمون، پس وُرّاث نی هِستیمون، یعنی خدا واریثِن و مَسیح نَه ارثیکا شریکیمون. اِم شرطینَه کن اَمه نی عَذاب بوینَم، تا اَمه نی بَینه شکوه و جلال بیگِرَم.

رومی کلیسارا نامه 8:25

اَمّا اَگَم چیی ایی اومیدی دارَم کن هَنوزَنی ویندَمون نی، صَبرینَه چَی اینتیظاری بَکَشتیمون.

دوومین نامه قرنتیانیرا 1:7

چَمَه امید کن شِمَه سَر دارَم آمبستَه، اِمی خونه کن بَموستیمون هَتَه کن چَمَه عذابونکا رَسَت بَداشتیرون، چَمَه آلاویستِه کا نی رَسَت بَبَرون.

نامَه فیلیپی کلیسا را 1:7

اَز اِم حَقی بَداشتیمَه کن شِمَه گَردی خونِه اِنتَرَ حِسّی بِدارم، چیرا کن چمن دِلیکا جِگا بَداشتیرون؛ اِمی خونِه کن شِمَه گِرد بَمِنَه خدا فِیضیکا شَریکیرون، چِه چمن زیندان دگنِستِکا و چِه اِنجیلی دیفا کَردِ کا بِبوم و چَی حَییقتی ثابیت کَردِ کا.

نامَه فیلیپی کلیسا را 4:14

اِم حالیکا، لطف کَردِرون کن چمن زَمَتونکا شَریک آبیرون.

دوّمین نامَه تَسالونیکی کلیسا را 3:5

خداوند شمه دلون خدا موحبتینه و مسیح پایدارینه هیدایت بکَرِ.

دِوُّمین نامَه تیموتائوسیرا 1:8

پس، چَمَه خداوندیرا شاهیدی دوعه خونه یا اَز کن چَی خونه زیندانیکام، عار مَزون، بَسکَم تِه نی اِنجیلی خونه خدا زِبقینَه عَذاب کَشتِه کا شریک بب.

نامَه، عِبرانیه نَتاجَه مسیحیونرا 10:36

چون تا اَموقه کن خدا ایرادَ اَنجوم بدَرَ، لازِمه شمه تاو بوعَرَ، و اَ چیی ایی کن وَعدَشون دوعَیه بَدَست بوعَرَ.

پطروسی اوّلین نامَه 5:1

اَز کن اِشتَن ایسبیَه ریشونکا ایمَه و مسیح رَنجون شاهیدیمَه و شِکوه و جَلالی کن دیار بَبی کا شریکیم، ایسبیَه ریشِنی کن شمَه دِلَکانَه سیفارش بَکم کن:

یوحنا موکاشیفَه 1:1

عیسی مسیح موکاشیفَه، کن خدا بَی آداشَه تا اَ چییِ اِنی کن پی زو ایتفاق دگِنِه، اِشتَن وَزییَرون آمونِه. و اَش، اِشتَن فرشتَه، اِشتَن پاسَری یوحَنا وَر عَندِنَه، دیار آکردِش.

یوحنا موکاشیفَه 1:2

و اَ، هر چیی ایی کن ویندِشه، یعنی خدا کلام و عیسی مسیح شاهیدی سَردِرِ، شاهیدی داشَه.

یوحنا موکاشیفَه 1:4

یوحنا طَرفیکا، هَف گلَه کلیسارا کن ولَتِه آسیا کا هِستین: فیض و صلح و سلامتی اَ کَسی طرَفیکا کن، هِستَه و بَه و بومَیَه، شِمَرا ببو، و هف گلَه روح طَرَفیکا کن چَی پادیشاهی تختی ناریکاینَه،

یوحنا موکاشیفَه 1:6

و اَ، اَمش ایله مَملَکت و کاهینِنی اِشتَن دَدَ خدارا، آکردش، تا ابد شکوه جلال وسلطنت چَیرا ببو، آمین.

یوحنا موکاشیفَه 11:7

هنته کن اَیِن اِشتَن شاهیدی تَمون آکَن، اَ اَشیا کن هاویَه چالیکا بِرِن آ، اَوونَّه بَجنگِستی و چَوون سَردِرِ پیروز بَبی و اَوون بَکِشتیَه.

یوحنا موکاشیفَه 12:11

اَیِن وَرَ خونینَه و اِشتَن شاهیدی کلامینه، چَی سَردِرِ پیروز آبین. اِمی خونه کن حتی تا مَردِ موقه، اِشتَن جانی خاجَتی نَزنینَه.

یوحنا موکاشیفَه 12:17

چَی بَه دومَله اَژدِخا ژِنیرا آسَرنگَه و شَه تا چَی مَندَ نَتاجینَه بجنگِه؛ یعنی اَیِنی کن خدا حِکمون ایطاعَت بَکن و عیسی شهادتیکا آچیکِسته اینه.

یوحنا موکاشیفَه 13:10

اَگَم کَسی قرارَ اَسیر ببو، اسیر بِه را بَشییَه. اَگَم کَسی پی شمشیرینه بِمِرِ، شمشیرینه بَمَردییَه. واِم، موقدَسه آدَمون آمبَست بِه و چَوون ایمانی بَپیشه.

یوحنا موکاشیفَه 14:12

و اِم موقدسون آمبست بِه بَپیشَه، اَیِن کن خدا حِکم و مسیح کا ایمان بَداشتین.

یوحنا موکاشیفَه 19:10

چَی بَه دومله چَی پابِن برگِنِستیم تا بَی پرستِش بکَم. ولی بَمِنش واتَه: «انترَ مکه! اِمی خونه کن اَز تِنَه و اِشتِه برا اونَّه کن عیسی شهادتیکا آچیکه این، هم خیدمتیم. خدا پرستش بکَه!» اِمی خونه کن عیسی شهادت، پیشگویی روحَه.»

یوحنا موکاشیفَه 20:4

چَی بَه دومله تختِنی ویندِمه کن دیوون کردِ زاکینی، چَوون سری اَنِشی دوعَشون بَه. و آدَمون جانی ویندِمه کن چَوون کلَّه عیسی مسیح را شاهیدی دوعِه خونه و خدا کلامی شاهیدی دوعِه را، چَوون تنیکا جدا آبَه بَه. و کَسِنی ویندمه کن اَ اَشیا و چی موجَسمَشون پرستش نِکردَ، و چَی نشونَه اِشتَن پوشنو و اِشتَن بالیکا قِبولشون نِکردَ. اِمِن هَنی زندَ آبینَه و مَسیح نَه هَزار سال سلطنشون کردَ.

یوحنا موکاشیفَه 3:10

اِمی خونه کن تِه چمن کلام کن آمبَست گیری خونِه اَ، غَمِر هردَیَه، اَز نی وَرداورد بِه ساعَتیکا، اَ ساعت کن گردِ دِنیا کا بومیَه تا زَمینی سَردِرِ آدَمون وَرداورد بکرِ، بَتِه غَم بَردیمه.

یوحنا موکاشیفَه 6:9

هَنگومی کن وَرَ پِنجومین موهرِش آکردَ، اَز قِربونگا بنیکا، اَ کَسونی جانِنِم ویندَ کن خدا کلامی خونه و شاهیدی ایی خونه کن دوعَشون بَه، اَیِنِشون کشتَه بَه.

یوحنا موکاشیفَه 7:14

جَوابِم دوعَه: «چمن سرور، اِمی تِه بَموستیشَه.» و اَ واتش: «اِمِن ههَ کَسِنی هِستینَه کن یالَه عَذابیکا بَروشتین و اِشتَن رَدا اون وَرَ خونی دلَکا شوشتَشونه و ایسبی آکَردَشون.