یوحنا موکاشیفَه 1:7 - کتاب مقدس به زبان تالشي - گویش مرکزی

⁷ بوینَه، اَ، خِرونَّه آ، هر چَمی بَی بَویندییَه، حتی اَیِنی چَم کن اَشون نیزَنَه ژَ؛ و زَمینی سَردِرِ گِردِ طایفَه اِن چَی خونِه عازیَه بَگَتین. واقییَن کن اِنتَرَ بَبییَه. آمین.

کتاب مقدس به زبان تالشی شمالی

⁷ دَیِسَه: اَ، خِرِون نَه بومَی، هَر چِمی اَیی بَویندی، حتی کسونی که اَیی نِیزَه ژَندَشونَه؛ و زمینی گِردِ طایفه اِن، چَیی واسی شیون بَکَردین. راس راسی که اِنتَه بَبی. آمین.

یوحنا موکاشیفَه 1:7 Iomraidhean Croise

مَتّی 16:27

«اِمی خونه کن اِینسانی زوعَه اِشتَن آستامونیَه دَدَ جَلالیکا واِشتن فرشتَه اونَّه بومَیَه و اَ زَمانیکا هَر کَسی چَی کَردَ کارون شیوار عَوض دَرِ.

مَتّی 16:28

حَییقتا بَه شمَه باتیم کن بَعضیِن اِم جگا کا پامَندینه کن تا اِینسانی زوعَه نِوینن کن اِشتَن پادشاهیِ دِلَکا کا آمِه، نینّمرد.»

مَتّی 24:30

اَموقه اینسانی زوعَه نِشونَه آستامونیکا اَیر آرَبن و گردِ دِنیا قامِن اِشتَن سینه سَر بَژَن و اینسانی زوعَه بَویندینه کن یالَه خنَر و شکوه جلالینَه آستامونی خرون سَردِرِ آ.

مَتّی 25:31

«هَنگومی کن اینسانی زوعَه اِشتَن شکوه و جلالی نه وگردِ فرشتَه اونَّه با، اِشتَن پرشکوهَه پادیشاهی تختی سَردِرِ بَنشتیَه.

مَتّی 26:64

عیسی جواب داشه: «ته ایسَه اِشتَن واتِرَ! ولی بَشِمَه باتیمَه کن چیمی بَه دوملَه، اینسانی زوعَه بَویندیرون کن خدای قادِری راستَه بالی وَریکا نِشتَه و آستامونی خِرون سَردِرِ آ.»

مَرقُس 13:26

اَموقه آدَمِن اینسانی زوعَه بَویندینَه کن یالَه خِنَر و شکوه جَلالینَه خِرون دِلَکا آ.

مَرقُس 14:62

عیسی بَی واتِش: «هِستیمَه، و اینسانی زوعَه بَویندیرون کن خدای قادِری راستَه بالی وَریکا نِشتَه، و آستامونی خِروونَّه بومَیَه.»

انجیل لوقا 21:27

اَموقه اِینسانی زوعَه بَویندینَه کن خِنَرو و یاله شکوه و جلالینه، ایلَه خِری دِلَکا آ.

یوحنا 19:34

اَمّا ایلَه سربازونکا نیزه‌ای عیسی تَفیکا ویخاستشه و جَخت خون و آو، اَیکا ویبَه.

یوحنا 19:37

و هِنتَه نی دییَر جِگایی موقدسَه نوشتَه اونکا نوشتَه آبَه یَه کن: «بَه اَ کن نِیزَ بَی ویخاستِشون، دَنَّدِشت.»

اوّلین نامَه تَسالونیکی کلیسا را 1:10

و تا خدا زوعَه آستامونیکا آمِه اینتیظاریکا ببَه، کن خدا بَی مردَ اونکا زندَ آکَردِشه، یعنی عیسی، کن اَمَش آیَندَ غَضَّبیکا بَرَخامونِستی.

اوّلین نامَه تَسالونیکی کلیسا را 4:17

چَی به دوملَه، اَمه کن زندَایمونَه و هِستیمون، اَوونَّه خِرون دلَکا کفا بَبَنه، تا خداوندی هوا کا بوینَم، و اِنترکه اوزون خداوندینه بَبیمون.

نامَه، عِبرانیه نَتاجَه مسیحیونرا 10:29

شمَه گَمونینَه اَ کن خدا زوعَه حقّی پا بِن آناشه، و اَ عهدی خون کن چَیرا وقف آبَیه بی حورمت آکردِش، و فیضی روح بی عیزّتِش آکردَ، چَنَه برکَه چَتینه موجوزاتی چَی سَردِرِ آ؟

نامَه، عِبرانیه نَتاجَه مسیحیونرا 6:6

و چَی به دوملَه اِشتَن ایمانیکا ویگنستین، هَنی نییَبن اَوون ازنوتوبه کردِ را وردِ، چیرا کن اَیِن هنی اِشتَن زِرَبَرا، خدا زوعَه مصلوب بَکَن و گردی وَریکا بَی بی حورمت بَکنه.

یوحنا اوّلین نامَه 3:2

اَی خاجَتیِن، ایسَه خدا خِردَنِنیمون، ولی اَ چیی ایی کن بَبیمون هَنوزَنی دیار آبَه نیَه. ولی بَموستیمون اَموقه کن اَ اَیر آبو، چَی شیوار بَبیمون، چون بَی هَتَه کن هِستَه، بَویندیمون.

یهودا نامه 1:14

خَنوخ کن، آدَمی بَه دوملَه هفتومین اودوم بَه، اِم چییون خونه پیشگوییش کردَ، کن: «بوین، خداوند، اِشتَن هَزاران هَزار گلَه موقدسونَّه آ

یوحنا موکاشیفَه 22:20

اَ کن اِم چییون خونه شاهیدی دَرِ باتیَه: «یقین، اَز خیلی زوو بومَمَه.» آمین. اَی خداوند عیسی، بِه!

یوحنا موکاشیفَه 22:4

اَیِن چی صفتی بویندینه. چَی نوم چَوون پوشنوکا بمندییَه.