یوحنا موکاشیفَه 1:5 - کتاب مقدس به زبان تالشي - گویش مرکزی

⁵ و عیسی مسیح طَرَفیکا، اَ اَمینَه شاهید کن اولین کَسی بَه کن مردَاون دلَکا زندَ آبَه و دِنیا سَردِرِ پادیشاهون حاکیمَه. اَ کن اَمه رَی بداشتی و اِشتَن خونینَه، اَمَش چَمَه گِناخونکا اَراخِمونیَشَه،

کتاب مقدس به زبان تالشی شمالی

⁵ و عیسایِ مسیح طرفی کا، اَ وفادارَه شاهِد و اوّلین کسی که مَردَه اون دیلَه کا زِنده آبَه و پاُتشااون حاکِم، زمینی سَری کا. اَ که اَمَه نَه خِشَه و اِشتَن خونی نَه، اَمَه چَمَه گناه اون کا رَهایی دوشَه،

یوحنا موکاشیفَه 1:5 Iomraidhean Croise

مَتّی 20:28

اِمی خونه کن حتی اینسانی زوعَه نی آمَه نی تا بَی خیدمَت بِکَن، بَلکَم آمَه تا خیدمَت بکَرِ و اِشتَن جانی خَیلیون رَخِستِه خونه فِدا بکَرِ.»

مَتّی 28:18

اَموقه عیسی نِزِک آمَه و اَیِنِش واتَه: «گردِ زاکین، آستامونیکا و زَمینی سَردِرِ چمن دَست آدوعَه آبَیَه.

یوحنا 13:1

پِسَخَه عیدی بَه نَ، وقتی عیسی سَر آگِنَه کن چَی وَقت آرَستَیَه تا اِم دِنیا کا دَدَ ور بشو، اَیِنی کن اِم دنیاکا رَی داری، برکَه موحبَت کَردشَه.

یوحنا 13:34

ایله تازَ حکمی بَه شمَه دَرِم، و اَ اِمَه کن یَندِ موحبت بکَرَ. هَته کن اَز بَشِمَه موحبت کردِمهَ، شمه نی پی یَندِ موحبت بکَرَ.

یوحنا 15:9

«هَته کن دَدَ بَمن رَی داشتَشَه، اَز نی شمَه رَی داشتَمَه؛ چمن موحَبَتیکا بومونَه.

یوحنا 18:37

دومله پیلاتُس اَیکَا دَپرسِستَه؟ «پس تِه ایله پادیشاهیشَه؟» عیسی جواب داشَه: «تِه اِشتَن باتیش کن اَز ایله پادیشاهیمه. اَزاِمی خاطر دِنیا آمَه ایمَه و اِم هَدَفی خونه اِم دِنیا دِلَرا آمیمَه تا حییقتی خونه شاهیدی بِدَرم. پس هر کم کن حییقَتی شنهَ چمن سَسی گوش بدَرِ.»

یوحنا 3:11

حییقتا بَه تِه باتیمَه کن اَمه، اَچیی ایکا کن بَموستیمون گَف بَژَمون و اَچیی سَردِرِ کن بَویندیمون شَاهیدی بَدامون، اَمّا شمَه، چَمَه شاهیدی قِبول نینّکَرد.

یوحنا 3:16

« اِمی خونه کن خدا اَنَ دِنیا رَی داری کن اِشتَن تاکَه زوعَه آداشَه تا هر کم بَی ایمان بوعَرِ نیفله آمَبو، بَلکَم زَیرونَه زندَگی بِدارِ.

یوحنا 3:32

اَ، اَچی ایی خونه کن ویندَشهَ و دَرَستَشَه شاهیدی دَرِ،ام حالینه هیچ‌کَم چَی شاهیدی قِبول نیَکرد.

رَسولون اَعمال 20:28

شِمَه حواس بَشتَنکا ببو. و رَمَه اِنی کن خدا موقدسَه روح، بَشِمَه اینتخابِش کردیَه تا چَوون سَریکا بِبَه، حواسِرون اَوونکا ببو. خدا کلیسارا کن اَش اِشتَن خونینَه خِرییَه شَه، شونَه گیری بکرَ.

رَسولون اَعمال 26:23

اِمکن مَسیح پی رَنج بِکَشِه و اَوَلین کَسی ببو کن مَردَاونکا زندَ آبو، تا نوری، اِم قام و دییَرَقامون دِلَکا اییلام بکَرِ.»

رومی کلیسارا نامه 3:25

خدا، عیسی مسیحِش هِنتَه گِناخون کَفارَ شیوار آناشَه، اَ کَفّارَ کن چَی خونیَنه و ایمان داشته را کا بِدَست آ. اِم، خدا عیدالَتی آمونِستِه خونه بَه، اِمی خونه کن اَ اِشتَن ایلاهییَه صَبرینَه، اَ گِناخِنی کن چیمی بَه نَه ایتفاق دَگِنِستَه به، نِدیدِش گَتَه.

رومی کلیسارا نامه 8:37

نِه، چَی واسیطَنه کن اَمَش موحبَت کَردَ، گِردِ اِم کارونکا، اَمه، اَیِنی کا کن پیروزین، کَفاتَریمون.

اوّلین نامَه قورَنتیانیرا 6:11

بعضی شِمَه اونکا گِذَشتَکا اِنتَرَ بینَه، ولی خداوند عیسی مسیح نومینَه و چَمَه خدا روح واسیطَنه شِمَشون شوشتَه، تقدیس آبیرون و صالح بَحیساب آمیرون.

نامه غلاطیَه کلیسارا 2:20

اَز مَسیح نَه صَلیبی سَر مَصلوب آبیم، واِم دِ اَز نیمَه کن زندَگی بَکَی؛ بَلکَم مَسیحَه کن چمن دِلَکا زندَگی بَکَی؛ و اِم زَندَگیی کن ایسَه جَندَکیکا دارِم، خدا زوعَه سَر ایمان وَردِ خونِه یَه کن بَمن رَی داری و اِشتَن جانی مرا آداشَه.

نامَه اَفسوسی کلیسارا 2:4

ولی خدایی کن چَی رحمت بَرک وِرَ، اِشتَن یالَه موحبتی خونه اَمه رَی داریَه،

نامَه اَفسوسی کلیسارا 5:2

و موحبتینه رفتار بکرَ، هته کن مسیح نی اَمَش موحبَت کردَ و اِشتَن جانی، هنته ایلَه قِربونی و عَطرینَه خَلایی شیوار خدارا تقدیم کردش.

نامَه کُولُسی کلیسا را 1:18

اَ تَنیرا یعنی کلیسا سَرَ. اَ شِروو و اولین نفرَ کن مرداونکا زندَ آبَه یَه، تا گردِ چییونکا اَ سَر ببو.

اوّلین نامَه تیموتائوسیرا 6:13

اَز، خدایی کن گِردِ چییون زندَگی بَبَخشِستی حِضوریکا، و مسیح عیسی ناریکا کن پونتیوس پیلاتوسی وَریکا، چاکَه ایترافِش کردَ، بَرک بَتِه سیفارش بَکَم،

اوّلین نامَه تیموتائوسیرا 6:15

کن خدا اِمی موناسیبَه وقتیکا اَنجوم آرَدا، اَ کن موتبارکَه و تاکَه حاکیم و شاهون شاه و خداوندون، خداوندَ.

نامَه، عِبرانیه نَتاجَه مسیحیونرا 10:29

شمَه گَمونینَه اَ کن خدا زوعَه حقّی پا بِن آناشه، و اَ عهدی خون کن چَیرا وقف آبَیه بی حورمت آکردِش، و فیضی روح بی عیزّتِش آکردَ، چَنَه برکَه چَتینه موجوزاتی چَی سَردِرِ آ؟

نامَه، عِبرانیه نَتاجَه مسیحیونرا 9:14

چَنَه ویشتَر، مسیح خون کن اَ زَیرونَه روح واسیطنَه، بَشتَنِش بی عَیب، خدارا تقدیمِش کردَ، چَمَه ووژدانی دَدارَ کارونکا پاجا بَکَی تا بشوعَم زندَ خدا خیدمت بکرم.

پطروسی اوّلین نامَه 1:19

بَلکَم مسیح با اَرزِشَه خونینَه، اَ وَرَ کن بی عَیب و بی لَکَّه یَه، خِرییَشونَه.

یوحنا اوّلین نامَه 1:7

ولی اَگَم نوریکا زندگی بَکمون، هَتَه کن خدا نوری دلکارَ، یَندِنَه رَفاقَت دارَم و چَی زوعَه عیسی خون، اَمه هر گِناخیکا پاجا بَکَی.

یوحنا اوّلین نامَه 4:10

موحبَت هِمَه، اَمه خِدامون موحبت کردَ نی، بَسکَم اَ اَمَش موحبَت کَردَ و اِشتَن زوعَه عَندِشَه تا چَمَه گِناخون کَفّارَ ببو.

یوحنا موکاشیفَه 11:15

چَی بَه دومله هَفتومین فرشتَه اِشتَن زرناش فو دَکردَ؛ برکه لَسَّه ایی آستامونیکا دَخَنیستَه کن اَواجییَه: «دِنیا پادیشاهی، چَمه خداوند و چَی مسیح شِن آبَیَه. و اَ، تا ابد و تا ابد سلطنت بَکیَه.»

یوحنا موکاشیفَه 11:3

و اَز اِشتَن دِ گلَه شاهیدی زاکین دَرِم تا باشلاق دَکَن و هَزار ودِویست و شِصت روج پیشگویی بِکَن.»

یوحنا موکاشیفَه 17:14

گردِ اَیِن اَ وَرَ نَه جنگِستِه خونه راست آنَّب، ولی وَرَ چَوون سَردِرِ پیروز آرَب، اِمی خونه کن اَ خداوندون خدا و پادیشا اون پادیشا اَ و اَیِنی کن بَینه دَرِ این، اَیِنین کن صَلا ژَشه و اَوون اینتخابِش کردیَه و چَی وفادارَ پیرووِنین.»

یوحنا موکاشیفَه 19:11

چَی بَه دوملَه ویندِمه کن آستامون آج آبه و بوین، ایلَه ایسبیَه اسب! ایی نفر چَی سَریکا نشته کن چَی نوم وفادار و حقَّه. اَ، عادیلانَه دییون بَکَی و بَجَنگِستی.

یوحنا موکاشیفَه 19:16

و چَی ردا و رونَه کَشیکاشون ایله نوم نوشتَه یَه: «شاهون شاه و خداوندون خداوند.»

یوحنا موکاشیفَه 2:13

بَموستیم کِرَم جگاکاشَه، اَ جِگا ایکا کن شَیطونی پادشایی تختَه. اِم حالینَه بَرک چمن نومی دَچِیکه ایشَه، حتی چمن اَمینَه شاهید، آنتیپاسی کِشته روجیکا کن اَشون شمَه دلَکا کن شَیطونی مندَ جگا اَ کِشتِشون، ایمانی کن بَمن داریشَه حاشا نِژِرَ.

یوحنا موکاشیفَه 3:14

«لائودیکیَه کلیسا فرشتَرا بِنوِس: «اَ کن آمین هِستَه، اَ اَمینو و حییقیَه شاهید، اَ کن خدا خیلقتی سرچشمَه یه، انترَ باتی:

یوحنا موکاشیفَه 7:14

جَوابِم دوعَه: «چمن سرور، اِمی تِه بَموستیشَه.» و اَ واتش: «اِمِن ههَ کَسِنی هِستینَه کن یالَه عَذابیکا بَروشتین و اِشتَن رَدا اون وَرَ خونی دلَکا شوشتَشونه و ایسبی آکَردَشون.