یوحنا موکاشیفَه 1:2 - کتاب مقدس به زبان تالشي - گویش مرکزی

² و اَ، هر چیی ایی کن ویندِشه، یعنی خدا کلام و عیسی مسیح شاهیدی سَردِرِ، شاهیدی داشَه.

کتاب مقدس به زبان تالشی شمالی

² و اَ، خِدا کلام و عیسایِ مسیح شهادتی، یعنی هَر چیی که ویندَش بَه، شهادتی بَدای.

یوحنا موکاشیفَه 1:2 Iomraidhean Croise

یوحنا 1:32

یحیی شاهیدی داشَه، واتِش: «اَز خدا روح ویندِمَه کن، کَفتِری شیوارآستامونیکا ویرمَه وچَی سَریکا مندَ.

یوحنا 12:17

اَ جمعیتی کن، وقتی عیسی ایلعازَری تربَکا خِلِه کَردِشَه و بَی مَرگیکا زندَ آکَردِشَه، اَینَه دَرِ بینَه، یَژَن اِم کاری خونه شاهیدی اَدَرینَه.

یوحنا 19:35

اَکَن اِمی ویندشَه، شاهیدی بَدای تا شمَه نی ایمان بوعَرَ. چَی شاهیدی راستَ و اَ بَموستی کن حقیقتی باتی.

یوحنا 21:24

اَ شاگرد هَه کَسیَه کن اِم چییون خونِه شاهیدی دَرِ و اِمون نوشتَشَه. اَمه بَموستیمون کن چَی شاهیدی راستَ.

یوحنا 3:11

حییقتا بَه تِه باتیمَه کن اَمه، اَچیی ایکا کن بَموستیمون گَف بَژَمون و اَچیی سَردِرِ کن بَویندیمون شَاهیدی بَدامون، اَمّا شمَه، چَمَه شاهیدی قِبول نینّکَرد.

رَسولون اَعمال 22:15

اِمی خونه کن تِه گِردِ آدَمون نَ کا، چَی شاهید بَبیشَه و اَ چیی ایی خونه کن ویندَرَ و درَستَرَ شاهیدی آشَدا.

رَسولون اَعمال 26:16

پِب و اِشتَن لِنگون سَر پا بِمون. اَز اِمی خاطر تِرا اَیر آبیمَه تا بَتِه اِشتَن پاسَری و شاهید آکَم، تا اَ چیی ایی دِلَکا کن بَمن ویندَرَ و اَچی ایی را کن تِرا اَیر آبیمه، شاهیدی بِدَری.

رَسولون اَعمال 4:20

اِمی خونه کن اَمه نِمونَشا اَ چیی ایی کن ویندَمون و دَرَستَه مونَه، نِواجَم.»

اوّلین نامَه قورَنتیانیرا 1:6

حتی چَمه شاهیدی مَسیح سَردِرِ شِمَه دِلَکا تَایید آبَه،

اوّلین نامَه قورَنتیانیرا 2:1

برا اِن اَز نی، هَنگومی کن شِمَه وَر آمیم، نامیمَه تا خدا رازون، یالَه گَفونَّه و حیکَمتینَه شِمَرا اییلام بکَرم.

یوحنا اوّلین نامَه 1:1

اَ چیی ایی کن شروو کا بَه، اَ چیی ایی کن دَرستَمونَه و اِشتَن چَمونَّه ویندَمون، اَ چیی ایی کن دَیَشتِمون و اِشتَن بالونَّه دَست آسا کَردِمون، یَعنی زندگی کلام کن اَی شِمَرا اییلام بَکَمون.

یوحنا اوّلین نامَه 4:14

و اَمه ویندَمونَه و شاهیدی دَرَم کن دَدَ، اِشتَن زوعَه عَندَشَه تا دِنیا نیجات اَدَر ببو.

یوحنا سوّمین نامَه 1:12

گِرد دیمیتریوسیرا چاک شاهیدی دَرِن، حتی حَییقت اِشتَن. اَمه نی اِنتَرَ شاهیدی دَرَم و بَموستیش کن چَمه شاهیدی راستَه.

یوحنا موکاشیفَه 1:11

کن اَواجیَه: «اَ چیی ایی کن کاش ویندِ ایلَه کیتاویکا بنوِس و هف گلَه کلیسا اِنِه اِفِسُس، اِسمیرنا، پِرگاموم، تیاتیرا، ساردِس، فیلادِلفیِه و لائودیکیَه را بَینِنن.»

یوحنا موکاشیفَه 1:19

«پس اَ چیی ایی کن ویندَرَ، و اَ چیی ایی کن ایسَه هِسته و اَ چیی ایی کن چیمی بَه دوملَه بَبیَه بنوِس.

یوحنا موکاشیفَه 1:9

اَز شمَه برا یوحنا، کن عَذابونکا و پادیشاهیکا و آمبَست بِه کا کن عیسی دلَکارَ، شمَنه شَریکیم، و خدا کلام و عیسی شاهیدی خونه، ایله جزیرَکا بیم کن بَی پاتموس اَواجین.

یوحنا موکاشیفَه 12:11

اَیِن وَرَ خونینَه و اِشتَن شاهیدی کلامینه، چَی سَردِرِ پیروز آبین. اِمی خونه کن حتی تا مَردِ موقه، اِشتَن جانی خاجَتی نَزنینَه.

یوحنا موکاشیفَه 12:17

چَی بَه دومَله اَژدِخا ژِنیرا آسَرنگَه و شَه تا چَی مَندَ نَتاجینَه بجنگِه؛ یعنی اَیِنی کن خدا حِکمون ایطاعَت بَکن و عیسی شهادتیکا آچیکِسته اینه.

یوحنا موکاشیفَه 20:4

چَی بَه دومله تختِنی ویندِمه کن دیوون کردِ زاکینی، چَوون سری اَنِشی دوعَشون بَه. و آدَمون جانی ویندِمه کن چَوون کلَّه عیسی مسیح را شاهیدی دوعِه خونه و خدا کلامی شاهیدی دوعِه را، چَوون تنیکا جدا آبَه بَه. و کَسِنی ویندمه کن اَ اَشیا و چی موجَسمَشون پرستش نِکردَ، و چَی نشونَه اِشتَن پوشنو و اِشتَن بالیکا قِبولشون نِکردَ. اِمِن هَنی زندَ آبینَه و مَسیح نَه هَزار سال سلطنشون کردَ.

یوحنا موکاشیفَه 22:21

خداوند عیسی فیض شمَه گِردینَه دَرِ ببو. آمین.

یوحنا موکاشیفَه 6:9

هَنگومی کن وَرَ پِنجومین موهرِش آکردَ، اَز قِربونگا بنیکا، اَ کَسونی جانِنِم ویندَ کن خدا کلامی خونه و شاهیدی ایی خونه کن دوعَشون بَه، اَیِنِشون کشتَه بَه.