یوحنا موکاشیفَه 1:11 - کتاب مقدس به زبان تالشي - گویش مرکزی

¹¹ کن اَواجیَه: «اَ چیی ایی کن کاش ویندِ ایلَه کیتاویکا بنوِس و هف گلَه کلیسا اِنِه اِفِسُس، اِسمیرنا، پِرگاموم، تیاتیرا، ساردِس، فیلادِلفیِه و لائودیکیَه را بَینِنن.»

کتاب مقدس به زبان تالشی شمالی

¹¹ که بَواتی: «اَ چیی که بَویندیش ایلَه کیتابی دیلَه کا بینیویس و اِم هفت گِلَه کلیسا: اَفِسُس، اِسمیرنا، پِرگاموم، تیاتیرا، ساردِس، فیلادِلفیَه و لائودیکیَه را ویسا آکَه.»

یوحنا موکاشیفَه 1:11 Iomraidhean Croise

رَسولون اَعمال 16:14

چَوون دِلَکا ژنی خدا پَرَست شَهرِ تیاتیرا آدَمونکا بَه کن چَمَه گَفون گوش اَکَریَه. چَی نوم لیدیَه بَه و اَرغوانیَه گِرونَه پارچَه اَخِرَشیَه. خداوند چَی قَلبی آکَردِشَه تا پولوسی پَیغومی گوش آدَرِ.

رَسولون اَعمال 18:24

اَ روجون کا، یَهودیَه مِردی آپولس نوم کن اِسکَندَریَه آدَمونکا به، اَفِسُسیرا آمَه. اَ ماهیرَ گَفَه ژَنی بَه و موقدسَه نوشتَه اونکا خَیلی اَزنیَه؛

رَسولون اَعمال 20:17

پولوس ایلَه پیغوم میلیتوسیکا اَفِسُیسیرا عَندِشَه و کِلیسا ایسبیَه ریشون اِشتَن وَر خِلِه کَردِش.

اوّلین نامَه قورَنتیانیرا 15:32

اَگَم چمن جنگِستِه شهر اَفِسُسی آدَمونَّه کن اَشیا شیوار بین، چه بَرَ ایی اَیکا بردَمه؟ اینسانی چَمیکا کام گَف ژِ، اَگَم مردَاِن زندَ آنینَّب، «بِرَ بَرَمو و بِنجَم اِمی خونه کن سَف سَه بَمَردیمون.»

اوّلین نامَه قورَنتیانیرا 16:8

ولی تا پنتیکاستی عید، شهر افِسوسیکا بمَندیم.

نامَه اَفسوسی کلیسارا 1:1

پولوسی طرَفیکا کن خدا خواستَنه مسیح عیسی رسولَه، بَه موقدَسه آدَمِنی کن شهر اَفِسوسیکا بمَندین، اَیِنیرا کن مسیح عیسی دلَکا وفادارینَه:

نامَه کُولُسی کلیسا را 2:1

بَپیمه بزنَه کن شمَه خاطر و کَسِنی خونه کن لائودیکیَکا مندین، و گِردِ اَیِنیرا کن چمن صَفَتی ویندَشون نی، چنتَرَ تقلا بَکم،

اوّلین نامَه تیموتائوسیرا 1:3

هَتَه کن چمن شِه موقه مَقدونیَه منطقَه طَرَف بَتِکا خاشتو خازِم کردَ، هَنی بَتکا بَپیمَه شهر اَفِسوسیکا بومونی تا بعضیون فِرمون بَدری کن دییَرَ آموج نِدَرن.

یوحنا موکاشیفَه 1:17

هنته کن بَی ویندِم ایلَه مَردَ شیوار چَی پا بِن ویگِنستیم. ولی اَ اِشتَن راسته بالی چمن سَریکا ناشَه و واتش: «مترس، اَز اول و آخِریمه؛

یوحنا موکاشیفَه 1:19

«پس اَ چیی ایی کن ویندَرَ، و اَ چیی ایی کن ایسَه هِسته و اَ چیی ایی کن چیمی بَه دوملَه بَبیَه بنوِس.

یوحنا موکاشیفَه 1:2

و اَ، هر چیی ایی کن ویندِشه، یعنی خدا کلام و عیسی مسیح شاهیدی سَردِرِ، شاهیدی داشَه.

یوحنا موکاشیفَه 1:20

اَ هف گله اِسترَ کن چمن راسته بالیکا ویندِرَ و اَ هف گلَه طِلِه اینَه چراغدانی راز اِمَه: اَ هف گلَه اِسترَ، هف گلَه کیلیسا فرشتَه اینَه، و اَ هف گلَه چراغدان نی هه هف گله کیلیسا اینه.

یوحنا موکاشیفَه 1:4

یوحنا طَرفیکا، هَف گلَه کلیسارا کن ولَتِه آسیا کا هِستین: فیض و صلح و سلامتی اَ کَسی طرَفیکا کن، هِستَه و بَه و بومَیَه، شِمَرا ببو، و هف گلَه روح طَرَفیکا کن چَی پادیشاهی تختی ناریکاینَه،

یوحنا موکاشیفَه 1:8

خداوند خدا باتی: «”الف“ و ”ی“ اَزیمَه؛ اَزیمَه اَ مطلَقه قادِر کن هِستَه و بَه و بومَیَه،

یوحنا موکاشیفَه 10:4

و هَنگومی کن اَ هَف گلَه گِرّ گَف آرمین، اَپیم بَه بِنوِسم؛ ولی سَسی آستامونیکا درَستِمه کن واتش: «اَ چیی ایی کن اَ هَف گلَه گِرّ باتین، موهر و موم بکه و مَنوِس.»

یوحنا موکاشیفَه 14:13

اَموقه سَسی آستامونیکا درَستِم کن اَواجیَه، «اِمی بنوس: خَشی اَیِنی حالیرا کن چیمی بَه دوملَه خداوندی دلَکا بَمَردین.» و خدا روح واتش: «واقیین اَیِن اِشتَن زَمَتونکا آلاوین، اِمی خونه کن چَوون اعمال چَوون دوملَه بومَیَه.»

یوحنا موکاشیفَه 19:9

واَ فرشتَه بَمِنِش واتَه: «اِمی بنوِس، خَشی اَیِنی حالیرا کن اَ وَرَ وَیوو اَوَری سوریراشون صَلا ژَیَه.» و واتشه: «اِمِن خدا حَییقیَه کلامینَه.»

یوحنا موکاشیفَه 2:1

«اَفِسوسی کلیسا فرشتَرا بِنوِس: «اَ کن هَف گلَه اِسترَ اِشتَن راستَه بالیکا دارِ و هف گلَه چراغدانی وسَطیکا گَل بژَی، اِنتَرَ باتی:

یوحنا موکاشیفَه 2:12

«پِرگامومی کلیسا فرشتَرا بنوِس: «اَ کن دِ دَمو تیرینجَه شمشیر دارِ، انترَ باتی:

یوحنا موکاشیفَه 2:18

تیاتیرا کلیسا فرشتَرا بنوِس: «خدا زوعَه کن چَمِن هنتَه کولوستارَ آرا شیوار بمَندی و چی لنگِن هنته شَپَق اَژَنه برنجی شیوارین، انترَ باتی:

یوحنا موکاشیفَه 2:24

ولی بقیَه اِ شمَه کن تیاتیرا کا بمندیرون، شِمَرا کن اِم آموجیکا دَنِچِکستیرون و اَ چیی اِنی کن بعضی ” شَیطونی عمیقَه نونَکه رازِن” باتینه، آموجِرون گتَه نیَه، اِمی باتیمَه کن اِمیکا ویشتَر شمَه دوشیکا بار نِمَنا.

یوحنا موکاشیفَه 2:8

«اِسمیرنا کلیسا فرشتَرا بِنوِس: «اَ کن اوّلَه و اَ کن آخیرَ، اَ کن مَردَ و زندَ آبَه، انترَ باتی:

یوحنا موکاشیفَه 21:5

چَی بَه دوملَه اَ کن تختی سَر نشت بَه واتِش: «بوین اَز، گردِ چییون تازَ آمَکَرد.» و هَنی واتِشَه: «اِمون بنوِس اِمی خونه کن اِمِن راستَه گَفینَه و بَبی اَوون ایتماد کردِ.»

یوحنا موکاشیفَه 22:10

اَ بَمن واتِشه: «اِم کیتاوی پیشگویی کلامی موهر موم مَکَه اِمی خونه کن اَ وقت نِزِکه.

یوحنا موکاشیفَه 22:16

«اَز، عیسی، اِشتَن فرشتَه شِمَه وَر عندِمه تا اِم چییون کلیسا اونرا شاهیدی بدَرِ. اَز داوودی رگو و ریشَه و صِبَه اِسترَ ایمَه کن دتاوِستییَه.»

یوحنا موکاشیفَه 3:1

«ساردِسی کلیسا فرشتَرا بنوِس: «اَ کن خدا هف گلَه روح و هف گلَه اِسترَ دارِ، انترَ باتی: اِشتِه کارونکا باخبَریمه. تِه اِشتِه زندَ بِه خونه سَرشناسیشَه، ولی مَردَایش.

یوحنا موکاشیفَه 3:14

«لائودیکیَه کلیسا فرشتَرا بِنوِس: «اَ کن آمین هِستَه، اَ اَمینو و حییقیَه شاهید، اَ کن خدا خیلقتی سرچشمَه یه، انترَ باتی:

یوحنا موکاشیفَه 3:4

«اِم حالینَه، هنوزَنی بعضیون سارِدسیکار هِستَه کن اِشتَن شندرِشون کثیف آکردَ نی و اَیِن ایسبیَه شندرینَه بَمِنه گَل بژَن، اِمی خونه کن لَیاقَتِشون هِسته.

یوحنا موکاشیفَه 3:7

«فیلادِلفیَه کلیسا فرشتَرا بِنوِس: «اَ کن حَقَّه و اَ کن قودّوسَه، اَ کن داوودی کلیدی بَداشتی، اَ کن آج آرَکَرد و دِ هیچ کَم نییَشا دبَستِه، و اَ کن درَبَست و هیچ کَم نییَشا آج آکَرِ، اِنتَرَ باتی: