نامَه فیلیپی کلیسا را 2:9 - کتاب مقدس به زبان تالشي - گویش مرکزی

⁹ پس خدا نی بَرک بَی دَوراشتِشَه و گِرد نومونکا کَفاتر بَی ایلَه نوم آداشَه،

کتاب مقدس به زبان تالشی شمالی

⁹ بَس خِدا اَیی بَرک بِلَند آکَردِشه و ایلَه نومی اَیی آدوشَه که گِردِ نومون کا کَفاتَر بَه،

نامَه فیلیپی کلیسا را 2:9 Iomraidhean Croise

مَتّی 11:27

چمن دَدَ گردِ چیون چمن اِختیاریکا آنوعَشَه. هیچ‌ کَم زوعَه، دَدَ شیوار آنیَموست و هیچ‌ کَم دَدَ، زوعَه شیوار آنیَموست، و اَیِنی کن زوعَه بَپیستیَه، دَدَ اَوونرا دیار آکَرِ.

مَتّی 28:18

اَموقه عیسی نِزِک آمَه و اَیِنِش واتَه: «گردِ زاکین، آستامونیکا و زَمینی سَردِرِ چمن دَست آدوعَه آبَیَه.

انجیل لوقا 10:22

چمن دَدَ گردِ چیون چمن اِختیاریکا آنوعَشَه. غَیراَز دَدَ کَسی زوعَه آنیَموست، و کَسی دَدَ آنیَموست، غَیر اَز زوعَه و اَ آدَمِنی کن زوعَه اینتخاب بکَرِتا دَدَ چَوونرا دیار آکَرِ.»

یوحنا 13:3

عیسی کن اَزنیَه دَدَ گرد چیون چَی دست آدوعَشه و اِمی نی اَزنیَه کن خدا طَرفیکا آمَیه و خدا وَر آرَگَردست،

یوحنا 17:11

اِمیکا ویشتَر اِم دِنیا کا نیمَمَند و اِشتِه وَر کایمَه آمِه، ولی اَیِن هَنوزَنی دِنیا کانه؛ اَی قودوسَه دَدَ، اَوون اِشتِه نومی خنَرینَه کن بَمن بَخشستَرَ غَم بَه، تا اَیِن نی ایلَه ببون، هَتَه کن اَمه ایلَه هستیمون.

یوحنا 17:12

تا وقتی کن اوونَّه بیمَه اَوون اِشتِه نومی خِنَرینَه کن بَمن بَخشِستِرَ غَم هَردِمَه، اَز اَوونکا موحافیظَت کَردِمَه و هیچ‌ کم اَوونکا نیفلَه آنِه بینَه، غَیرَاز اَ زوعَه ای کن چَی لیاقَت نیفلَه آبِه بَه تا اِنتَرَکِه موقدسَه نیوشتَه اِن اَنجوم ببون.

یوحنا 17:5

پس ایسَه اَی دَدَ، ته نی بَمن اِشتِه وَریکا جلال بِدَ، هَه جلالی کن دِنیا شروو بِه بَه نَ اِشتِه وَر داریم.

رَسولون اَعمال 5:31

و خدا اَش اِشتَن راستَه بالی وَریرا کَفا بَردِش، و بَی رهبر و نیجات اَدَر آکَردِشَه و یهودی آدَمون توبَه کردِرا و چَوون گِناخون بَخشِستِرا فِرصَت داشَه.

نامَه اَفسوسی کلیسارا 1:10

خدا نَقشَه اِم بَه، کن زمانی چَی وقت آرَسِه، چِه آستامونیکا و چِه زَمینی سَردِرِ، گِردی مسیح دلَکا جَم آکَرِ.

نامَه کُولُسی کلیسا را 1:18

اَ تَنیرا یعنی کلیسا سَرَ. اَ شِروو و اولین نفرَ کن مرداونکا زندَ آبَه یَه، تا گردِ چییونکا اَ سَر ببو.

دوّمین نامَه تَسالونیکی کلیسا را 1:12

تا چَمه خداوند عیسی نومی شمَه دلَکا شکوه جلال بیگِرِ، و شمَه نی چَمَه خدا و خداوند عیسی مسیح فیضی خونه، چَی دلَکا شکوه وجلال بِوینَه.

نامَه، عِبرانیه نَتاجَه مسیحیونرا 1:4

هَه اندازَ کن فرشتَه اونکا سرتَرَ، اَ نومی کن اِرث بردِش، چَوون نومیکا نی کفاترَ.

نامَه، عِبرانیه نَتاجَه مسیحیونرا 1:9

ته صالح بِه رَی بَداشتیشَه و آوشر گیریکا بیزاریشَه؛ اِمی خاطر خدا، اِشتِه خدا، بَتِه، ویشتَر از اِشتِه هَمراهِن خَشیَه روعَنینَه مسح کردَشَه.»

نامَه، عِبرانیه نَتاجَه مسیحیونرا 12:2

و چَمه چَم تاکَه عیسی کا ببو کن چَمَه ایمانی هیمَه و چَمَه ایمانی کامیل آرَکَرد، و اَ خَشی خونه کن چَی نَکا به، صلیبی سَردِرِ تاوِش وردَ و چَی ذلیل بِه و گِچ گیرییش ندید گتَه، و خدا تخت پادیشایی راستَه وَریکا نِشتَه یَه.

نامَه، عِبرانیه نَتاجَه مسیحیونرا 2:9

ولی اَمه اَی بَویندیمون کن تلکه زمانی فرشتَه اونکا گِچ تَر به، یعنی عیسی، کن مرگی عذابی خونه، شکوه و جلال و حورمتی تاج چَی کلَّکاشون نوعَه، تا خدا فیضی واسیطنه، مرگی مزَ گِردی خونه آچَشِه.

پطروسی اوّلین نامَه 3:22

هه عیسای مسیح کن آستامونیرا شَه و ایسَه خدا راستَه بالی طرَفیکا پامندَ و فرشتَه اِن و زاکیندارِن و زِبقِن چَی فِرمون آبَه اینَه.

پطروسی دومین نامه 1:17

و چون اَموقه کن خدای دَدَکا، شکوه و جلال و ایحترام گَتِش، اَ شکوه و جلالیکا سَسی بی آرسته کن، « اِم چمن خاجَتیَه زوعَه یَه کن بَیکا راضی ایمه.»

یوحنا سوّمین نامَه 1:7

اِمی خونه کن اَیِن اَ نومی خونه را، سفَریرا شَه اینَه و غَیریَهودیونکا کَاریَریی ویگَتَشون نی.

یوحنا موکاشیفَه 1:5

و عیسی مسیح طَرَفیکا، اَ اَمینَه شاهید کن اولین کَسی بَه کن مردَاون دلَکا زندَ آبَه و دِنیا سَردِرِ پادیشاهون حاکیمَه. اَ کن اَمه رَی بداشتی و اِشتَن خونینَه، اَمَش چَمَه گِناخونکا اَراخِمونیَشَه،

یوحنا موکاشیفَه 11:15

چَی بَه دومله هَفتومین فرشتَه اِشتَن زرناش فو دَکردَ؛ برکه لَسَّه ایی آستامونیکا دَخَنیستَه کن اَواجییَه: «دِنیا پادیشاهی، چَمه خداوند و چَی مسیح شِن آبَیَه. و اَ، تا ابد و تا ابد سلطنت بَکیَه.»

یوحنا موکاشیفَه 19:16

و چَی ردا و رونَه کَشیکاشون ایله نوم نوشتَه یَه: «شاهون شاه و خداوندون خداوند.»

یوحنا موکاشیفَه 3:21

«هر کم پیروز آبو، اِمی بَی آمَدا تا بمِنه تختی سَریکا بنشِه، هته کن اَز پیروز آبیم و اِشتَن دَدَ نَه، چَی تختی سَردِرِ نِشتیم.

یوحنا موکاشیفَه 5:12

و اَیِن لَسَّنه اِنتَرَ اَواجین: «اَ قربونی آبَه وَرَ خِنَر و ثیروت و حیکمت و اینجار، و حورمت و شکوه و جلال و برَکتی تقدیم بِه لَیاقتی بَداشتی.»