نامَه فیلیپی کلیسا را 2:19 - کتاب مقدس به زبان تالشي - گویش مرکزی

¹⁹ خداوند عیسی دِلَکا اُمید بداشتیمه کن تیموتائوسی خَیلی زو شِمَه وَر رَونَه بِکَم تا شِمَه حالیکا باخبَر بِبوم و چمن دِل خَش آبو.

کتاب مقدس به زبان تالشی شمالی

¹⁹ خِداوند عیسی کا اُمید هِستِمه که هِم زودییون تیموتائوسی ویسا آکَرِم شِمَه وَر تا شِمَه اَحوالاتی کا خَوَر دار بِبوم و چِمِن دیل‌ شاد آبو.

نامَه فیلیپی کلیسا را 2:19 Iomraidhean Croise

مَتّی 12:21

چَی نوم گردِ قامونرا اومید بَبیَه.»

رَسولون اَعمال 16:1

پولوس شهرِنِه دِربه و لِسترِه را شَه. اَ جِگاکا شاگِردی تیموتائوس نوم اَمونیَه کن چَی نَنَه یهودی و ایمان دار بَه، اَمّا چَی دَدَ یونانی بَه.

رومی کلیسارا نامه 15:12

و ایکَرَ دییَر اِشَعیای پیغمبَر نی باتی: «یَسا ریشَه بومَیَه، کَسی کن غَیر یهودیون سَر حِکم کَردِرا راست آرَبن؛ غَیر یهودییِن بَی اُمید بَداشتینَه.»

رومی کلیسارا نامه 16:21

چمن همکار تیموتائوس بَشِمَه سلام دَرِ. چمن خیشِن، لوکیوس، یاسون و سوسیپاتِر نی شِمَرا سَلام دَرِن.

اوّلین نامَه قورَنتیانیرا 4:17

اِمی خاطر، چمن خاجَتیَه بَله تیموتائوسی کن خداوندی دلَکا وفادارَشِمَه وَر رَونَه بَکم. اَ چمن زندَگی کَردِ راههون مسیح عیسی دِلَکا، هَتَه کن اَز گِردِ کلیسا اونکا اَ راهون آموج اَدَریمه، شِمَه گِردیرا یاد آرَفند.

نامَه اَفسوسی کلیسارا 1:13

و شمه نی چَی دلَکا، وقتی کن حَییقتی کَلامی، کن هَه شمَه اِنجیل نیجاتَه درَستِرون و بَی ایمانِرون وردَ، ؛ خدا موقدسَه روح نَه کن وعَدَشون دوعَه یَه مُهر بیرون،

نامَه فیلیپی کلیسا را 1:1

پولوس و تیموتائوس، کن مسیح عیسی وَزییَرین، طَرَفیکا، بَه گِردِ شهر فیلیپیَه موقدَسِن کن مَسیح عیسی کاینَه، ناظیرِن و شَمّاسِن:

نامَه فیلیپی کلیسا را 2:18

و شِمَه نی پی هِن تَرَکِه خَش بِبَه و بَمِنَه خَشی بکَرَ.

نامَه فیلیپی کلیسا را 2:28

پس اَز چَی عندِرا ویشتَر خَشیم، تا هَنی چَی ویندِ خونِه خَشی بکرَ و چمن قورصَه کا نی کَم آبو.

اوّلین نامَه تَسالونیکی کلیسا را 3:2

اَمه تیموتائوسی کن مسیح اِنجیلی کاریکا، خدا همکارَ و چَمَه برا اَ، شمَه وَریرا عندِمه تا بشِمه شمه ایمانیکا تشویق و قودور آکَرِ،

اوّلین نامَه تَسالونیکی کلیسا را 3:5

اِمی خاطر، چون دِ نَشایمَه تاو وردِ، تیموتائوسی عندِمه تا شمَه ایمانیکا خبر بیگِم، اِمی خونه کن اِمیکا اَتَرسیمه کن اَ وس وَسه اَکَر یعنی ابلیس، ایی جوری بَشِمَه وس وَسش کردَ ببو، و چَمَه زَمَتِن هیچ آبَه ببون.

دوّمین نامَه تَسالونیکی کلیسا را 1:3

اَی برا اِن، اَمه پی اوزون شمَه وِجودی خونه خدا شکر بکَرم، دِرِست نی هِمَه، اِمی خونه کن شمه ایمان هِنترَکِه کا پِرَرا و شمَه هر کِرَمی موحبَت یَندِ سَر وِر آبو.

دِوُّمین نامَه تیموتائوسیرا 1:12

اِمی خاطِرَ کن اِنتَرَ عذاب بَکَشتیم، ولی عارِم نییَه، چیرا کن بَموستیمَه کیکا ایمان وردَمه و قانع آبَه ایمه کن اَ، بَشایَه اَ چیی ایی کن چمن دَستِش دوعَیَه تا اَ روج غَم بَرِ.

یعقوبی نامَه 4:15

پس پی اِنتَرَکِه بِواجَه: «اَگَم خداوند بِپیا، زِندَ بَمَندیمون و اِم کار و اَ کاری بَکَمون.»

پطروسی اوّلین نامَه 1:21

شمَه چَی واسیطنَه خدا کا ایمان وَردَرونَه، خِدایی کن اَش مردَاون دِلکا زندَ آکَردِش و بَی شکوه جلال بَخشِتِش، تا شمَه ایمان و اومید خِداکا ببو.