نامَه فیلیپی کلیسا را 2:15 - کتاب مقدس به زبان تالشي - گویش مرکزی

¹⁵ تا بی‌ عَیب و سادَ دل، و خدا بی عَیبَه خِردَنِن بِبَه، خَطاکار و گومراهَه اودومی دِلَه، کن شمَه نور چَوون دِلَکا هِنتَه اِستَرَ اِن اِم دِنیا کا شَپَق بَژِرون،

کتاب مقدس به زبان تالشی شمالی

¹⁵ تا بی‌ عیب و ساده دیل، و خِدا بی عیبه خِردَن بِبییَه، ناخَلَف و گُمراهَ نسلی دیلَه کا که شِمَه نور چَوون دیلَه کا ستاره اونْ شیوار اِم دنیا کا شَفَق ژَنه،

نامَه فیلیپی کلیسا را 2:15 Iomraidhean Croise

مَتّی 10:16

«اَز شمَه، پَسون شیوار وَرگون دِلَرا رَونَه بَکَم. پس نَلَتی شیوار هوش ببَه و کَفتِری شیوار معصوم ببَه.

مَتّی 17:17

عیسی جَوابیکا واتِش: «اَی بی‌ایمان و مونحریفَه اودوم، تا کَینی شمَه نَه ببوم و شِمَه تَحمل بکَم؟ اَی اِم جِگارا و چمن وَر بوعَرَ.»

مَتّی 5:45

تا اِشتَن آستامونیه دَدَ را، خردَنِن ببَ. اِمی خونه کن اَ اِشتَن آختاوی بَدون و چاکون سَر دَتاونِستی و اِشتَن کلاکی عادیلَه آدَمون و ظالیمَه آدَمون سَردِرِ بوارِستیهَ.

مَتّی 5:48

پس شمَه پی کامیل ببَه، هَته کن شمه آستامونیَه دَدَ کامیلَه.

انجیل لوقا 1:6

اَیِن هَر دِ، خدا حِضوریکا صالح بینَه و خداوندی گِردِ حِکمون و فِرمونون بی عَیب اَنجوم اَدَرینَه.

انجیل لوقا 6:35

اَمّا شمه، اِشتَن غَنیمون موحبت بکرَ، چَوون سَردِرِ چاکی بِکَرَو اَوون قَرض آدَرَ، بی اِمکن چَی پس ویگَتِه اینتیظاری بِدارَ، کن شمه اَجر یال بَبیَه، وخدایِه متعالی، خردنِن بَبیرون، اِمی خونِه کن خدا ناشُکرو آوشرَ آدَمونَّه مِرَبانَه.

یوحنا 5:35

یحیی هِنتَه ایلَه رِشونَه چِرایی شیوار بَه کن شَپَق اَژَنیَه و شمه اَپیرون بَه ایی تیکَلی زَمانی چَی شَپَقیکا خَش ببَه.

رَسولون اَعمال 2:40

پِطروس دییَرَ وِرَ گَفونَّه شاهیدی داشَه واَیِنِش تشویقِش کردَ، و واتِش: «بَشتَن اِم اودومیکا کن شتَه راه کا کان شِه نیجات بدَرَ!»

رَسولون اَعمال 20:30

حتی شِمَه دِلکا نی آدَمِنی راست آنَّب و حَقیقَتی ویگاردِنن تا شاگِردون اِشتَن دوملَه دَراکنن و اَوون گومرا بَکَن.

رومی کلیسارا نامه 16:19

شِمَه فِرمون بَردِ تَریف گَردی دِلَکا گَه به گَه آبَه یَه؛ شِمَه خونِه را وِر خَشیمَه. ولی بَشِمَکا اَپیمَه اَ چیی ایی ناریکا کن چاکَه، اَلمَند، و اَ چیی ایی ناریکا کن بَدَ، سادَ بِبَه.

اوّلین نامَه قورَنتیانیرا 1:8

اَ بَشِمَه تا بَه آخیر آمبَست غَم بَردیَه، تا چَمه خداوند عیسی مسیح روجیکا بی تقصیر ببَه.

دوومین نامه قرنتیانیرا 6:17

پس، خداوند باتی: چَوون دِلَکا بِرِن بِرَ و تاک آبَه. هیچ جیفینینَه چیی ایی بال مَژنه اَموقه اَز بَشِمَه قبول بَکَم.»

نامَه اَفسوسی کلیسارا 5:27

تا اَ شکوهینَه کن کلیسا بَداشتی، بیدونه هیچ لَک و چین و نقصی ، بَسکم موقدَّس و بی عَیب ببو، اِشتَن وَریکا حاضیر آکرِ.

نامَه فیلیپی کلیسا را 1:10

تا بِشاعَه اَ چیی ایی کن چاکترَ قبول بکرَ و مَسیح روجیکا پاجا و بی عَیب ببَه،

نامَه فیلیپی کلیسا را 3:6

غَیرَتی طبق کِلیسا اَیذَت آزار اَکَر؛ صالِح بِه ایی کن شرَیعَتی کا آ، طبق، بی عَیب.

اوّلین نامَه تَسالونیکی کلیسا را 5:23

ایسَه خدا صلح سلامتی، اِشتَن بَشِمَه کامیلا تقدیس بکرِ و تا چَمه خداوند عیسی مسیح آمِه، شمه روح و جان و تن بی عَیب بومونِه.

اوّلین نامَه تیموتائوسیرا 3:10

و اَیِن پی اَولیکا ورداورد ببون؛ چَی به دوملَه اَگَم ثابیت بکَن عَیبیشون نییَه، بَرزَ شماسی مقامیکا خیدمت بِکَن.

اوّلین نامَه تیموتائوسیرا 3:2

پس پی کلیسا ناظیری زندَگیکا نِبایَد چیی ایی چَی چَمای کردِرا ببو، تاکَه ایلَه ژِن بدارِه، هوش ببو، اِشتَن نفسی نَه بیگِرِو آبرو مند ببو، مِیمان نواز ببو آموج دوعه بِشا؛

اوّلین نامَه تیموتائوسیرا 5:14

پس چمن نظَر اِمَه کن جوانَه ویوَ ژِنِن شو بشون، خِردن بوعَن و کَه غَم بَرِن و غَنیمی ایفترا گَتِه فِرصَتی نِدَرن.

اوّلین نامَه تیموتائوسیرا 5:20

اَیِنی کن گناخ کردِکا ایصرا بَداشتین، گِردی نَکا تَشر بِژَن تا دییَرَ آدَمِن بتَرسِن.

اوّلین نامَه تیموتائوسیرا 5:7

اِم چییون حکم بکَه تا چَوون زندَگی کا چیی ایی چَوون چَمای بِه را نِبو.

نامَه تیتوسیرا 1:6

کلیسا ایسبیه ریشیرا نِبایَد چیی ایی چِی زندگیکا ببو کن چَی خونه چَمای ببو، تاکَه ایلَه ژِنی شو ببو، با ایمانه خِردَنون بدارِ تا کَسی نِشا اَوون هرزَگی و نافِرمون بِه خونه متّهم بکَرِ.

نامَه تیتوسیرا 2:10

پِمَتارِن، بَسکم اِشتَن چاکَه ایمانی کامیل آمونِن تا هر چیی ایی دلَکا چَمه نیجات اَدَر، خدا آموجی خاص گیری، قشگینَه آمونِن.

نامَه تیتوسیرا 2:15

اِم چییون اییلام بِکه؛ و گِردِ اِشتَن زاکیندارینَه، تشویق و توبیخ بکَه. و مَرزِن کَسی بَتِه گِچ بَحیساب بوعرِ.

نامَه، عِبرانیه نَتاجَه مسیحیونرا 7:26

اِمی خونه کن حَییقتا اِم بَجا به کن اَمه انترَ یالَه کاهینی بدارَم، کن موقدَّس، بی گناخ، بی عَیب، گناخکارونکا تاکَه، و شکوه جلالِش گتَه ببو و آستامونون کا کفاتر ببو.

پطروسی اوّلین نامَه 2:12

شمَه کارِن بی ایمانون دِلَکا چاک ببو، تا اَیِنی کن شمَه زِرَبَرا گَف بَژَن کن شمه اَعمال بَدَ، شمه چاکَه کارون ویندِه خونه، روجیکا کن خدا بَویندیمون، بَی پرستش بِکَن.

پطروسی اوّلین نامَه 2:9

ولی شمَه اینتخاب بَه اودوم و کاهینِنی هِستیرون کن شاهانَه کَهانَت بَکرون. شمه موقدَسه میلَّت و مردومی هِستیرون کن خدا مِلکیرون، تا چَی چاکه صِفتون اییلام بکَرَ، کن بَشِمَه ظِلَماتیکا اِشتَن عجیبَه نوری طَرَف خِلِه کردشَه.

پطروسی دومین نامه 3:14

پس اَی خاجَتییِن، ایسَه کن اِنتَرَ چییون مونتَظیریرون، بَرک تقلا بکَرَ تا چَی نظریکا بی لکَّه و بی عَیب و صلح و سلامتیکا ببَه.

یوحنا موکاشیفَه 2:5

یاد آرَفَن کن کرَم جِگاکا ویگِنِسته ایشَه. توبَه بکَه و کارِنی اَنجوم بدَ کن اَوَّلنَکا اَنجوم اَدَریشَه. اِمی خونه کن اَگَم توبَه نِکَری، اِشتَن بومَمَه و اِشتِه چراغدانی چَی نوعه جِگاکا پِمَگَت، مَگَم اِم کن توبه بکری.

یوحنا موکاشیفَه 3:9

بوین، اَیِنی نَه کن شَیطونی عیبادَت گا شِنینَه و بَشتن یهودی بَموستین ولی نینَّه، بسکَم دِروو باتین. دَیَس، اَوون دیم پِمَنا تا بان و اِشتِه پا بِن بَرگنن، تا سَر آگنن کن اَز، بَتِه رَی بَداشتیم.