نامَه فیلیپی کلیسا را 2:14 - کتاب مقدس به زبان تالشي - گویش مرکزی

¹⁴ هَر کاری بی غور غورو خَرا خِلِه اَنجوم بدَرَ،

کتاب مقدس به زبان تالشی شمالی

¹⁴ هَر کاری بیدون غُرغُر و جنگ و جَدل اَنجام بِدییَه،

نامَه فیلیپی کلیسا را 2:14 Iomraidhean Croise

مَتّی 20:11

وَقتی اِشتَن مژدی ویگَتشون، اَنگِرَ باغی صاحیبیرا غَر ژِشونَه و واتِشون:

مَرقُس 14:5

اَ عطرینه روعَنی اَبییَه سِصَد دیناریکا نی کفاتر خِرَتِه و چَی پولی گیدَلیون دوعِه.» و اَیِن اَ ژِنی برکَه چَمای کَردِشون.

مَرقُس 9:14

وَقتی اَیِن دییَرَ شاگِردون وَر آرَستین، ویندِشون یالَه جَماعَتی چَوون دووریکا مندین و توراتی موعَلیمِن نی اَوونَّ بَحث دَرِینَه.

انجیل لوقا 5:30

فَریسیون فِرقَه عالیمِن و ایی کاولَه توراتی معَلیمِونکا کن چَوون فِرقَه کا بینَه ایعتراض اَکَرینَه وعیسی شاگِردون اَواجینَه کن: «چیرا شمَه خَراج ویگِرون و گناخکارونَّ بَردیرون و بِنتیرون؟»

رَسولون اَعمال 15:2

وَقتی پولوس و برنابا چَتین چَوون زِرَبَرا بَحث اَکَرینَه، قرارِشون نوعه کن اَ دِ، چَن نَفَر دییَرایماندارونَّه شهر اورشَلیمیرا بِشون و اِم مسئَلَه رَسولون وایسبیَه ریشونَّه در میان بِنَن.

رَسولون اَعمال 15:39

بَرنابا و پولوسی وَسطیکا ایختلاف اَدَ وِر آبَه کن یَندِکا تاک آبین. برنابا مَرقُسی پِگَتِشَه و دَیرا رانَه قِپرِسیرا شَه؛

رَسولون اَعمال 15:7

وِرَ گَفَه ژَنِه بَه دوملَه، آخیر بَه سَر پِطروس پِبَه و اَیِنِش واتَه: «اَی برا اِن، شِمَه بَموستیرون کن اَوَلَه روجونکا، خدا بَمنِش شِمَه دِلَکا اینتخاب کَردِشَه کن غَیر یَهودییِن چمن زونینَه اِنجیلی پَیغومی دَرَسِن و ایمان بوعَن.

رَسولون اَعمال 6:1

اَ روجونکا کن شاگِردِن کایبینَه ایضاف آبِه، یَهودیِنی کن یونانی گَف اَژَنینَه، یَهودیونیکا کن چَوون زبان عِبرانی بَه گِلَی کَردِشون، کن چَوون ویوَ ژِنِن اِشتَن روزانَه غَذا رسَتی دِرِست آنینَّدا.

رومی کلیسارا نامه 12:18

اَگَم بَبییَه، تا اَ جِگا ایی کن بَشِمَه مَربوطَه، گِردینَه صلح و صَفانَه زندَگی بکَرَ.

رومی کلیسارا نامه 14:1

کَسی کن چَی ایمان ضَعیفَه، اِشتَن جمعیکا راه بدَرَ، ولی نِه اِمی خونه کن چَی عَقیدَ اون خاطر بَینه گَه بَه گَه بدَرَ.

رومی کلیسارا نامه 16:17

برا اِن، بَپیمَه شِمَکا خاشتو خاز بِکَرِم، اَیِنی کا کن جِدایی دَنَّفَند هواسِرون ببو، شِمَه راه دِلَکا مانِع بَنان و آموجینَه کن شِمَه گَتَرونَه مُخالیفَت بَکَنَه، اَوونکا رَت آبَه،

اوّلین نامَه قورَنتیانیرا 10:10

گِلَی نِکَرَ، هَته کن بَعضی اَوونکا کَردشونه و نیفیت آکَر، اَیِنش نیفلَه آکَرد.

دوومین نامه قرنتیانیرا 12:20

چون اِمیکا بَتَرسِستیم کن شمه وَر بام و بَشِمَه اَته کن اینتظار بَداشتیم نِوینِم، و شمه نی اَته کن اینتظارِرون هِستَه بَمن مَوینَه. شاید شمه دِلَکا جنگِستِه، زِرَ بردِ، غَضَّب، عَدابَت، ایفترا، غَیبَت، یالَه نار بِه، و هرکی هرکی دَرِ ببو.

نامه غلاطیَه کلیسارا 5:15

ولی اَگَم یَندِ بگَزَ یا بَزارنَه هواسِرون ببو کن یَندِ بالینَه نیفلَه آنِبَه.

نامه غلاطیَه کلیسارا 5:26

دَدار یالَه نار مَبَم تا یَندِ غضَبی آکَرَم و یندِنَه زِرَ مبَرَم.

نامَه فیلیپی کلیسا را 2:3

هیچ کاری زِرَ و یالَه نار گیری سَردِرِ مَکَرَ، بَسکَم فروتَنی نَه دیَرَ کَسون اِشتَنکا بِیتَر بِزنَه.

اوّلین نامَه تَسالونیکی کلیسا را 5:13

و موحبتینه، اَ کارِنی خونه کن اَیِن اَنجوم دَرِن، اَوون بَرک ایحتیرام بکَرَ. یندِنَه صلح و سلامتیکا زندَگی بکَرَ.

اوّلین نامَه تَسالونیکی کلیسا را 5:15

هوش ببَه، هیچ کَسی، بَدی بَدینه جواب نِدَرِ، بَسکم یَژَن یَندِ سَر و گِردِ آدَمون سَردِرِ چاکی کردِ دوملَه ببه.

نامَه، عِبرانیه نَتاجَه مسیحیونرا 12:14

بَرک تقلا بکرَ تا گردِ آدَمونَّه صلح و سلامتیکا بومونَه و موقدّس ببَه، اِمی خونه کن بی قودوسیت هیچ کس خداوندی نییَویند.

یعقوبی نامَه 1:20

اِمی خونِه کن اینسانی آسرنگِسته، اَ صالح بِه ایی کن خدا بَپیشه بار نیَوَرد.

یعقوبی نامَه 3:14

اَمّا اَگَم اِشتَن دِلیکا تِلَه زِرَبردِ و یالَه نارگیری دارَ، بَشتَن مَگِرَ و حَقیقَتی زِرَبَرا گَف مَژَنه.

یعقوبی نامَه 5:9

برا اِن، یَندِ زِرَبَرا غور غور نِکرَ، تا شِمَه سَر نی دیوون مَبو، بوینَه داوَر بَرَنگا سَریکا پا مَندَ.

پطروسی اوّلین نامَه 3:11

پی بَدیکا رَت آبو و چاکی بکَرِ؛ و صلح و سلامتی دوملَه ببو و چَی دومله بشو.

پطروسی اوّلین نامَه 4:9

بی غور غور کردِ یَندِ مِیمان بکَرَ.

یهودا نامه 1:16

اِمِن غور غور اَکَر و ایراد اَگِرین و اِشتَن گناخ کارَ مِیلون دوملَه این، اَیِن یالَه نارگیرینَه گف بَژَن و اِشتَن نفعیرا مردومی دلَکا فرق نَرِن.