مَرقُس 2:12 - کتاب مقدس به زبان تالشي - گویش مرکزی

¹² اَ مِرد راست آبَه و جَخت اِشتَن جیکَری پِگَتشَه و چَوون گِردی چَمی نَ کا اَجگا کا بِرِنیرا شَه، ایی جوری کن گرد تَعَجوب کَردِشونَه و خِداشون شکرکَردَ و واتِشون: «هرگز اِنتَرَ چیی ویندَمون نِبَه.»

کتاب مقدس به زبان تالشی شمالی

¹² اَ مِرد پِرِشتَه و اَلبَحَل اِشتَن دوشَکی پِگِتِشه و گِردی چِمون پیشی کا اوآنَه شَه بِرون، جوری که گِرد تعجب کَردِشونَه و خِدا شُکر کَردِشونَه و واتِشونَه: «هرگز اِنتَه رَه چیی ویندَمون نِبَه.»

مَرقُس 2:12 Iomraidhean Croise

مَتّی 12:23

جماعت گرد تُعَجُب کَردِشونَه و واتِشون: «بَبی اِم مِرد هَه وَعدَ آدوعَه مسیح ببو کن پی داوود پادیشا اودومیکا با؟»

مَتّی 15:31

مردوم وَقتی ویندِشون کن گِنگِن گَف بَژَن، شِلِن سَق آرَبینَه، فَلَجِن گَل بَژَنه و ناوینااِن کان ویندِ، تَعَجُب کَردِشونَه، و اسرائیلی خدا، ستایش کَردِشون.

مَتّی 9:33

وَقتی کن عیسی پَریانی اَیکا بِرِن بَرکردشَه، اَ گِنگَ مردِی زون آج آبَه. آدَمِن تَته وَسَّه نه اَواجینَه: «اِنتَرَ چیی ایی هرگز ایسرائیلیکا ویندَ شون نی!»

مَتّی 9:8

وَقتی مردووم اِم ایتفاقی بَویندینَه، تَرسِستین و خدایی کن اِنتَرَ زاکینی آدَمون بَخشِستَشَه، سِتایِش کَردِشون.

مَرقُس 1:27

مردوم گرد، اَنَ تَعَجوب کَردَشون بَه کن یَندِ کا دَرَپَرسین: «اِم دِ چِه چییَ؟ ایلَه تازَ زاکیندارَ آموج! اَ حتی شَیطونیَه روحون سَر فِرمون دَ و اَیِن بَیکا فرمون بَبردین.»

مَرقُس 2:11

«بَتِه باتیم پِب و اِشتَن جیکَری پِگه و کَرا بش!»

انجیل لوقا 13:13

چَی بَه دوملَه عیسی اِشتَن بالی اَ ژِنی سَریکا آناشَه و اَ ژِن جَخت دیک پا مَندَ و خِداش شکرکَردَ.

انجیل لوقا 17:15

ایله اَوونکا وَقتی ویندِشَه کن شفا گَتَشَه، هَتَه کن تَتَه لَسَّه نَه خدا ستایش اَکَریَه، ویگَردِستَه

انجیل لوقا 5:26

گِردِ آدَمِنی کن اَ جِگاکا بینَه اِم ایتفاقی خونه حَیرون آبَه بین و خدا شکر اَکَرینَه وهَته کن تَرس چَوون وِجودی گَتَش به، اَواجینَه: «اومروج عَجیبَه کارونی ویندَمونَه.»

انجیل لوقا 7:16

گِردِ اَیِنی کن اِم ایتفاقی ویندِشون تَرسِستین و هَتَه کن خدا شکر اَکَرینَه، اَواجینَه: «یالَه پَیغَمبَری چَمه دلَکا ظهور کَردَشَ.» «خدا اِشتَن قامی آرَستِه را آمهَ یَه.»

یوحنا 7:31

اِم حالینه، خَیلیِ مَردومیکا بَ عیسی ایمان وَردشونَه. اَیِن اَواجینَه: «مَگَم وَقتی مسیح ظهور بکَرِ، اِم مِردیکا ویشتَر نشونه و موعجیزَ بَکَیَه؟»

یوحنا 9:32

دِنیا شروو بِه کا تا ایسَه هرگز کَسی درَستَش نیَه کن، کَسی نَنَه زَندَ ناوینایی چَمون، آج آکَردَش ببو.

رَسولون اَعمال 4:21

شورا آدَمِن، پِطروس و یوحنا برکَه تَهدید کَردِ بَه دوملَه آهَشتِشون، اِمی خونه کن راهی چَوون مجازات کَردِ را پَیدا نِکَردِشون. اِمی خونِه کن آدَمِن گِرد، اَ چییون ایتفاق دگِنِسته خونه، خدا ستایش اَکَرینَه.