انجیل لوقا 5:16 - کتاب مقدس به زبان تالشي - گویش مرکزی

¹⁶ ولی عیسی دورَ خَلوَتَه جگا اونرا اشیَه و دِوا اَکَریَه.

کتاب مقدس به زبان تالشی شمالی

¹⁶ ولی عیسی بَشی دور افتاده جِگا اون را و دعا بِکَردی.

انجیل لوقا 5:16 Iomraidhean Croise

مَتّی 14:23

مردومی عَندِ به دوملَه، عیسی کورا شَه تا تاکَه دِوا بکَرِ. شَوآبَه و اَ اَجگا کا تاک بَه.

مَرقُس 6:46

آدَمون عَندِ بَه دوملَه، عیسی کورا شَه تا دِوا بکَرِ.

انجیل لوقا 3:21

اَموقه ایی کن مردوم گرد تعمید اَگِرِینَه و عیسی نی تعمید گَتَش بَه و دِوا اَکَریَه، آستامونِن آج آبینَه

انجیل لوقا 6:12

ایلَه اَ روجونکا، عیسی دِوا کَردِ خونِه کورا شَه و شَو دِرازَ تا صِب خدا حِضوریکا دِوا کَردِش.

انجیل لوقا 9:28

حِدودَن هَشت روجی اِم گَفون بَه دوملَه، عیسی پِطروس و یوحنا و یعقوبی پِگَتِشَه و کورا شَه تا دوا بکَر.

انجیل لوقا 9:29

هَته کن دوا اَکَریَه چَی صَفَتی نمود آگردِسته و چَی شِندرن ایسبی آبین و شَپَق اَژَنینَه.

یوحنا 6:15

وَقتی کن عیسی سَر آگِنَه اَیِن بَپیشونَه بان، زورینه اَی ببَرِن وپادیشا آکرِن، اَجگا کا بِرِن شَه و اِشتَن تاکَه کورا شَه.