انجیل لوقا 4:6 - کتاب مقدس به زبان تالشي - گویش مرکزی

⁶ و بَی واتش: «اَز گردِ اِم زاکینی و چَوون شکوه و جَلالی بَتِه آمَدا، اِمی خونِه کن چمن ایختیاریکارَ و هر کَسی کن اَز بَپیمَه، بَی آدَرِم.

کتاب مقدس به زبان تالشی شمالی

⁶ و واتِشه: «از گِردِ اِم قدرتی و تمون چَیی شکوه و جلالی آدَم بَه تِن، چوم بَه مِن دَسپَرده بییَه و اَز اَیی آدَم هَر کسی که پیستِمَه.

انجیل لوقا 4:6 Iomraidhean Croise

انجیل لوقا 4:7

پس اَگَم بَمن پَرَستِش بِکَری، گردِ اِمِن اِشتِه شِن بَبینَه.»

یوحنا 12:31

ایسَه، اِم دِنیا سَر دیوون کَرد وَقتَه؛ ایسَه اِم دِنیا رَئیس کن شَیطونَه بِرِن بَنَّفند.

یوحنا 14:30

دِ شِمَنه گَف ژِرا فرصَتی مَندَ نی، اِمی خونِه کن اِم دِنیا رَئیس کن شَیطونه کا آمِه. اَ هیچ زِبقی چمن سَردِرِ نِدارِ؛

یوحنا 8:44

شمَه، شمَه دَدَ ابلیسی شِنینَه وشمه خواسته اِمَه کن اَ چیی اِنی کن شمه دَدَ بَپیشَه اَنجوم بدَرَ. اِبلیس اَوّلیکا ایلَه قاتل بَه و حقیقتینه هیچ کاری نِداری اِمی خونِه کن هیچ حقیقتی اَیکا نیَه. اَ گف کن بَژَی، کا درو واتِه اِمی خونه کن چَی ذات دِرو واتِه یَه؛ اِمی خونه کن درو اَواجَه و دِروعون دَدَیَه.

دوومین نامه قرنتیانیرا 11:14

و اِم عجیب نییَه، اِمی خونه کن شَیطون نی بَشتن نوری فرشتَه شیوار نمود دَرِ؛

نامَه اَفسوسی کلیسارا 2:2

و زمانی چَوون دِلکا زندَگی اَکَریرون، اموقه کن اِم دِنیا راه اونکا و هوا زبقی رئیسیکا، یعنی اِبلیسییکا پیروی اَکَریرون، هه روحیکا کن هِم ایسَه نی نا فِرمونی خِردَنونکا عمل بَکَی.

پطروسی اوّلین نامَه 1:24

چون، «گِردِ جندَکِن هنتَه واشی شیوارین و چَی شکوه جَلال واشون گولی شیوارَ؛ واش خِشک آرَب و چی گولِن وینَّب،

یوحنا اوّلین نامَه 5:19

اَمه بَموستیمون کن خدا کا هِستیمون و گِرد دِنیا اَ آوشَری زبقی بِنیکارَ.

یوحنا موکاشیفَه 12:9

یالَه اَژدِخا بِنیرا ویگنِسته، یعنی هَه قدیمیه نَلَتی کن بَی ابلیس یا شَیطون خِلِه اَکَرینَه و دِنیا دِلَه گِردِ آدَمون گومراه آکَردِشَه. اَشون زَمینی سَر ویداشتِشون و چَی فرشتَه اِنِشون نی بَینَه بِنیرا ویرَفَندشون.

یوحنا موکاشیفَه 13:2

اَ اَشیا کن مِن ویندَ، پلنگی اَمونیَه، خِرسی لِنگون داری و شیری گَوی. و اَژدِخا اِشتَن زبقی و اِشتَن تَخت، و برکَه یالَه زاکینی اَ اَشیا داشَه.

یوحنا موکاشیفَه 13:7

و اِمَنی بَشون ایجازَ دوعَه کن موقدسَه آدَمونَّه بجنگِه و چَوون سَردِرِ پیروز آبَه؛ و بَی هر طایفَه و میلَّت و زبان و قامی سَردِرِ زاکین آداشون تا حکم بکَرِ.