انجیل لوقا 3:11 - کتاب مقدس به زبان تالشي - گویش مرکزی

¹¹ یَحیا چَوون جَوابیکا واتِش: «اَ کن دِ گِله شَویی دارِ ایلَه شَوی، اَ کن نیشَه بدَرِ و اَ کن هَردَ چی دارِ نی اِنتَرَ بکَرِ.»

کتاب مقدس به زبان تالشی شمالی

¹¹ یحیی جَواو دوشَه: «کَسی که دِ گِله خَلا هِستِشه، ایلَه آدَه اَ کسی که نیشَه، و کسی که خوراک هِستِشه نی، هِنتَه بِکَرِه.»

انجیل لوقا 3:11 Iomraidhean Croise

مَتّی 25:40

پادیشا چَوون جَوابیکا باتی: حَییقتا بَشمَه باتیمَه، اَچیی کن ایله چمن گِچترین برا اونرا کَردرونه مِرا کَردِرون.“

انجیل لوقا 11:41

اَمّا اِشتَن صَدَقَه اون اَ چییِونیکا بدَرَ کن شِمَه وِجودیکارَ، اَموقه لازم بَبیَه کن شِمَه وِجود پاجا ببو.

انجیل لوقا 18:22

عیسی وَقتی اِمش دَرسته، اَش واتَه: «هَنوزَنی ایله چی کمِرهِستَه؛ هَر چیی هِستِرَ بِخرَش و دَس دَریسون دِلَه رَسَت اَکَن، کن آستامونیکا گنج بَداشتیشَه. اَموقه بِ و بَمنکا پیروی اَکَن.»

انجیل لوقا 19:8

زَکّا اِشتَن جِگاکا راست آبَه و خداوند عیساش واتَه: «‌چمن سرور دَیَس، نصف اِشتَن مالی گیدَلیون بَبخشِستیم، و اَگَم کَسی کا نا حَقه چیی ایی ویگَتَم ببو، چار برابر بَی آمَگاردِنست.»

یوحنا 13:29

بعضی فکر اَکَرینَه اِمی خونه کن چَوون خَرجی پولَه کِنجَه یهودا کا بَه، عیسی بَی باتیَه کن: «اَچیی ایی کن عیدیرا اَمه لازمِمون بِخِر»، یا اِمکن پی چیی ایی گیدَلیون بدَرِ.

رَسولون اَعمال 10:2

کُرنِلیوس دیندارَ مِردی بَه، اَ و گردِ چَی کَه آدَمِن خدا تَرس بینَه. کُرنِلیوس دَستو دِلبازینَه دَس دَریسونرا آرَرَسیَه و یَژَن خداوندی دَرگا کا دِوا اَکَری.

رَسولون اَعمال 10:31

و واتِش: ”کُرنِلیوس، اِشتِه دِوا قِبول بَه و اِشتِه صَدَقَه اِن خدا حِضوریکاشون یاد آرَفندَیَه.

رَسولون اَعمال 10:4

کُرنِلیوس تَرسینَه بَی چَم دَشتِشَه و واتِش: «بلِه چمن سَروَر!» فرشتَه واتِش: «اِشتِه دِوا اِن و صَدَقَه اِن هِنتَه یادِگاریَه خَلایی شیوار خدا حِضوریرا آرَستَه.

نامَه اَفسوسی کلیسارا 4:28

پِتارچی دِ مَپِتارِ، بَسکم زَمَت بکَشِه، و اِشتَن بالونَّه صیداقَتینَه کار بکَرِ، تا بشا دَسدَریسون نی چیی ایی بدرِ.

اوّلین نامَه تیموتائوسیرا 6:17

اِم دِنیا پولدارون بواج کن یالَه نار آنِبون و اِم دِنیا مالی سَردِرِ کن نیمَند، اومید مدارن. بَسکم چَوون اومید خدا ایکا ببو کن گِردِ چییون فِرَوون چَمرا آمادَ آرَکَرد تا اوونکا کیف بکَرم.

اوّلین نامَه تیموتائوسیرا 6:18

اَوون فِرمون بدَ کن چاکی بِکَن و چاکَه کارون دلَکا دولتمند ببون، دست و دلباز و بخشندَ ببون.

نامَه، عِبرانیه نَتاجَه مسیحیونرا 6:10

اِمی خونه کن خدا بی اینصاف نییَه و شمه کار و موحبت کن شمه چَی نومی خاطر، موقدسَه آدَمون خیدمتیکا آمونِستَرون یاد بَرکَرِ، هته کن هنوزنی کاینه اَنجوم دوعه.

یعقوبی نامَه 1:27

پاجا و خالیصه دینداری چَمَه دَدَ، خدا چَمیکا اِمه، کن صَقِرون و ویوَ ژِنون غَرّی موقِه آرَستِه و بَشتَن اِم مَچمَه دِنیاکا رَت آکَردِ.

یعقوبی نامَه 2:14

چمن برا اِن، چِه بَرَ ایی دارَ اَگَم کَسی اِیدعا بکَرِ کن ایمان دارِ، ولی اعمال مَدارِ؟ اِنتَرَ ایمانی بَشایَه بَی نیجات دوعِه؟

یوحنا اوّلین نامَه 3:17

ولی اَگَم کَسی دِنیا مال و مَنالیکا بِدارِ و اِشتَن برا دَس دَریس بِه بِوینِه، ولی اِشتَن رحمی بَیکا دریغ بکرِ، چِنتَرَ خدا موحبت اِنتَرَ آدَمیکا بَمَندیَه؟

یوحنا اوّلین نامَه 4:20

اَگَم کَسی بواجه کن خدا رَی بداشتی ولی اِشتَن برا کا نیفرت بِدارِ، دِروو اَواجَه. چون کَسی کن اِشتَن برا، کن بَی بَویندیَه، رَی نِدارِ، نیَشا خدایی کن ویندَش نی، رَی بدارِ.