انجیل لوقا 12:4 - کتاب مقدس به زبان تالشي - گویش مرکزی

⁴ «اَی چمن رَفِقن بَه شمَه باتیمَه اَیِنیکا کن جَندَکی بِکشتین و چَی بَه دوملَه دِ بیمیکا ویشتَر نینَّشا کاری کَردِ کا مَترسهَ.

کتاب مقدس به زبان تالشی شمالی

⁴ «چِمِن رَفِقِن، شِمَه نَه بَواتیم کسونی کا مَترسَه که جِسمی کِشِن و چَیی پَش اِمی کا وِرتَر کاری چوون دَسی کا نِبَرا.

انجیل لوقا 12:4 Iomraidhean Croise

مَتّی 10:28

اَیِنی کا کن فقط جَندَکی بَکشتینهَ و نینَّشا روحی کِشتِه کا مَترسه؛ خداکا بِترسه کن بَشای هِم روح و هِم شمه جَندَکی جَندمیکا نیفله آکَرَ.

یوحنا 15:13

موحبتی بیمیکا یالتر وجودِش نیَه کن کَسی اِشتَن جانی اِشتَن رَفقون خونِه بدَرِ.

رَسولون اَعمال 20:24

ولی اَز هِم جان و هِم زندَگی بَشتَنرا بی ارزش بَموستیم، و تاکَه اَگَم بِشام اِشتَن دووری تَمون آکَرم و خیدمَتی کن خَداوَند عیسی کا ویگَتِم کامیل اَنجوم بِدَرم، و خدا فِیضی خَشَه خَبَری شاهیدی بدَرِم.

رَسولون اَعمال 4:13

وَقتی اَیِن پِطروس و یوحنا شَهامتی ویندِشونَه و سَر آگِنینَه کن بیسواد و عادیَه آدَمین، حَیرون آبین و فَهمِستِشون کن عیسی نَه دَرِ بینَه.

نامَه فیلیپی کلیسا را 1:28

و هیچ چیی دِلَکا اَیِنی کا کن شمَه زِرَبَرا این متَرسَه، کن هِم چَوونرا نیفلَه آبِه دیارَنِشونَه یَه، ولی شمَرا نیجات گَتِه نشونَه یَه و اِم خدا کا اَ.

یعقوبی نامَه 2:23

و توراتی اَ نوشتَه اَنجوم بَه کن باتی: «ابراهیم خِداش ایمان وَردَ و اِم چَیرا صالح بِه بَحیساب آمَه،» و ابراهیم، خدا رَفِق خِلِه آبَه.

پطروسی اوّلین نامَه 3:14

ولی حتی اَگَم صالح بِه را عذاب بوینه، بَرَکت بگَتیرون. «اَ چیی ایکا کن اَیِن بَتَرسِستین، شمه مترسَه و تَفشیش دَنِگنَه.»

یوحنا موکاشیفَه 2:10

اَ عذابی کن هِم زودیون بَکَشتیشَه کا، مترس. بوین، ابلیس، شمَه دلَکا، بعضیوون ورداورد کردِ خونه بشِمه زیندان درَفندییَه و دَه روج عذاب بَبَرون. تِه تا مَردِ موقه وفادار بومون، کن اَز زندَگی تاجی بَتِه آمَدا.