انجیل لوقا 12:11 - کتاب مقدس به زبان تالشي - گویش مرکزی

¹¹ وَقتی کن شِمَه شون مُحاکیمَه کَردِ خونِه، یَهودیون عیبادَتگارا و حاکیمون و زاکیندارَ آدَمون وَر بَبَردینَه، تَفشیشیکا دَمَگِنه کن پی چِنتَه اِشتَنکا دیفا بکَرَ یا چِه بواجَه،

کتاب مقدس به زبان تالشی شمالی

¹¹ وختی مُحاکمَه کَردِه را شِمَه بَبَردین عبادتگاه اون را و بَبَردین حاکِمون و فَرماندارون وَر، نگران مَبییَه که چِنتَه اِشتَن کا دِفاع بِکَرَه یا چِه بوآجَه،

انجیل لوقا 12:11 Iomraidhean Croise

مَتّی 23:34

چیرا کن اَز پَیغَمبرون و حکیمِن و اَفَندیِن شمَه وَر رَونَه آمَکرد و شمَه بعضیون بَکشتینَه و صلیبی سَر بَبردیرون و بَعضیون موقدسَه عیبادَتگا اونکا شَلاغ بَژَرونَه و شهر به شهر تعقیب بَکَرون.

مَتّی 6:25

«پس بَه شمَه باتیمَه، اِشتَن زندَگیرا تَفشیشیکا مَبه کن چِه بَرَ یا چِه بِنجهَ، و نِه اِشتَن جندَکی تَفشیشیکا کن چِه دَکَرَ. مَگَم زندَگی هَردَ چیکا و جندَک دَکَردَ چیکا مهیمتَر نیَه؟

مَتّی 6:27

کییَه شمَه کا کن بِشا تَفشیشینَه، ایی ساعت اِشتَن عُمری ایضاف آکَرِ؟

مَتّی 6:28

«چیرا شِندِری خونه تَفشیشی کاینَه؟ ویاوونی سوسَنه گولون دَیَسَه کن چِنتَرَ پِنَّرا؛ اَیِن نِه زحمت بَکَشتین و نِه دَوَتینَه.

مَتّی 6:31

«پس تَفشیشیکا دَمَگِنَه نِواجَه کن چه بَرَم یا چه بِنجَم و یا چِه دَکَرَم.

مَتّی 6:34

پس سَوسَرا تَفشیش دَمَگِنَه، اِمی خاطیرکن سَوسَه اِشتَن تَفشیشی دارِ. اورنَه موشکیلات اورنَرا وَسَّه!

انجیل لوقا 12:22

عیسی اِشتَن شاگردون واتشَه: « پس بَه شِمَه باتیمَه نِه اِشتَن زندَگی تَفشیشیکا بِبَه کن چه بَرَ و نِه اِشتَن جَندَکِی تَفشیشیکا کن چِه دَکَرَ.