یوحنا 4:10 - کتاب مقدس به زبان تالشي - گویش مرکزی

¹⁰ عیسی اَ ژنی جواب داشَه: «اَگَم خدا خَلا اَزنیشَه و اَزنیشَه کیَه کن بَتِه باتیَه تیکَلیی آو بَمن بِدَ تا بِنجِم، تِه اِشتَن اَیکا بَپیر بَه، اَ آویی کن زندَگی بَبَخشِستی بَتِه اَدَریَه.»

کتاب مقدس به زبان تالشی شمالی

¹⁰ عیسی ژِنی نَه واتِشه: «اَگم خِدا هدیه کا خَوَرِر اِستبَه و بَزنیش که کییَه تِنَه بَواتی :”ایی چِله آو بَه مِن آدَه“ تِه اَیی کا بَپیستیش و اَ بَه تِن زِندگی بَخشَ آو آدَی.»

یوحنا 4:10 Iomraidhean Croise

انجیل لوقا 11:13

پس اَگَم شمَه کن آوشَریرون بَموستیرون کن چِنتَه چاکَه خلا اون شَمَه خِردَنون بدَرَ، چَنَه ویشتَر آستامونیَه دَدَ، خدا موقَدَسَه روح اَ کَسِنی دَرِکن اَیکا بَپیشونَه.»

یوحنا 16:3

اَیِن اِم کارون بَکَنَه، اِمی خونه کن نه آستامونیهَ دَدَ آزنِستَشونَه، نه بَمن.

یوحنا 17:3

و اِمهَ زَیرونَه زندَگی، کن اَیِن، بَتِه کن تاکَه حقیقیَه خدا هِستیشَه، و عیسی مسیح کن تِه رَونَه آکَردَرَ، آزنِن.

یوحنا 3:16

« اِمی خونه کن خدا اَنَ دِنیا رَی داری کن اِشتَن تاکَه زوعَه آداشَه تا هر کم بَی ایمان بوعَرِ نیفله آمَبو، بَلکَم زَیرونَه زندَگی بِدارِ.

یوحنا 4:14

ولی هر کم اَ آویکا کن، اَز بَی آمَدا بِنجِه، دِ هرگز تشیش آنیَبن، اَ آوی کن اَز بَی آمَدا، چَی دِلَکا ایلَه خونی بَبیَه کن تا زَیرونَه زندَگی، بَگِلِستیَه.»

یوحنا 6:35

عیسی اَیِنِش واتَه: « اَ نونی کن زندَگی بَبَخشستی اَزیمَه. هر کم چمن وَربا اَنشتا آنیَب و هر کم بَمن ایمان بوعَرِ هرگز تِشیش آنیَبن.

یوحنا 6:51

اَزیمَه اَ زِندَ نون کن آستامونیکا ویرمَه. اَگَم کَسی اِم نونیکا بَرِ تا ابد زِندَ بَمَندیَه. نونی کن اَز دَرِم تا دِنیا زندَگی بدارِ، چمن جَندکَ.»

رَسولون اَعمال 9:11

خداوند حَنانیاش واتَه: «پِب و کوچَه ایرا کن ‘راست‘ نوم بَداشتی بش و یَهودا کَکا سولوسِ تارسوسی سورَغی بیگِه. اَ کا دِوا کَردِ،

رومی کلیسارا نامه 8:32

اَ کن اِشتَن زوعَه دَریغ نِداشتِش، بَلکَم بَش چَمَه گِردی راکا فدا کَردِش، بَبیَه گِردِ چییون دستو دیلبازینَه اَمه آنِدَرِ؟

اوّلین نامَه قورَنتیانیرا 1:30

و چَی خونه اَ کن، شِمَه مَسیح عیسی دِلَکا هِستیرون، اَ مسیح عیسی کن خدا طَرَفیکا آمَه و چَمَرا حیکمَت آبَه یَه، یعنی چَمه صالح بِه، قودوسیَّت و رَخِستِه.

اوّلین نامَه قورَنتیانیرا 10:4

و هه روحانیَه هِنتَنی نیکا هِنتین؛ اِمی خونه کن اَ روحانیَه کازَ مَغاریکا هِنجینَه کن چَوون دوملَه آی، و اَ کازَ مَغار مَسیح بَه.

دوومین نامه قرنتیانیرا 9:15

خداوندی، چَی یالَه خلا خونه کن حتی زون نییَشا چَی تَریفی دوعِه شکر بکَمون.

نامَه اَفسوسی کلیسارا 2:8

اِمی خونه کن فیضینَه و ایمان داشتِه واسیطنَه نیجات گَتَرون. و اِم شمَه کا نییَه، بَسکم خدا خَلا اَ،

نامَه، عِبرانیه نَتاجَه مسیحیونرا 6:4

چون اَیِنی کن ایی کرَ نورانی آبین، اَیِنی کن آستامونیَه خلا مزَ چَشتِشون و خدا موقدسَه روح دلَکا شَریک آبینه،

یوحنا اوّلین نامَه 5:20

و اِمی نی بَموستیمون کن خدا زوعَه آمَه و اَمَش فهم بَخشِستَه تا اَ کن حَییقتَه آزنَم، و اَمه چَی دِلَکا هِستیمون کن حَییقته، یعنی چَی زوعَه عیسی مَسیح کا. هَیَه حَییقیه خدا و زَیرونَه زندَگی.

یوحنا موکاشیفَه 21:6

و هَنی بَمِنِش واتَه: « اَنجوم بَه! از ’الف‘ و ’ی‘ و اوّل و آخِریمَه. هَر کَمی کن تِشیش ببو، اَز زندَگی آوَ خونیکا، بی اِمکن چیی ایی بدَرِ، بَی آمَدا.

یوحنا موکاشیفَه 22:17

خدا روح و وَیو باتینَه: «بِه!» هَر کمی کن اَی دَرَرَست بواجِه: «بِه!» هَر کمی کن تشیشَه با؛ و هر کَمی کن بَپیشَه، زندَگی آویکا بی امکن چیی ایی بدَرِ ویگِرِ.

یوحنا موکاشیفَه 7:17

چون وَرَ کن تختی وسطیکارَ چَوون شونه آرَبن، و اوون زندَگی بَخشه خونیون آویی طَرَف راهنمایی بَکیَه. و خدا هر اَسِرگی چَوون چَمیکا پاکییَه آرَکَرد.»