یوحنا 17:3 - کتاب مقدس به زبان تالشي - گویش مرکزی

³ و اِمهَ زَیرونَه زندَگی، کن اَیِن، بَتِه کن تاکَه حقیقیَه خدا هِستیشَه، و عیسی مسیح کن تِه رَونَه آکَردَرَ، آزنِن.

کتاب مقدس به زبان تالشی شمالی

³ و اَبَدی یَه زندگی اِمَه که، اَوِن فقط تِه که خِدای یگانه حقیقییش، و عیسایِ مسیحی که تِه اَیی ویسا آکَردَرَه، آزونِن.

یوحنا 17:3 Iomraidhean Croise

مَرقُس 9:37

«هَر کم چمن نومی خونه اِنتَرَ خِردَنی قِبول بکَرِ، بَمن قِبول کَردَشه؛ و هَر کَم بَمن قِبول بکَرِ، نِه کن بَمن، بَسکَم چمن رَونَه آکَری قِبول کَردَشه.»

انجیل لوقا 9:48

و اَیِنِش واتَه: «هَر‌ کم اِم خِردَنی چمن نومی خونِه قِبول بکَرِ، بَمن قِبول کَردَشه؛ و هر کم بَمن قبول بکَرِ، اَ کن بَمن رَونَه آکَردَشَه قِبول کَردَشه. اِمی خونِه کن شمه دِلَکا اَ کَسی یالتَرَ کن شِمَه گِردیکا گچ تَر ببو.»

یوحنا 10:36

چِنتَر بَشانَه کَسی کن دَدَ بَی وقف کردشَه و دِنیا دِلَرا عَندشه، بواجه ”کفر باتیش،“ تاکَه اِمی خونِه کن واتمَه اَز خدا زوعَه ایمهَ؟

یوحنا 11:42

اَز اَزنیمَه کن اوزون چمن سَسی دَشَرَست. اَمّا اِمی اَیِنی خونه واتِمَه کن اِم جگا کا مَندینه، تا ایمان بوعَرن کن، تِه بَمن رَونَه آکَردَر.»

یوحنا 14:26

ولی اَ دیفا اَکَر، یعنی خدا موقَدَسه روح، هَه کن دَدَ چمن نومینَه رَونَه آرَکَرد، اَ گردِ چییون بَه شمَه آموج آرَدا و گِردِ اَ چییونی کن اَز شمَرا واتِمَه، شمَه یاد آرَفند.

یوحنا 17:18

هَته کن تِه بَمن اِم دِنیا دِلَرا عَندِرَ، اَز نی اَوون دِنیا دِلَرا رَونَه آکَردَمَه.

یوحنا 17:21

تا گرد ایله ببون، هَته کن تِه اَی دَدَ چمن دلَکاشَه و اَز اِشتِه دلَکا. کاری بکَه کن اَیِن نی چَمَه دلَکا ببون، تا دِنیا ایمان بوعَرِ کن ته بَمن رَونَه آکَردَرَ.

یوحنا 17:23

اَز چَوون دلَکا و تِه چمن دلَکا تا اَیِن کامیلاً ایلَه آبون تا دِنیا بِزنِه کن ته بَمن رَونَه آکَردَرَ،و هَتَه کن بَمن رَی داری اَوون نی رَی بَداشتیش.

یوحنا 17:25

«اَی عادیلَه دَدَ، هر چَنَه دِنیا بَته آنیَموست، ولی اَز بَته آمَموست و اِمِن بَموستینه کن تِه بَمن رَونَه آکَردَرَ.

یوحنا 17:8

چون اَ گَفِنی کن تِه بَمن آدارَ، اَز اَوون آدامَه، و اَیِن اَ گَفَنِشون قِبول کَردَ واِم حَییقتی فهمستَشونَه کن اَز اِشتِه طَرَفیکا آمَه ایمَه، و ایمان وَردِشونه کن تِه بَمن رَونَه آکَردَرَ.

یوحنا 3:17

چیرا کن خدا اِشتَن زوعَه دِنیا را رَونَه آنِکَردَش تا دِنیا محکوم بکَرِ، بَلکَم رَونَه آکردش تا دِنیا چَی واسیطَنَه نیجات پَیدا بِکَن.

یوحنا 3:34

چون اَکَن خدا بَی عَندَشَه، خدا کلامی باتی، اِمی خونه کن خدا، بی اَندازَ اِشتَن روح بَی آرَدا.

یوحنا 5:44

چِنتَرَ بَشارون ایمان وَردِ وَقتی کن یَندِکا شکوه و جلال قِبول بَکَرون، ولی اَ شکوه و جلالی دوملَه نیرون کن تاکَه خدا طَرَفیکا آ؟

یوحنا 6:57

هَته کن دَدَ ای کن زندَگی بَبخشستی بَمن رَونَه آکَردِشَه و اَز دَدَ خونِه زِندَایمَه، پس هَرکم کن بَمنکا بَردی، اَ نی چمن خونِه زندَ بَبیَه.

یوحنا 7:29

ولی اَز بَی آمَموست، اِمی خونِه کن اَز چَی طَرَفیکا آمَه ایمَه و اَ بَمن عَندَشَه.»

یوحنا 8:19

اَموقه عیسی کا دَپَرسستین: «اِشتِه دَدَ کرَم جگاکارَ؟» عیسی جواب داشه: «شِمَه نه بَمن آزنَه و نه چمن دَدَ. اَگَم بَمن آرَزنیرون چمن دَدَ نی آزنیرون.»

اوّلین نامَه قورَنتیانیرا 15:34

اِم دَدارَ گَفونکا کن چَوون خونه مست آبَه ایرون، عَقلی سَر بِرَو دِ گناخ نِکَرَ؛ اِمی خونه کن بعضیِن هِستینه کن خدا آنینَزنی اِمی باتیمَه تا شرمندَ آبَه.

اوّلین نامَه قورَنتیانیرا 8:4

پس هَردَ چی ایی خونه کن بوتون تَقدیم بَیَه، بموستیمون کن اِم دِنیاکا «بوت هیچَه،» و «غَیرَاَز ایلَه خدا، دییَرَ خِدایی نییَه.»

دوومین نامه قرنتیانیرا 4:6

چون هَه خِدای کن واتِشَه: «نور ظلَماتی دِلَکا شپَق بژَنِه،» اِشتَن نوری چَمَه دِلونکا دَتاوِنیشَه تا خدا شکوه و جلالی آزنِستِه مَسیح صَفتیکا، اَمه نورانی بکرِ.

نامَه فیلیپی کلیسا را 3:10

تا مسیح و چَی زندَ آبِه اینجاری آزنِم و چَی عَذابونکا شَریک آبوم، چَی مَرگی دلَکا، هنته چَی شیوار آبوم،

نامَه فیلیپی کلیسا را 3:8

حَییقَت کن اَز گِردِ چییون چمن خداوند مَسیح عیسی آزنِستِه کا کن هَمه چیکا کفاترَ، ضَرَر بَموستیم. چَی خونِه گِردِ چییون از دَست آدوعَمَه و اِمون گِردی هیچ بَحیساب بوعَردیم، تا چمن منفعت مسیح ببو.

اوّلین نامَه تَسالونیکی کلیسا را 1:9

اِمی خونه کن اَیِن اِشتَن شمه چاکَه ایستقبال کن اَمَکا کردِرون گَف بژَن، و اِمکن چنترَ بوتون آهَشتِرون، خدا طرف آگَردِستِرون تا حَییقیو و زندَ خدا خیدمت بکرَ

دوّمین نامَه تَسالونیکی کلیسا را 1:8

کولوستارَ آرا دلَکا اَ خدانشناسون و اَیِنی کن چَمه خداوند عیسی اِنجیلیکا نافِرمونی اَکَرینَه، تَقاص ویرَگت.

نامَه، عِبرانیه نَتاجَه مسیحیونرا 3:1

پس اَی موقدسَه برا اِن، اَی شمَه کن آستامونییَه صَلا کا شریکیرون، شمه چَم عیسی کا ببو کن رسول و یالَه کاهینَه، کن چَی سَردِرِ ایمان بداشتیمون و اییتراف بکَمون.

پطروسی دومین نامه 1:2

خدا و چَمه خداوند عیسی مسیح آزنستِه واسیطنَه، فیض و صلح و سلامتی فرَوون شمَرا ببو.

پطروسی دومین نامه 1:3

هر چیی ایی کن چَمه زندَگیرا و دینداری را لازِمَه چَی ایلاهییَه خِنَر اَمَش بَخشستَه. چَی آزنِسته خونِه اَ کن اَمَش اِشتَن شکوه و جلال و چاکیرا صَلا ژَشه.

پطروسی دومین نامه 1:8

اِمی خونه کن اَگَم اِم صیفَتِن شمَه دَلکا ببون و ایضاف آبون، نییَشتِن چَمه خداوند عیسی مسیح آموستِه کا، دَدار و بی بَرَ ببَه.

یوحنا اوّلین نامَه 1:2

زندَگی اَیر آبه؛ و اَمه اَی ویندَمونَه و چَیرا شاهیدی آمونَدا. اَمه زَیرونَه زندَگی شمَرا اییلام بَکَمون، هه زَیرونه زندَگیی ایی کن دَدَ نَه دَرِ بَه و چَمَرا اَیر آبَه.

یوحنا اوّلین نامَه 1:3

اَمه اَ کلامی کن ویندَمونَه و دَرَستَمون شِمَرا نی اییلام بَکَمون، تا شِمَه نی اَمَنَه رَفاقَت بِدارَ؛ حییقتن نی چَمَه رَفاقَت دَدَ نَه و چَی زوعَه عیسیِ مَسیح نَه یه.

یوحنا اوّلین نامَه 2:23

هَر کَم زوعَه حاشا بکَرِ، دَدَ نی نِدارِ و هَر کَسی زوعَه اِیقرار بکَرِ، دَدَ نی بداشتی.

یوحنا اوّلین نامَه 4:6

اَمه خدا شِنیمون و کَسی کن خدا آزنِه، اَمه گوش آرَدا؛ ولی اَ کن خدا کا نیَه اَمه گوش آنیَدا. اَمه، حییقتی روح و دِروعه روح، اِنتَرَکِه بَشامون آزنِستِه.

یوحنا اوّلین نامَه 5:20

و اِمی نی بَموستیمون کن خدا زوعَه آمَه و اَمَش فهم بَخشِستَه تا اَ کن حَییقتَه آزنَم، و اَمه چَی دِلَکا هِستیمون کن حَییقته، یعنی چَی زوعَه عیسی مَسیح کا. هَیَه حَییقیه خدا و زَیرونَه زندَگی.