یوحنا 15:2 - کتاب مقدس به زبان تالشي - گویش مرکزی

² هر خالَه ایی چمن دلَکا میوه نِدَرِ، چمن دَدَ اَ خالَه دَرَبیرد، و هر خالَه ای کن میوَ بوعَرِ، اَی هَرَس بَکی تا ویشتَر میوَ بوعَرِ.

کتاب مقدس به زبان تالشی شمالی

² هَر لاخه ای که مِن کا میوه مَدَه، چِمِن دَده اَیی دَوِرِه، و هَر لاخه ای که میوه بواَرِه، اَیی هَرَس بَکَردی تا وِرتَر میوه بواَرِه.

یوحنا 15:2 Iomraidhean Croise

مَتّی 13:12

چون بِه اَ کن دارِ ویشتَر آدوعِه بَبی تا فِرَوون بدارِ، ولی اَیکا کن نیشَه هَه کن دارِ نی بَیکا وینَّگَت.

مَتّی 13:33

چَی بَه دوملَه عیسی چَوونرا دیَیر مَثَلی وَردشَه، واتِش: «آستامونی پادیشاهی هنته خَمیرازیَه کن ژنی اَی پِرَگت و سه کنجه آردَ نَه یَندِ ژِشه تا خمیر عَشتَه.»

مَتّی 15:13

عیسی جواب داشه: «هر بِنَه ایی کن چمن آستامونیَه دَدَ کَشتَش مبو ریشَه‌ کن آرَبن.

مَتّی 21:19

راه قِرَقیکا، اِنجیله داری بویندیَه وچَی طَرَف بَشیَه ولی غَیراز لیو چیی ایی چَی سَریکا نَوینیَه. پس دارِش واتَه: «نِکَرِ کن دِ هَرگز میوَای بَتکا پِرا!» جَخت اَ دار خشک آبَه.

مَتّی 25:29

چون هرکَمی کن دارِ بَی ویشتَر آدوعِه بَبیَه؛ ولی اَ کن نیشَه، حتی هه کن دارِ نی اَیکا وینَّگَت.

مَتّی 3:10

حَتی ایسَه نی بَلتَه دارون ریشَکا آرَستَه یَه. هر داریی کن چاکَ میوۀ نِدَر دَنَّبیرد و آرا دِلَکا دَنَّفَند.

مَتّی 3:12

اَ اِشتَن بِلَنگی اِشتَن بالیکا دارِ و اِشتَن گِرَگا پاکیَه آرَکَرد و گَندِمی اِشتَن انباریکا ذخیرَ بکَیَه، ولی سِمبَری آرا ایی دِلَکا کن دَنیَمردِن بَسوتیَه.»

مَتّی 7:19

هر داری کن چاکَه میوَ نِدَر اَی دَنَّبیرد و آرا کا دَنَّفَند.

مَرقُس 4:20

ولی بَقیَه، هِنتَه دونَه اونی شیوارین کن زورومَه زَمینی سَردِرِ برگِنِستینَه؛ اَیِن خداکلامی دنَّرست، اَی قِبول بَکَن و سی، شِصت و صد برابر بَرَ بدان.»

انجیل لوقا 8:13

اَ دون اِن کن بِژَ زَمینی سَردِرِ بَرَگنِستین کَسِنی هِستینه کن وَقتی خدا کلامی دَنَّرَست، اَی خَشینَه قِبول بَکن ولی کَلام چَوون دِلَکا ریشَه نیَژ، اِمِن تَلَکَه زمانی ایمان بَداشتینَه، اَمّا وَرداوَردی موقِه، اِشتَن ایمانی از دَست بَدان.

یوحنا 15:1

«اَز حَقیقیَه اَنگِرَ دار هستیمه و چمن دَدَ باغه وونَه.

یوحنا 15:16

شمَه بَمن اینتخاب نِکَردِرون، بَسکم اَز بَشِمَه اینتخاب کَردِمَه و بَشِمَه تَیین کَردِمَه تا بِشَه و میوَ بوعَرَ و شمه میوَ بومونِه، تا هر چیی ایی دَدَ کا چمن نومینَه درخواست بکَرَ بَشمَه عطا بکَرِ.

یوحنا 15:3

شمَه هِم ایسَه نی اَ گفِنی خونِه کن اَزبَه شمَه واتَمَه، پاجا ایرون.

یوحنا 15:6

اَگَم کَسی چمن دِلَکا مَمونِه، هنته خالَه ای شیوارَ کن اَی بِرِن بَنَّفَند و خشک آرَب. خشکَه بَشو خالی گرد آکَرن و آرا دلَکا برَفندینه و بَسوتینَه.

یوحنا 15:8

اِنتَرَ، شِمَه بَرکه میوَ بوعَردیرون و ثابیت بَکَرون کن چمن شاگِردینَه و اِنتَرَکِه چمن دَدَ جلال اَیر آرَب.

یوحنا 17:12

تا وقتی کن اوونَّه بیمَه اَوون اِشتِه نومی خِنَرینَه کن بَمن بَخشِستِرَ غَم هَردِمَه، اَز اَوونکا موحافیظَت کَردِمَه و هیچ‌ کم اَوونکا نیفلَه آنِه بینَه، غَیرَاز اَ زوعَه ای کن چَی لیاقَت نیفلَه آبِه بَه تا اِنتَرَکِه موقدسَه نیوشتَه اِن اَنجوم ببون.

رومی کلیسارا نامه 11:17

ولی اَگَم بَعضی بَشو خالونکا آبیردَشونَه و تِه کن ویشَه اینَه زَیتونَه دآری بَشو خال بیشَه، زَیتونه داری دییَر بشو خالینه پَیوند گِنیش و ایسَه زیتونَه داری ریشَه شیرَ کا کن موقوییَه بَردیش،

رومی کلیسارا نامه 11:22

پس خدا مِربانی و سختگیری اِشتَن یادیکا بَمَرکه؛ سَختگیری اَیِنی را اَ کن ایمانیکا ویگِنِستَه اینَه، ولی بَتِنه مِربانَه، اَلبَت اِم شَرطینَه کن چَی مِربانیکا ثابیت بِومونی؛ وَگرنَه بَه تِه نی آنَّبیرد.

رومی کلیسارا نامه 8:28

بَموستیمون اَیِنی حَقیکا کن خدا رَی بَداشتینَ و چَی ایرادَنَه خِلِه بَه اینَه، گِردِ چیی اِن چَوون خِیری یَتیرا کار بَکَنه.

اوّلین نامَه قورَنتیانیرا 13:1

اَگَم اینسانون و فرشتَه اون زبانینَه گَف بژَنم، ولی موحبت مدارم، هنتَه صَدا دارَ سنجی و تَیَه تبلی شیواریمون.

نامَه تیتوسیرا 2:14

کن چَمرا اِشتَن جانی آداشَه تا هر آوشرَ چیکا اَمه بِراخمونِه و اِشتَنرا پاجا اَ قامی سِی آکَرِ کن چَی اِشتَن شِن ببون، کن چاکَه کاریرا غَیرَت بِداشتین.

نامَه، عِبرانیه نَتاجَه مسیحیونرا 12:15

هواسِرون ببو کن هیچ کمی خدا فیضی ویگَتِکا دَمَبازِ، و هیچ تِلَه ریشَه ایی پِمَرا و دردَسَری باعیث آمَبو و خَیلیون جیفینین آنِکَرِ.

یوحنا اوّلین نامَه 2:19

اَیِن چَمَه دِلَکا بِرِن شینَه، اَمّا اَمَکا نِبینَه؛ چون اَگَم اَمَکا بین، اَمَنَه اَمونینَه. ولی چَوون شِه، آمونستش کن هیچ کِرَم اَوونکا اَمَکا نِبینَه.

یوحنا موکاشیفَه 3:19

«اَز اَینی کن اَوون رَی بداشتیم تشَر بژَم و چَمای بَکَم. پس غَیرَتی سَر بِه و توبَه اَکَن.