یوحنا 13:3 - کتاب مقدس به زبان تالشي - گویش مرکزی

³ عیسی کن اَزنیَه دَدَ گرد چیون چَی دست آدوعَشه و اِمی نی اَزنیَه کن خدا طَرفیکا آمَیه و خدا وَر آرَگَردست،

کتاب مقدس به زبان تالشی شمالی

³ عیسی که بَزنی دَده گِردِ چییون بَیی دَسپردَشه و اِم که خِدا وَری نَه اومَه و آگَردِه چَیی وَر،

یوحنا 13:3 Iomraidhean Croise

مَتّی 11:27

چمن دَدَ گردِ چیون چمن اِختیاریکا آنوعَشَه. هیچ‌ کَم زوعَه، دَدَ شیوار آنیَموست و هیچ‌ کَم دَدَ، زوعَه شیوار آنیَموست، و اَیِنی کن زوعَه بَپیستیَه، دَدَ اَوونرا دیار آکَرِ.

مَتّی 28:18

اَموقه عیسی نِزِک آمَه و اَیِنِش واتَه: «گردِ زاکین، آستامونیکا و زَمینی سَردِرِ چمن دَست آدوعَه آبَیَه.

انجیل لوقا 10:22

چمن دَدَ گردِ چیون چمن اِختیاریکا آنوعَشَه. غَیراَز دَدَ کَسی زوعَه آنیَموست، و کَسی دَدَ آنیَموست، غَیر اَز زوعَه و اَ آدَمِنی کن زوعَه اینتخاب بکَرِتا دَدَ چَوونرا دیار آکَرِ.»

یوحنا 1:18

هیچ‌ کَس هرگز خدا ویندَش نیَ. ولی اَ تاکَه زوعَه کن دَدَ وَریکارَ، اَی آمونستِش.

یوحنا 13:1

پِسَخَه عیدی بَه نَ، وقتی عیسی سَر آگِنَه کن چَی وَقت آرَستَیَه تا اِم دِنیا کا دَدَ ور بشو، اَیِنی کن اِم دنیاکا رَی داری، برکَه موحبَت کَردشَه.

یوحنا 17:2

اِمی خاطر کن تِه گِرِدِ اینسانون سِردِرِ اِشتِه زوعَه زاکین دوعَرَ تا گردِ اَیِنی کن تِه بَی آدوعَرَ، زَیرونَه زندَگی بدَرِ.

یوحنا 3:13

هیچ‌کَم آستامونیرا کَفا شَه نی، مَگَم اَ کن آستامونیکا ویرمَه، یعنی اینسانی زوعَه.

یوحنا 3:35

دَدَ، زوعَه رَی بَداشتی و گردِ چییون چَی دَست آدوعَشَه.

یوحنا 7:29

ولی اَز بَی آمَموست، اِمی خونِه کن اَز چَی طَرَفیکا آمَه ایمَه و اَ بَمن عَندَشَه.»

یوحنا 7:33

اَموقه عیسی واتِشَه: «دِ تَلَکه ایی شمَنه دَرِ ایمَه، وچَی بَه دوملَه کَسی وَر بَشیمَه کن بَمِنِش عَندیَه.

یوحنا 8:14

عیسی چَوون جَوابیکا واتِشَه: «حتی اَگَم اَز اِشتَن اِشتَن خونه شاهیدی بَدرِم، چمن شاهیدی دِرَستَه، اِمی خونِه کن بَموستیمَه کِرَم جگا آمَه ایمَه و کِرَم جگارا بَشیم. اَمّا شمَه نینَّموست اَز، کِرَم جِگاکا آمیم و کِرَم جگارا بَشیم.

یوحنا 8:42

عیسی اَیِنِش واتَه: «اَگَم خدا شمه دَدَ بَه، بَمن رَی داریرون، اِمی خونه کن اَز خدا طَرَفیکا آمَه ایمَه و ایسَه اِم جگا کایمَه. اَز اِشتَن بَسَر آمَه نیمَه، بَلکَم خدا بَمن رَونَه آکَردَشَه.

رَسولون اَعمال 2:36

«پس اَی گردِ یهودی قام، یَقین بِزنَه کن خدا هِم عیساش کن شِمَه اَی صَلیبی سَردِرِ جیبَستِرون، هِم خداوند و هِم وعدَ آدوعَه مسیح آکَردَشَه.»

اوّلین نامَه قورَنتیانیرا 15:27

اِمی خونه کن خدا «گِردِ چییون چَی فِرمون و چَی لنگون بنیکا آناشَه.» ولی وقتی کن باتی «گِردِ چییِن چَی فرمون آکردشَه و چَی پا بنیکا آناشَه»، دیارَ کن خدا اِشتَن، اَ کن گِردِ چییون مسیح لنگون بنیکا آناشَه، دَربَر نییگَت.

نامَه، عِبرانیه نَتاجَه مسیحیونرا 1:2

ولی اِم آخِرَ روجونکا اِشتَن زوعَه واسیطنه اَمنه گف ژِشه، هَه زوعَه ایی کن بَی ایلَه وارِثی شیوارگِردِ چییون سَر تَیین کردِشَه و چَی واسیطنَه جَهانِش خَلق کردَ.