یوحنا 13:1 - کتاب مقدس به زبان تالشي - گویش مرکزی

¹ پِسَخَه عیدی بَه نَ، وقتی عیسی سَر آگِنَه کن چَی وَقت آرَستَیَه تا اِم دِنیا کا دَدَ ور بشو، اَیِنی کن اِم دنیاکا رَی داری، برکَه موحبَت کَردشَه.

کتاب مقدس به زبان تالشی شمالی

¹ پِسَخ عیدی پیش، عیسی که بَزنی چَیی وخت آرَستَه تا اِم دنیا کا بِشو دَده وَر، اِشتَن شاگِردون که اِم دنیا کا اَوون نَه خِش بَه، بَرک محبت کَردِشه.

یوحنا 13:1 Iomraidhean Croise

مَتّی 26:45

چَی بَه دوملَه شاگِردون وَر آمَه و اَیِنِش واتَه: «هَنوزَنی خِتیرونه و ایستراحَت بَکَرون؟ ایسَه تَعیین بَه ساعت نِزِک آبَیه واینسانی زوعَه گناخ کارون دست تسلیم بَکَنه.

مَتّی 28:20

و اَوون آموج بِدَر کن، گِردِ چییونی کن بَشمَه فرمون آدوعَمَه اَنجوم بِدَرِن. دَیسه اَز، اوزون تا اِم دِنیا آخیر شمَنه دَرِایمَه!»

انجیل لوقا 22:53

اَموقه کن اَز هَمه روج معبدیکا شمنَه بیمَه، بَمن دست نِژِرون. اَمّا ایسَه شمَه وَقتَه و ظِلَماتی زبقی وقت.»

انجیل لوقا 9:51

وَقتی اَ روجِن کن قرار بَه عیسی آستامونیرا بشو نِزِک آبَه، عیسی شهر اورشَلیمی طَرَف را دَگِنِستَه.

یوحنا 11:55

یهودیون پِسخَه عید نِزِک بَه و بَرکَه آدَمِنی هَمَه جِگاکا شهر اورشَلیمیرا شینهَ تا عیدَ روجون بَه نه، پاجا به رسمی اَنجوم بِدَن.

یوحنا 12:23

عیسی اَیِنِش واتَه: «اِمی وقت آرَستَه یَه کن اینسانی زوعَه بَه شکوه جلال آرَسِه.

یوحنا 13:29

بعضی فکر اَکَرینَه اِمی خونه کن چَوون خَرجی پولَه کِنجَه یهودا کا بَه، عیسی بَی باتیَه کن: «اَچیی ایی کن عیدیرا اَمه لازمِمون بِخِر»، یا اِمکن پی چیی ایی گیدَلیون بدَرِ.

یوحنا 13:3

عیسی کن اَزنیَه دَدَ گرد چیون چَی دست آدوعَشه و اِمی نی اَزنیَه کن خدا طَرفیکا آمَیه و خدا وَر آرَگَردست،

یوحنا 13:34

ایله تازَ حکمی بَه شمَه دَرِم، و اَ اِمَه کن یَندِ موحبت بکَرَ. هَته کن اَز بَشِمَه موحبت کردِمهَ، شمه نی پی یَندِ موحبت بکَرَ.

یوحنا 14:28

دَرَستِرون کن اَز بَه شمه واتِم، ”اَز بَشیمَه، اَمّا شمَه وَر بومَمَه.“ اَگَم بَمن رَی داریرون، اِمی خونه کن اَز دَدَ وَربَشیمه خَش آرَبیرون، اِمی خونه کن دَدَ بَمنکا یال تَرَ.

یوحنا 14:31

ولی اَز کاری بکَمَه کن دَدَ بَمن حِکم کردَشَه، تا دِنیا بِزنِه کن اَز دَدَ رَی دارم. پِبَه، اِم جِگاکا بشَم.

یوحنا 16:28

اَز دَدَ طَرَفیکا آمیمهَ و اِم دِنیا دِلَه دَرمَه ایمَه؛ و ایسَه اِم دِنیا بَنامه و دَدَ وَربَشیمَه.»

یوحنا 17:1

اِم گَفون ژِ بَه دوملَه، عیسی اِشتَن کَلَّه راست آکردِشَه وآستامونی دَیَشتشَه و واتِش: « دَدَ، اَ وَقت آرَستَیه. اِشتِه زوعَه جلالی دیار آکَه تا اِشتِه زوعَه نی اِشتِه جَلالی دیار آکَرِ.

یوحنا 17:16

اَیِن اِم دِنیا شِن نینَّه، هَته کن اَز اِم دِنیا شِن نیمَه.

یوحنا 17:26

اَز اِشتِه نومی اَوون آمونِستِمَه و هَنی آمونِم، تا اَ محبتی کن تِه بَمن کَردِرَ، چَوون دِلَکا نی ببو و اَز نی چَوون دلَکا ببوم.»

یوحنا 17:5

پس ایسَه اَی دَدَ، ته نی بَمن اِشتِه وَریکا جلال بِدَ، هَه جلالی کن دِنیا شروو بِه بَه نَ اِشتِه وَر داریم.

یوحنا 18:4

عیسی، کن بَموستی چه چَی سَر بومَی، نَرا شَه و اَیِنِش واتَه: «چیکی دوملَه بَگردستیرون؟»

یوحنا 19:28

اِمی بَه دوملَه عیسی اَزنیَه کن ایسَه دِ گِردِ چییِن تَمون آبَه یَه و اِمی خاطر کن موقدسَه نوشتَه اِن اَنجوم ببون واتِش: «اَز تشیمهَ.»

یوحنا 2:13

یَهودیون پِسَخَه عید نِزِک بَه و عیسی شَهراورشلیمیرا شَه.

یوحنا 6:4

یَهودیون پِسَخَه عیید نِزِک بَه.

یوحنا 7:30

پس اَپیشون بَه بَی ویلاخِنِن، اَمّا هیچ‌کَم چَی سَردِرِ بال دراز آنِکَردِشَه، اِمی خونه کن عیسی وَقت هَنوزَنی آرَستَه نِبَه.

یوحنا 7:6

پس عیسی اَینِش واتَه: «هَنوزَنی چمن وقت آرَستَه نیَه، ولی شمَرا هر وقتی مناسیبه.

یوحنا 8:20

عیسی ام گَفون اَموقه کن مَعبَدی خزانۀ کا آموج اَدَریَه، واتِش. ولی هیچ‌کَسی بَی نِویلاخنیشَه، اِمی خونه کن هَنوزنی چَی وقت آرستَه نِبَه.

رومی کلیسارا نامه 8:37

نِه، چَی واسیطَنه کن اَمَش موحبَت کَردَ، گِردِ اِم کارونکا، اَمه، اَیِنی کا کن پیروزین، کَفاتَریمون.

اوّلین نامَه قورَنتیانیرا 1:8

اَ بَشِمَه تا بَه آخیر آمبَست غَم بَردیَه، تا چَمه خداوند عیسی مسیح روجیکا بی تقصیر ببَه.

نامَه، عِبرانیه نَتاجَه مسیحیونرا 3:14

اِمی خونه کن اَمه مسیح دلَکا شریک آبَه ایمون، اَگَم حَییقتا اَ ایطمینانی کن اَولیکا هِستمون بَه تا آخیر آمبَست غَم بَرم.

نامَه، عِبرانیه نَتاجَه مسیحیونرا 3:6

ولی مسیح، خدا کَرا هنته ایلَه زوعَه ایی شیوار وفادارَ. و چَی کَه، اَمه ایمون، اَگَم حَییقتا چَمَه ایطمینان و ایفتخاری، چَمَه اومیدی دلَکا آمبست غَم برم.

نامَه، عِبرانیه نَتاجَه مسیحیونرا 6:11

چَمَه طَمارزو اِمه کن، هر کِرَم شمَکا تا بَه آخیر هه غَیرَتی آمونَه تا شمه اومید کامیل دیار آبو.

پطروسی اوّلین نامَه 1:13

پس شمَه فیکرون، عَمل کَردِرا آمادَ بکَرَ، هوش ببِه و شمه اومیدی کامیلا اَ فیضی سَر بِنَرَ کن عیسی مَسیح اِشتَن ظهور کَردِ موقه بَشِمَه بَبَخشِستیَه.

یوحنا اوّلین نامَه 4:19

اَمه موحبَت بَکَمون چون اَ، اَوَلیکا، اَمَش موحبت کردَ.

یوحنا موکاشیفَه 1:5

و عیسی مسیح طَرَفیکا، اَ اَمینَه شاهید کن اولین کَسی بَه کن مردَاون دلَکا زندَ آبَه و دِنیا سَردِرِ پادیشاهون حاکیمَه. اَ کن اَمه رَی بداشتی و اِشتَن خونینَه، اَمَش چَمَه گِناخونکا اَراخِمونیَشَه،