یوحنا 1:19 - کتاب مقدس به زبان تالشي - گویش مرکزی

¹⁹ اِمَه یحیی شاهیدی، اَموقه کن یهودیِن شهر اورشَلیمیکا، کاهینِن کن معبدی عالِم بینَه و لاوییِن کن معبدی پاسَری بینَه، یحیی وَر عَندِشونه تا اَیکا دَپَرسن کن: «تِه کییشَه؟»

کتاب مقدس به زبان تالشی شمالی

¹⁹ اِمَه یحیی شهادتی، اَ موقع که یهودییِن، کاهِنون و معبدی خادِمون، اورشلیمی شهری نَه ویسا آکَردِشونَه چَیی وَر تا اَیی کا دَفَرسِن که: «تِه کییش؟»

یوحنا 1:19 Iomraidhean Croise

یوحنا 1:7

اَ شاهیدی دوعِرا آمَه، تا اَ نوری خونه شاهیدی بدَرِ، تا گردِ آدَمِن چَی واسیطنه ایمان بوعَرن.

یوحنا 10:24

یهودیِن چَی دوور جَم آبینَه و بَی واتِشون: «تا کَینی بَپیرَ اَمه چیمَه میمَه کا غَم بَری. اَگَم تِه وَعدَ آدوعَه مسیح ایشَه، چَمَرا دیار آکَه.»

یوحنا 10:31

اَموقه ایکَرَ دییَر یهودیِن سِه پگَتشون تا عیسی سِنگ سار بکَن.

یوحنا 11:19

خَیلی یهودیونکا مریم و مارتا وَرآمَه بینَه تا اَوون چَوون برا مَردِ خونِه آلاوِنِن.

یوحنا 2:18

پس یهودیِن عیساشون واتَه: «چه نِشونَه و موعجیزَایی اَمه آمونی تا بِزنَم اِنتَرَ کارون ایجازَ هِسترَ؟»

یوحنا 2:20

یهودیِن واتِشون: «اِم معبدی سِی آکَردِ چلو شَش سال دَکَشیستَه، ایسَه تِه سه روجیکا اَی هَنی سِی آشَکَرد؟»

یوحنا 5:10

پس یهودیِن، اَ مِردی کن شفا گَتَش بَه واتِشون: «اومروج موقدسَه شنبَه یَه وشرعا تِرا جایز نیَه کن اِشتَن خِته جگا پِگِری اِشتَنَه بِبَری.»

یوحنا 5:15

اَمِرد شَه و یهودیون واتِشَه: «اَ کن بَمن شفا داشَه، عیسی بَه.»

یوحنا 5:16

چیمی خونِه بَه کن یهودیِن عیسی اَیذَت آزار اَکَرینَه، اِمی خاطر کن یهودیون موقَدَسه شَنبَه روجیکا اِنتَرَ کارون اَکَریَه.

یوحنا 5:18

اِمی خاطِربَه کن، یهودیِن ویشتَر اَپیشون بَه اَی بِکِشن، اِمی خونه کن عیسی نِه فقَط موقَدَسه شَنبه روجی قانونی اَچاکنیَه بَلکَم حتی خدا نی اِشتَن دَدَ خِلِه اَکَری و اِنتَرَکه بَشتَن خدا نه یَکی آکَری.

یوحنا 6:41

اَموقه یهودیِن چَی خونه غور ژِشونه، اِمی خونه کن عیسی واتَش بَه «اَزیمَه اَ نونی کن آستامونیکا ویرمَیَه.»

یوحنا 6:52

اَموقه یهودیون دِلَکا خَرا خِلِه ایی راست آبَه و اَواجینَه: «اِم مِرد چِنتَ بَشای اِشتَن جَندَکی اَمه آدَرِ تا بَرَم؟»

یوحنا 7:1

چیمی بَه دوملَه، عیسی ایی مودَّتی وِلَته جلیلیکا اَگَردیَه. اَ نَپیش بَه یهودیَه کا ببو، اِمی خاطِر کن یهودیِن اَپیشون به اَی بکشِن.

یوحنا 7:11

پس یهودیِن، عییدَ هَنگوم چَی دوملَه اَگَردین و دَرَپَرسینَه: «اَ مِرد کرَم جگاکارَ؟»

یوحنا 7:15

یهودیِن تَعَجُب کَردشون بَه و دَرَ پَرسینَه: «اِم مِرد کن دینی درسی خَندَش نِیهَ، چِنتَر بَشایَه اِنتَر دانشی بِدارِ؟»

یوحنا 8:22

پس یهودیِن واتِشون: «مَگَم اَ بَپیشَه اِشتَن بِکِشه کن باتی، ”اَجگا کن اَز بَشیم، شمَه نینَّشا آمِه“؟»

یوحنا 8:48

یهودین عیساشون جواب دوعَه: «اَمه دِرست نَواجیمونَه کن تِه سامری هِستیشَه و پَریانی ایشَه؟»

یوحنا 8:52

یهودیِن بَی واتِشون: «ایسَه دِ یقین بَموستیمون کن پَریانی ایشه! ابراهیم مَردَ و دییَرَ پَیغَمبرِن نی مَردینَه، هَنوزَنی تِه باتیشَه، ”کَسی چمن کلامی اَنجوم بدرِ نییَمَردِن!“

یوحنا 8:57

یهودین بَی واتِشون: «تِه هَنوزَنی پنجاه سالِر نیَه، ابراهیمی ویندَرَ؟»

رَسولون اَعمال 13:25

وقتی کن یحیی اِشتَن خیدمتی دوورَ تَمون آرَکَری، واتِش: ”شِمَه فکر بَکَرون کن اَز کی ایمَه؟ اَز اَ نیمَه؛ بَلکَم اَ بَمنکا بَه دوملَه بومَیَه و اَز حتی چَی پا غَبون بَندی آکَردِ لَیاقتی نِدارِم.“

رَسولون اَعمال 19:4

پولوس واتِش: «یحیی غسل تعمید، توبَه تعمید بَه. اَ، آدَمون اَواجییَه، اَ کن بَمنکا بَه دوملَه بومَیَه بَی ایمان بوعَرَ، یعنی عیسی.»

یوحنا اوّلین نامَه 1:5

اِمَه، پَیغومی کن اَیکا دَرَستَمونَه و شِمَرا اییلام بَکَمون: کن خدا نورَ و اصلا هیچ ظِلَماتی اَیکا دَرِ نی.