یوحنا 1:14 - کتاب مقدس به زبان تالشي - گویش مرکزی

¹⁴ کلمه اینسان آبَه و چَمَه دلَکا مَندَ. واَمه چَی شکوه و جلالی ویندَمونَه، شکوه و جلالی شایستَه اِ، اَ، تاکَه زوعَه کن دَدَ طَرَفیکا آمَه، اَ فیض و حَییقتینَه پَتلَمه بَه.

کتاب مقدس به زبان تالشی شمالی

¹⁴ و کَلمه، اِنسان آبَه و چَمَه دیلَه کا ساکن آبَه. اَمَه چَیی شکوه و جلالی ویندِمونَه، شکوه و جلالی که اَ زوعَه یِ یِگانه شَئنی کایَه، که دَده طرفی نَه اومَه، فیض و حقیقتی نَه پُور.

یوحنا 1:14 Iomraidhean Croise

مَتّی 1:16

یعقوب، یوسوفی دَدَ بَه، یوسوف مَریَمی شو بَه. اَ مَریَم کن، عیسی کن بَی مَسیح خِلِه اَکَرینَه بَیکا دِنیا دَگِنستَه.

انجیل لوقا 2:11

اِمی خونه کن اومروج داوودِ پادیشا شهریکا، نیجات اَدَری شِمَرا دِنیا آمَه یَه. اَ، وَعَدَ آدوعَه مسیح و خِداوَندَ.»

انجیل لوقا 2:7

مریم اِشتَن اَولین خردَن کن زوعَه بَه دِنیا وَردِشَه. اَ، خِردَنی قونداقی دِلَکا پِپِشتِشَه و آخوریکا خِسام نیشَه، اِمی خونِه کن مِسافیر خونَکا چَوونرا جِگانِبَه.

انجیل لوقا 9:32

پِطروس و چَی هَمراهِن خَیلی خاوَ ملال بین، ولی وَقتی کامیلاً چَوون خاو پَرَ عیسی شکوه و جَلالی و اَ دِ مردی کن بَینَه پامَند بینَه ویندِشون.

یوحنا 1:1

شِرووکا کَلَمه بَه و کَلمَه خِدانَه بَه و کَلمه، خدا بَه؛

یوحنا 11:40

عیسی بَی واتِش: «مَگَم بَته نِواتِمَه کن اَگَم ایمان بوعَری، خدا جلالی بَویندیشَه؟»

یوحنا 14:6

عیسی بَی واتِشَه: «اَز راه و حَییقت و زندَگی هِستیمَه. هیچ‌کَسی غَیراَز چمن واسیطۀ نَه دَدَ وَر نیام.

یوحنا 14:9

عیسی بَی واتِش: «فیلیپُس، خَیلی وَقته کن شمنَه دَرِ ایمهَ و تِه هَنوزَنی بَمن آزنِستَر نیَه؟ هَر کَم کن بَمن ویندشَه، آستامونیهَ دَدَ نی ویندَشه؛ تِه چِنتَرَ بَشاشَه واتِه ”آستامونیَه دَدَ اَمه آمون“؟

یوحنا 17:22

اَ جلالی کن ته بَمن دوعَرَ اَز اَوون آدوعَمَه، تا اَیِن نی ایله ببون هَته کن اَمه ایله هستیمون؛

یوحنا 17:24

اَی دَدَ، بَپیمه اَیِنی کن تِه بَمن بَخشستَرَ بَمنَه ببون، هَه جگاایکا کن اَز هِستیم، تا چمن جلالی دَیَسن جلالی کن تِه بَمن دوعَرَ، اِمی خونِه کن تِه دِنیا شروو بِه بَه نَ، بَمن رَی داریشَه.

یوحنا 18:37

دومله پیلاتُس اَیکَا دَپرسِستَه؟ «پس تِه ایله پادیشاهیشَه؟» عیسی جواب داشَه: «تِه اِشتَن باتیش کن اَز ایله پادیشاهیمه. اَزاِمی خاطر دِنیا آمَه ایمَه و اِم هَدَفی خونه اِم دِنیا دِلَرا آمیمَه تا حییقتی خونه شاهیدی بِدَرم. پس هر کم کن حییقَتی شنهَ چمن سَسی گوش بدَرِ.»

یوحنا 2:11

اِنتَرَکِه عیسی اِشتَن اَوَلین نِشونَه و موعجیزَ قانای جَلیلیکا اَنجوم داشَه و اِشتَن شکوه و جَلالی آمونِستِش و چَی شاگِردِن بَی ایمان وَردِشونَه.

یوحنا 3:16

« اِمی خونه کن خدا اَنَ دِنیا رَی داری کن اِشتَن تاکَه زوعَه آداشَه تا هر کم بَی ایمان بوعَرِ نیفله آمَبو، بَلکَم زَیرونَه زندَگی بِدارِ.

یوحنا 3:18

هر کَم بَی ایمان بوعَرِ محکوم آنیَب، اَمّا هر کم بَی ایمان مَوَرِ، هِم ایسَه محکومَه، اِمی خاطرکن خدا تاکَه زوعَه نومی سَر، ایمان وَردَش نی.

یوحنا 6:51

اَزیمَه اَ زِندَ نون کن آستامونیکا ویرمَه. اَگَم کَسی اِم نونیکا بَرِ تا ابد زِندَ بَمَندیَه. نونی کن اَز دَرِم تا دِنیا زندَگی بدارِ، چمن جَندکَ.»

یوحنا 8:32

و حقیقتی آزنَه، و حقیقت بَشمَه آزاد آرَکَرد.»

رَسولون اَعمال 13:33

عیسی زندَ آکَردِ نَه، چَمَرا کن چَوون خِردَنیمون وَفا کَردِش. هته کن دِوُومین مزموریکا نوشتَه آبَه یَه: ”تِه چمن زوعَه ایشَه؛ اُمروج، اَز بَتِه مولود آکَردِمَه“

رومی کلیسارا نامه 8:3

چون اَ چیی ایی کن شَریعَت، اینسانی جندَکی عِجِز گیری خونه نَشایَه اَنجوم دوعِه، خدا اَنجوم داشَه. اَ اِشتَن زوعَه گِناخ کارَ جندَکی شیوار عَندِشَه تا گِناخیرا قِربونی ببو و اِنتَرَکِه اینسانی جَندَکی دِلَکا، گِناخیش محکوم کردَ،

رومی کلیسارا نامه 9:5

و بابااِن نی چَوون شِنَه، و مَسیح نی جندَکی لَحاظ چَوون اودومیکارَ، خِدایی کن گِردیکا کفاترَ، اَ زَیرون موتبارَک ببو. آمین.

اوّلین نامَه قورَنتیانیرا 15:47

اولین اینسان زمینیکا بَه و خاکیکا؛ دِوومین اینسان آستامونیکارَ.

دوومین نامه قرنتیانیرا 12:9

ولی خداوند بمِنِش واتَه: «چمن فیض تِرا وَسَّه، اِمی خونه کن چمن خِنَر عِجِز گیرییونکا کامیل آرَبن.» پس اِمی خاطر گذَشتَکا ویشتَر وِرَ خَشینه چمن عِجِزگیریون سَر ایفتخار بَکمه تا مَسیح خِنَر چمن سَریکا ویرا.

نامه غلاطیَه کلیسارا 4:4

اَمّا اَ تَیین بَه وقت، کامیل آرستَه، خدا اِشتَن زوعَه رَونَه آکردِشَه کن ایلَه ژِنیکا دِنیا آمه و شَریعَتی بنیکا دِنیا آمَه،

نامَه اَفسوسی کلیسارا 3:8

هر چَنَه کن موقدسَه آدَمون دلَکا گِچ تَرینیم، اِم فیضی بَمِنِشون دوعَه کن مسیح وِرَ گنجون خبَری غَیر یَهودیونرا اییلام بکَم،

نامَه کُولُسی کلیسا را 1:19

چون خدا گردِ خَشی اِمیکا بَه کن چَی دلَکا بومونِه،

نامَه کُولُسی کلیسا را 2:3

کن گِردِ حیمکت و اَلمَند بِه گنجِن چَی دلَکا نون آبَه یَه.

نامَه کُولُسی کلیسا را 2:9

اِمی خونه کن ایلاهییَه ذاتی پتلَمه گیری، تماما جندکی شیوار مسیح دلَکارَ،

اوّلین نامَه تیموتائوسیرا 3:16

واقییَن کن دینداری راز بَرک یالَه: اَ جندَکی دَلکا اَیر آبَه، خدا روح واسیطَنه تصدیق به، فرشتَه اِن اَشون ویندَ، قامونرا اییلام بَه، دِنیا دلَکا بَشون ایمان وردَ، و شکوه و جلاینَه، کَفاراشون بردَ.

نامَه، عِبرانیه نَتاجَه مسیحیونرا 1:3

اَ، خدا شکوه جلالی نورَ و چَی ذاتی تمام و کمالَه نَخشَه، و اَ گردِ چییون اِشتَن کلامی زِبقینَه آمبَست غَم بَردیه. اَ، گناخون پاجا آکَردِ بَه دومله، اَ کن با عَظمتَه و عرش برینیکارَ، راستَه بالی طرَفیکا نِشتَه.

نامَه، عِبرانیه نَتاجَه مسیحیونرا 1:5

اِمی خونه کن خدا کِرَم گلَه اِشتَن فرشتَه اِنِش واتَیَه: «ته چمن زوعَه ایشَه؛ اومروج، اَز بَتِه مولود سِی آکردِم»؟ و یا: «اَز چَیرا دَدَ آمَب، واَ مِرا زوعَه آرَب»؟

نامَه، عِبرانیه نَتاجَه مسیحیونرا 10:5

اِمی خاطر، هَنگومی کن مسیح دِنیا دلَرا آمَه، واتش: «تِه قربونی و خَلا نَپیر بَه، بَلکَم ایلَه تن مِرا آمادَ آکَردِر.

نامَه، عِبرانیه نَتاجَه مسیحیونرا 2:11

چون اَ کن تقدیس بَکی و اَیِنی کن تقدیس ببین، گِردیرا ایلَه سرچشمه هِسته. اِمی خونه کن عیسی را عار نییَه اوون برا خِله بکرِ،

نامَه، عِبرانیه نَتاجَه مسیحیونرا 5:5

مسیح نی اِشتَن، بَشتَنِش کفا نِبردَ تا یاله کاهین آبو، بَسکم هَه کَسی واسیطنه تَیین آبَه کن بَی واتش: «ته چمن زوعَه ایشَه؛ اومروج، اَز بَتِه مولود آکَردِم.»

یوحنا اوّلین نامَه 4:14

و اَمه ویندَمونَه و شاهیدی دَرَم کن دَدَ، اِشتَن زوعَه عَندَشَه تا دِنیا نیجات اَدَر ببو.

یوحنا اوّلین نامَه 4:9

خدا موحبَت اِنتَرَ چَمَه دِلَکا دیار آبَه کن، خدا اِشتَن تاکَه زوعَش دِنیارا عَندِشَه تا چَی خونِه زندَگی بِدارَم.

یوحنا دوّمین نامَه 1:7

اِمی خونه کن بَرکَه حیلَه بازِنی دِنیا کا مَندین، کن عیسی مسیح آمِه اینسانی جندکی دِلَکا ایقرار نینَّکَرد. اِنتَرَ کَسِن، هَه ضد مَسیح و حیلَه بازِنینَه.

یوحنا موکاشیفَه 19:13

و خونَه کوعَه ردایی دَکردَش به و چَی نومی «خدا کلام» اَواجینَه.

یوحنا موکاشیفَه 21:3

و تختیکا، تَتَّه لَسَّه ایی دَرَستِمه کن اَواجیَه: «بوین، خدا منزل آدَمونَّه دَرِ. واَ، اَوونَّه بمَندیه؛ و اَیِن چَی قام بَبینَه، و خدا اِشتَن اَوونَّه بَبییَه و چَوون خدا بَبیَه.