یوحنا 1:10 - کتاب مقدس به زبان تالشي - گویش مرکزی

¹⁰ اَ دِنیا کا بَه، و دِنیا چَی واسیطنه بِوِجود آمَه؛ اِم حالینَه دِنیا اَی نِه آزنِستِش.

کتاب مقدس به زبان تالشی شمالی

¹⁰ اَ دنیا کا بَه، و دنیا چَیی واسطه نَه بِه وجود اومَه؛ ولی دنیا اَیی آنِزونیشَه.

یوحنا 1:10 Iomraidhean Croise

مَتّی 11:27

چمن دَدَ گردِ چیون چمن اِختیاریکا آنوعَشَه. هیچ‌ کَم زوعَه، دَدَ شیوار آنیَموست و هیچ‌ کَم دَدَ، زوعَه شیوار آنیَموست، و اَیِنی کن زوعَه بَپیستیَه، دَدَ اَوونرا دیار آکَرِ.

یوحنا 1:11

اَ اِشتَن قامی وَر آمه ولی چَی قام اَی قِبول نِکردشونَه.

یوحنا 1:18

هیچ‌ کَس هرگز خدا ویندَش نیَ. ولی اَ تاکَه زوعَه کن دَدَ وَریکارَ، اَی آمونستِش.

یوحنا 1:3

گردِ چیِن کَلَمه واسیطَنَه بوجود آمَه، و هر چیی ایی کن بوجود آمَه، هیچ‌چی ایی نییه کن بی چَی بوجود آمَه ببو.

یوحنا 1:5

اِم نور تاریکی دِلَکا شَپَق بَژَی و ظِلَمات بَی گَتَش نِبَه.

یوحنا 17:25

«اَی عادیلَه دَدَ، هر چَنَه دِنیا بَته آنیَموست، ولی اَز بَته آمَموست و اِمِن بَموستینه کن تِه بَمن رَونَه آکَردَرَ.

یوحنا 5:17

ولی عیسی اَوون جواب داشَه: «چمن دَدَ تا ایسَه کا کار کَردِ، اَز نی کار بَکَم.»

رَسولون اَعمال 14:17

اِم حالیکا اَ، بَشتَنِش بی شاهید آنِه ناشَه؛ اِمی خونه کن اَ کِلاکی وارِستِه نَه آستامونیکا و پُربارَ فَصلون بَخشِستِنَه، شِمَرا چاکی کَردِشَه، و فِرَوونَه هَردَ چیی بَشمَه آرَدا و شِمَه دِلون خَشیکا پتلَمه بَکَی.»

اوّلین نامَه قورَنتیانیرا 1:21

چون اَ جِگا ایکا کن خدا حیکمتی خونه دِنیا نِشتِشَه حیکمَتی راه نَه خدا آزنِه، خدا مَصلَحتی اِنتَر ویندِشَه کن هِم نادونی را نَه کن اَمه موعیظَه بَکَمون، اَیِنی کن ایمان بوعَردین، نیجات بدَرِ.

اوّلین نامَه قورَنتیانیرا 2:8

هیچ کِرَم اِم زَمونه حاکیمونکا اِم حیکمَتیکا سَر آنِگِنین، اِمی خونه کن اَگَم اَیکا سَر آگِنَه بینَه، خِداوندِ شکوه و جَلالی صَلیبی سَردِرِ نَکِشینَه.

اوّلین نامَه قورَنتیانیرا 8:6

اِم حالینَه، چَمَرا تاکَه ایلَه خدا هِستَه، یعنی آستامونیَه دَدَ، کن گِردِ چییِن اَیکارَ و اَمه چَی شِنیمون؛ و تاکَه ایلَه خداوند هِستَه، یعنی عیسی مسیح، کن گردِ چییِن چَی واسیطَنَه یَه و اَمه چَی واسیطَنه هِستیمون.

نامَه کُولُسی کلیسا را 1:16

اِمی خونه کن گِردِ چییِن چَی واسیطنَه خلق آبین: آستامونیکا و زَمینی سَردِرِ، ویندَنییِن و نِویندَنییِن، چِه پادیشا اییِون تختِن ویا قلمرو اِن، ریاسَتِن و قودرَتِن؛ همَه چیی، چَی واسیطنه و چَیرا خلق آبین.

نامَه، عِبرانیه نَتاجَه مسیحیونرا 11:3

اَمه ایمان داشتِه نه سَر آگِنَم کن جهان خدا کَلامینَه خلق بَیه، اِنتَرَ کن، چَمینَه ویندَ چییِن، اَ چیی اِنیکا سَی آبینَه کن نییَب اَوون ویندِ.

یوحنا اوّلین نامَه 3:1

بِوینَه دَدَ چنه اَمَش موحبت کردَ، تا اَمه خدا خِردَنِن خِلِه بِکَن! و اِنتَرَ نی هِستیمون! اِمی خاطِرَ کن دِنیا اَمه آنییَموست، اِمی خونه کن بَی آنییَموست.