یعقوبی نامَه 5:10 - کتاب مقدس به زبان تالشي - گویش مرکزی

¹⁰ برا اِن، پَیغَمبَرونیکا کن خداوندی نومیَه گَف اَژَنینَه، صَبر و موصیبتی درسی آموج بیگِرَ.

کتاب مقدس به زبان تالشی شمالی

¹⁰ بِرا اِن، اَ پیغمبرونی کا که خِداوندی نومی نَه گَف ژَنِن، مصیبت و صبوری درسی یاد بِگِرَه.

یعقوبی نامَه 5:10 Iomraidhean Croise

انجیل لوقا 13:34

اَی اورشلیم، اَی اورشلیم، اَی شَهری کن پیغَمبَرون بَکشتیش و اَیِنی کن اِشتِه وَر رَونَه بَبین سِنگسار بَکَش! چَنکَرَاَپیم بَه هنته کَرگی کن اِشتَن کیجه اون اِشتَن پَرون بنیکا جَم آرَکَرد، اِشتِه خِردَنون ایی جِگاکا گِرد آکَرم اَمّا نَپیربَه.

انجیل لوقا 6:23

اَ روجیکا خَش بِبَه و خَشی خونِه دوش بکَرَ اِمی خاطر کن شمه پاداش آستامونیکا یالَه. چیرا کن چَوون بابا اِن نی پیغَمبَرونَّ اِنتَرَ رفتار کَردشونَه.

رَسولون اَعمال 3:21

کن پی آستامون بَی قِبول بکَریَه تا اَ روجِنی کن گِردِ چییِن بنابَر اَچیی کن خدا قَدیمَه دوورَ کا گِردِ اِشتَن موقدسَه پَیغمبَرون زونینَه واتَشَه، ایتفاق دگِنِه.

رَسولون اَعمال 7:52

کِرَم پَیغمبَر کن شِمَه بابااون بالیکا اَیذَت آزار ویندَش مَبو؟ اَیِن حتی پَیغمبَرِنی کن اَ صالِحَه مِردی آمِشون پیشگویی کَردَ بَه، کِشتِشون؛ و ایسَه شِمَه اَ صالِحه مِردی تسلیمِرون کردَ و چَی قاتل آبیرون،

نامَه، عِبرانیه نَتاجَه مسیحیونرا 13:7

شمه رهبرون یاد آرَفنَه، اَیِنی کن خدا کلامی شِمَراشون واتَه. چَوون زندَگی روِشی آخِری بوینَه و چَوون ایمانیکا سرمشق بیگِرَ.

یعقوبی نامَه 4:11

اَی برا اِن، یَندِ کا بَد نواجَه. هَرکَم اِشتَن برا زِرَبَرا بَد بِواجِه و یا اِشتَن برا دیوون بکرِ، شَریعَتی زرَبرا بَد واتَشَه و شَریعَتیش دیوون کردیه. ولی اَگَم تِه شَریعَتی دیوون بِکَری، تِه شریعتی داوریشَه، نِه اَ کن شریعتی اَنجوم آرَدا!

یعقوبی نامَه 5:13

شمَه دلَکا کییَه کن کا عَذاب کَشتِه، برزَ دوا بکَرِ؛ شمَه دِلَکا کی خَشی بَکَی، برزَ حَمد و ستایشی سِرودی بوخونِه.

یعقوبی نامَه 5:7

پس اَی برا اِن، تا خداوندی آمِه روج صَبر بکَرَ. دَیسَه کن چِنتَه کَشاوَرز مونتظیر بمندی تا زَمین اِشتَن با اَرزِشَه اَکینی بدَرِ؛ چِنتَرَ صَبر بَکَی تا پایز و باهارَ کِلَاک زَمینی سَردِرِ بِوارِ.

یعقوبی نامَه 5:9

برا اِن، یَندِ زِرَبَرا غور غور نِکرَ، تا شِمَه سَر نی دیوون مَبو، بوینَه داوَر بَرَنگا سَریکا پا مَندَ.