یعقوبی نامَه 4:1 - کتاب مقدس به زبان تالشي - گویش مرکزی

¹ چِه چیی ایی شِمَه دِلَکا جَنگِستِه و ژِژِ راست آبِه باعیث بَبی؟ مَگم شِمَه هوا و هَوسون خونه نییَه کن شمَه وِجودی دِلَکا کاینَه جَنگِستِه؟

کتاب مقدس به زبان تالشی شمالی

¹ چِه چی باعث بَبی شِمَه میانه کا دعوا دَلَکِه و چِه چی باعث بَبی شِمَه میانه کا جَنگ و جَدَل دَلَکِه؟ مَگم شِمَه هوا هَوسِن نینه که شِمَه وجودی دیلَه کا، کارا بَجَنگِستین؟

یعقوبی نامَه 4:1 Iomraidhean Croise

مَتّی 15:19

چون دلیکارَ کن، پَلیدَ فِکرِن، آدَم کِشتِه، زینا، بی‌ عِفَتی، پِتارستِه، دِروعَه شهادت و توهمَت سرچشمَه بَگَتی.

یوحنا 8:44

شمَه، شمَه دَدَ ابلیسی شِنینَه وشمه خواسته اِمَه کن اَ چیی اِنی کن شمه دَدَ بَپیشَه اَنجوم بدَرَ. اِبلیس اَوّلیکا ایلَه قاتل بَه و حقیقتینه هیچ کاری نِداری اِمی خونِه کن هیچ حقیقتی اَیکا نیَه. اَ گف کن بَژَی، کا درو واتِه اِمی خونه کن چَی ذات دِرو واتِه یَه؛ اِمی خونه کن درو اَواجَه و دِروعون دَدَیَه.

رومی کلیسارا نامه 7:23

ولی دییَرَ قانونی چمن جَندَکی اَعضاکا بَویندیمَه کن اَ، شَریعَتینَه کن چمن عقِل اَی قِبول بَکَی، بَجَنگِستی و بَمن شریعتی گِناخیکا ویلاخنِه، کن چمن جَندَکی اَعضاکا دَرِ.

رومی کلیسارا نامه 7:5

چون زمانیکا کن جندَکیکا زندَگی اَکَریمون، چَمَه نفس کن گِناخینَه پَتلَمه بَه، شریعَت اوون جیکو دَروَری، و چَمَه جندَکی اَعضا، کار اَگِری تا مَرگیرا بَرَ بِدرَم.

رومی کلیسارا نامه 8:7

چون اَ کن اِشتَن فکری جندَکی سَر آرَنا، خِدانَه عَدابَت بَکَی، چیرا کن خدا شَریعَتیکا فِرمون نیَبَرد و نیَشا نی بَردِ،

نامه غلاطیَه کلیسارا 5:17

اِمی خونِه کن جندَکی مِیلِن، خدا روح زِرَبرایَه و خدا روح مِیلِن جندَکی زِرَبَرا؛ و اِمی خونه کن اِم دِ، یِندِ زِرَبَرا اینَه، ایی جوری کن دِ نینَّشا هَر چیی کن بَپیرون، اَنجوم بدَرَ.

نامَه کُولُسی کلیسا را 3:5

پس، هر چیی ایی کن شمَه وِجودیکا زَمینی شنَه، بکشَه، یعنی بی عیفتی، جیفینین بِه، هوا و هوس، بدَ پیستَه چییِن و طمع کن هَه بوت پرستیَه.

دِوُّمین نامَه تیموتائوسیرا 2:23

نافَمه گَه بَه گَه دوعِه کا رَت آب، چیرا کن بَموستیشَه خَرا خِلِه راست آرَکَرد.

نامَه تیتوسیرا 3:3

اِمی خونه کن اَمه نی، ایی زمان نافَم و نافِرمون و گومراه بیمون، همه مودیل هواهَوس و خَشیون وَزییَربیمون؛ و کینَه کا و زِرَ بردِ کا زندَگی اَکَریمون. مردوم اَمکا بیزار بینَه و اَمه نی یَندِ کا.

نامَه تیتوسیرا 3:9

ولی جنگِستِه و ژِژِ ایی کن نافَم گیریکا اَ و بونجوقونکا و خَرا خِله اِنی کن شریعتی خونه اَ، رَت آب، اِمی خونه کن اِمِن دَدار و بی اَرزشین.

یعقوبی نامَه 1:14

ولی هَنگومی کن کَسی وس وسه بَبیَه، چَی هَوا هَوسَه، کن بَی گول بَژَی و بَی دوم دَرَفَند.

یعقوبی نامَه 4:3

اَموقه نیی کن درخواست بَکَرون، وینینَّگت، اِمی خونِه کن بَدَ نِیَّتینَه بَپیرون تا اِشتَن هوا و هَوَسیرا ایستفادَ بکَرَ.

پطروسی اوّلین نامَه 1:14

هِنتَه فِرمونه خِردَنون شیوار ببه، و دِ، نادون بِه موقه هوا وهَوسون شیوار مَبَه.

پطروسی اوّلین نامَه 2:11

اَی خاجتی اِن، شمَکا کن اِم دِنیاکا مِسافیر و خَلکیرون خاشتو خازِمه، جندکی هوا و هوسیکا کن شمَه روح زرَبرا کان جَنگِستِه، رَت آبَه.

پطروسی دومین نامه 2:18

اِمی خونه کن تَتَّه لَسَّنه گفنی بَژَن کن نافَم و یالَه نارگیرینه پتلَمه یه، و اَیِنی کن بدَ آدَمون چینگیکا چَتین بروَشتَه اینَه، اِشتَن هوا هَوسونکا، دوم دَنَّفَند.

پطروسی دومین نامه 3:3

گِردیکا بَه نَه، بِزنه کن آخِرَ روجونکا دَسپَر چیی اِنی آن و اِشتَن پَلیدَ مِیلونکا پیروی بکَنه و دَسپَر چییِن