یعقوبی نامَه 3:6 - کتاب مقدس به زبان تالشي - گویش مرکزی

⁶ زون نیی ایله آرا یَه؛ ایی دِنیا نادِرستی. ایله چَمه جَندَکی اَعضا اونکا و گِردِ کن اینسانی تمام وِجودی جیفینین بَکَی و گردِ چَی زندَگی آرا بَژَی، آرایی کن جَندَم بَی کولوستار بَکَی!

کتاب مقدس به زبان تالشی شمالی

⁶ و زَوون نی ایلَه آتشی اِستَه؛ ایی دنیا نادرستی کا که چَمَه بَدنی گِردِ اعضا دیلَه کا دَرییَه و اِنسانی گِردِ وجودی کثیف بَکَردی و چَیی زندگی گِردی آتش بَژَی، آتشی که جَهَندَم اَیی روشون آکَردَشَه!

یعقوبی نامَه 3:6 Iomraidhean Croise

مَتّی 12:24

ولی وَقتی فَریسیون فرقه عالیمِن اِمی دَرَستِشون واتِشون: « اِم مرد پَریانون رَئیس، بِعَلزَبولی کاریَرینَه، پَریانون بِرِن بَرَکرد!»

مَتّی 5:22

ولی اَز بَه شمَه باتیمَه، هرکَم اِشتَن برارا آسرَنگِه، چَی حَقه کن موحاکیمَه ببو؛ و هرکَم اِشتَن برا ”زَمون“ بدَرِ چَی حَقّه کن شوورا حِضوریکا محاکیمه ببو و هرکَم اِشتَن برا بواجِه ”اَحمق“ چَی جزا جَندَمی آرایَه.

مَرقُس 7:15

هیچ چییی آدَمی بِرنیکا نیَه کن بِشا، چَی وجودیکا دِلَه دَشِه نَه بَی جیفینین آکَرِ، بَلکَم اَ چییِنی کن اینسانی وِجودیکا بِرن بومَی، بَی جیفینین بَکَی.

انجیل لوقا 16:24

پس تَتَه لَسَّه نَه واتش: ”چمن دَدَ ابراهیم، بَمن رَحم اَکَن و ایلعازَری بَینن تا اِشتَن انگشتَه تِکی آویکا بِژَنِه و چمن زونی سَرین آکَرِ، اِمی خونه کن اِم آراکا عذاب بَکَشتیمَه.“

رَسولون اَعمال 20:30

حتی شِمَه دِلکا نی آدَمِنی راست آنَّب و حَقیقَتی ویگاردِنن تا شاگِردون اِشتَن دوملَه دَراکنن و اَوون گومرا بَکَن.

رَسولون اَعمال 5:3

ولی پِطروس بَش واتَه: «حَنانیا، چیرا هَشتِر شَیطون اِشتِه دِلی اِنتَرَ پَتلَمَه آکَرِ کن خدا موقدسَه روح دِروو بِواجی واَ زَمینی پولیکا تلَکَه ایی اِشتَرا غَم بَری؟

رَسولون اَعمال 6:13

اَیِن چَن گِلَه دِروعَه شاهید نی وَردِشونَه، کن اَواجینَه: «اِم مِرد، یَژَن اِم موقدسَه جِگا و شَریعَتی زِرَبَرا گَف بَژَی و اِم کاریکا دست پِنییَگَت.

نامَه تیتوسیرا 1:11

کن چَوون گَویی پی دبستِه، اِمی خونه کن اَییِن خانیوادَ اون گِردی یندِکا تاکَه آنَّکرد و ناحَقَه بَرَ خونه اَ چییِنی آموج دَرِن کن نِبایَد بدَرِن.

یعقوبی نامَه 2:7

مَگَم اَیِن کَسِنی نینَّه کن اَ شَریفَه نوم کن شِمَه سَریکاشون نوعه یَه، کِفر باتین؟

یعقوبی نامَه 3:7

اینسان هَمَه مودیل خَیوون و پَرَندَ و خَزَندَ و دَیرا اییَه جانداری اِشتَن فِرمون بَکَیَه و کَردَشَه،

پطروسی دومین نامه 3:3

گِردیکا بَه نَه، بِزنه کن آخِرَ روجونکا دَسپَر چیی اِنی آن و اِشتَن پَلیدَ مِیلونکا پیروی بکَنه و دَسپَر چییِن

یوحنا سوّمین نامَه 1:10

پس وَقتی کن بام، اَ کارون سَردِرِ کن اَ بَکَیَه رَسیدگی بَکَمَه، چیرا کن غَرَصینَه چَمه زرَبرا بَد باتی، و اِمیکا نی راضی دَرَمه نیَه و چَمَه برا اون نی قبولِش کردَ نییَ؛ و برا اِنی کن بَپیشونه اَوون قِبول بِکَن، چَوون نَه گَتَشه، و کلیساکا بِرِن بَرَکَرد.

یوحنا موکاشیفَه 12:9

یالَه اَژدِخا بِنیرا ویگنِسته، یعنی هَه قدیمیه نَلَتی کن بَی ابلیس یا شَیطون خِلِه اَکَرینَه و دِنیا دِلَه گِردِ آدَمون گومراه آکَردِشَه. اَشون زَمینی سَر ویداشتِشون و چَی فرشتَه اِنِشون نی بَینَه بِنیرا ویرَفَندشون.

یوحنا موکاشیفَه 13:14

اَ نشونَه اِن و موعجیزَ اِنی کن اَ اَوّلنَه اَشیا نومینَه ایجازَ داری اَیر آکَردِ خونه، زَمینی آدَمون گول ژِشَه و اَیِنِش واته تا اَ اَشیا کا موجسمَه سِی آکَرِن کن شمشیرینه یَرَ آبَه بَه، ولی اِم حالینه زِندَ مَندَ بَه.

یوحنا موکاشیفَه 18:23

دِ هیچ سو اَ چِرایی بَتِکا دَنییَه تاوِست، دِ هرگز بَتکا هیچ وَیو و بَگی سَس بِرِن نیام. اِمی خونه کن اِشتِه تاجیرِن زَمینی سَریکا یالَه آدَمِنی بینَه، و اِشتِه جاودو خونه قامِن گِرد گمراه آبین.

یوحنا موکاشیفَه 19:20

ولی اَ اَشیا ویلاخیسته و بَینَه اَ دِروَعه پیغمبَر کن اَشیا ناریکا نشونه اِن و موعجیزَ اون اَیر آرَکری تا اَیِنی گول بژنه کن اَ اَشیا نشونِشون قِبول کردَ و چَی موجسمَه اَپَرستینَه. اَیِن، هردِگِلَه زِند زندَ، دَیراچَه ایکا کن آرا کا کن گوگردینه کولوستار بَه ویرفندِشون.