یعقوبی نامَه 3:2 - کتاب مقدس به زبان تالشي - گویش مرکزی

² چون اَمه گِرد وِرَ راهون دلَکا خَطا بَکمون. اَگَم کَسی اِشتَن گَف ژِ کا خَطا نِکرِ، کامیلَه اینسانیَه و بَشایَه گِردِ اِشتَن تنی ناری گَته.

کتاب مقدس به زبان تالشی شمالی

² چوم که اَمَه گِرد وِر راهون کا خَطا بَکَردیمون. اَگم کسی اِشتَن گَف ژَندِه کا خَطا مَکَرِه، کامِلَ اِنسانی اِستَه و بَشای گِردِ اِشتَن بَدَنی پیشی بِگِرِه.

یعقوبی نامَه 3:2 Iomraidhean Croise

مَتّی 12:34

ای آوشَرِن، شمه کن آوشَریرون، چِنتَر بَشارون چاکَه گَف بِواجَه؟ اِمی خونه کن زون اَچیی ایکا گَف بَژَیَه کن دل اَیکا پَتلَمَیَه.

مَتّی 12:37

اِمی خونه کن اِشتَن گَفینَه تبرئه بَبینه و اِشتَن گَفینَه محکوم بَبینَ.»

رومی کلیسارا نامه 3:10

هَتَه کن موقدسَه نِوِشتَه اون دلَکا نوشتَه آبَیَه: « هیچ کَم صالح نییَه، حتی ایی نفر.

رومی کلیسارا نامه 7:21

پس اِم قانونی بَفَهمِسستیم کن وَقتی بَپیمَه چاکی بِکَرم، بَدی دَست آرَسَه.

اوّلین نامَه قورَنتیانیرا 9:27

بَلکَم اِشتَن تَنی سختی دَرِم و هنته ایلَه وزییَری شیوار بَی اَسیر دمَوَرد، تا نِکَرِ دییَرَ آدَمونرا موعیظَه کَردِ بَه دوملَه، اِشتَن مردود آبوم.

نامه غلاطیَه کلیسارا 3:22

ولی موقدسَه نوشتَه اِن اییلاموِشون کردیَه کن گِرد گِناخی دلَکا ویلاخیستَه این، تا اَ وَعدَ کن عیسی مَسیح سَر ایمان داشته راه نَه یَه، اَیِنی آدوعِه ببو کن ایمانِشون وَردیَه.

نامه غلاطیَه کلیسارا 5:17

اِمی خونِه کن جندَکی مِیلِن، خدا روح زِرَبرایَه و خدا روح مِیلِن جندَکی زِرَبَرا؛ و اِمی خونه کن اِم دِ، یِندِ زِرَبَرا اینَه، ایی جوری کن دِ نینَّشا هَر چیی کن بَپیرون، اَنجوم بدَرَ.

نامَه کُولُسی کلیسا را 1:28

اَمه اَی اییلام بکَمون، و گردی هوشدار دَرَم و آدَمون گِردی، گردِ حیکمتینَه آموج دَرَم، تا هنتَه مسیح دلَکا یالَه آدَمون شیوار، گِردی خدا وَر بوعَرَم.

نامَه کُولُسی کلیسا را 4:12

اِپافراس کن شمَکا اَ و مسیح عیسی پاسَریَه، شمرا سلام دَرِ. اَ خدا کا بَپیشه کن شمَه هِنتَه یالَه آدَمِن و خاطِر جمعون شیوار آمبَست بومونَه، و خدا ایرادَ کامیلا فرمون ببَه.

نامَه، عِبرانیه نَتاجَه مسیحیونرا 13:21

هَه خدا بَشمَه هر چاکَه چیی ایی نَه موجهز بکرِ تا چَی ایرادَ اَنجوم بدَرَ. تا اَ چیی ایی کن خدا راضی آرَکَرد، عیسی مسیح واسیطنَه چَمَه دِلَکا کار بیگِرِ، هه عیسی مسیح کن تا ابد و تا ابد شکوه جلال چَیرا ببو. آمین.

یعقوبی نامَه 1:26

اَگَم کَسی گَمون بَکی دیندارَ، ولی اِشتَن زونی نِیَشا غَم هَردِ، کا بَشتن گول ژِ، چَی دینداری دَدارَ.

یعقوبی نامَه 1:4

پس بَرزَ صبر و تحمل اِشتَن اَکینی کامیل بدَرِ تا بی عَیب و کامیل آبَه و چیی ایی کم مدارَ.

یعقوبی نامَه 2:10

چون اَگَم کَسی گِردِ شَریعَتی اَنجوم بدَرِ ولی تاکَه ایلَکا کم کاری بکَر، اَ تمام شریعتی کا گناخکارَ.

پطروسی اوّلین نامَه 3:10

اِمی خونه کن، «هَر‌ کم که پَپیشه زندگی رَی بدارِ و چاکه روجون بِوینِه، پی بدیکا اِشتَن زونی غم بَرِ و اِشتَن لِوون گول ژِرا دَبسته.

پطروسی اوّلین نامَه 5:10

تلَکه زمانی رنج و عذاب بَردِ بَه دوملَه، پور فیضه خدا کن بَشِمَه مَسیح دلَکا خِلِه کردشَه تا چِی زَیرونه شکوه و جلالیکا شریک آبه، بَشِمَه هنی بَنا بَکی و آمبست و قودور و پایدار بَکیَه.