یعقوبی نامَه 2:8 - کتاب مقدس به زبان تالشي - گویش مرکزی

⁸ اَگَم واقیین شمَه، شاهانَه شَریعَتی، موقدسه نوشته اون اِم واتَه گفی اَنجوم بدَرَ کن باتی: «اِشتِه خَمسوعَه هِنتَه اِشتَن جانی شیوار رَی بِدا،» چاکَه کاری بَکرون.

کتاب مقدس به زبان تالشی شمالی

⁸ اَگم شِمَه راس راسی، شاهانه شریعتی، مطابق مقدَّس نیویشته اون اِم گفی بِه جا بواَرَه که بَواتی: «اِشتِه خَمسوعه نَه اِشتِه جانی شیوار خِش بِبَش،» چاکه کاری بَکَردیرون.

یعقوبی نامَه 2:8 Iomraidhean Croise

مَتّی 22:39

دوّمین حکم نی اولین حکمی شیوارَ: اِشتِه خَمسوعَه اِشتَن جانی شیوار موحبت بکه.“

مَتّی 25:21

چَی سَرور جواب داشَه: آفرین اَی چاکو و امینَه پاسَری! کمَه چیکا امین بیشه پس وِرَ چییونی اِشتِه دَست آمَدا. بِه و اِشتَن اَربابی خَشیکا شریک بِب!“

مَتّی 25:23

چَی سَرور جواب داشَه: آفرین اَی چاکو و امینَه پاسَری! کمَه چیکا امین بیشه پس وِرَ چییونی اِشتِه دَست آمَدا. بِه و اِشتَن اَربابی خَشیکا شریک بِب!“

مَتّی 7:12

پس مردومینَه هَته رفتار بکَرَ کن بَپیرونَه شمَه نَه رفتار بکَن. اِمَه تورات و پَیغَمبَرون نوشتَه اِن خولاصَه.

رومی کلیسارا نامه 13:10

موحبت، اِشتَن خَمسوعَه بَدی نیَکَرد؛ پس موحبت، کامیل شَریعَتی اَنجوم دَرِ.

نامه غلاطیَه کلیسارا 5:14

اِمی خونه کن گِردِ شریعت ایله حِکمی کا خِلاصَه بَبی کن: «اِشتَن خَمسوعَه هِنتَه اِشتَن شیوار رَی بِدا.»

نامه غلاطیَه کلیسارا 6:2

یَندِ بارون دوش آگِرَ کن اِنتَرَکِه مَسیح شَریعَتی اَنجوم بَدارون.

نامَه فیلیپی کلیسا را 4:14

اِم حالیکا، لطف کَردِرون کن چمن زَمَتونکا شَریک آبیرون.

اوّلین نامَه تَسالونیکی کلیسا را 4:9

ایسَه برا بِه موحَبَتی خونه نِپیستِمه چیی ایی شِمَرا بنوِسم، اِمی خونه کن شمَه خدا کا آموج گَترونه کن یَندِ رَی بدارَ،

یعقوبی نامَه 1:25

اَمّا اَ کن کامیلَه شَریعَتی سَردِرِ کن شَریعت آزادیَه چَم دَشتَشَه، و درَرَست و بَی یاد بَنیَکرد بَسکم بَی اَنجوم آرادا، اَ اِشتَن کارونکا بَرکت بگَتی.

یعقوبی نامَه 2:12

پس هِنتَه کَسِنی گَف بِژَنَه و عمل بکَرَ کن بَموستین آزادی شَریعتی طبق، چَوون سَردِرِ دیوون بَبیَه،

یعقوبی نامَه 2:19

تِه باور بَداشتیش کن خدا ایلَه یَه. چاکَ بَکَش! حتی پَریانِن نیی اِنتَرَکِه باوری بَداشتین و تَرسیرا بَلَرزِستین!

یعقوبی نامَه 4:11

اَی برا اِن، یَندِ کا بَد نواجَه. هَرکَم اِشتَن برا زِرَبَرا بَد بِواجِه و یا اِشتَن برا دیوون بکرِ، شَریعَتی زرَبرا بَد واتَشَه و شَریعَتیش دیوون کردیه. ولی اَگَم تِه شَریعَتی دیوون بِکَری، تِه شریعتی داوریشَه، نِه اَ کن شریعتی اَنجوم آرَدا!

پطروسی اوّلین نامَه 2:9

ولی شمَه اینتخاب بَه اودوم و کاهینِنی هِستیرون کن شاهانَه کَهانَت بَکرون. شمه موقدَسه میلَّت و مردومی هِستیرون کن خدا مِلکیرون، تا چَی چاکه صِفتون اییلام بکَرَ، کن بَشِمَه ظِلَماتیکا اِشتَن عجیبَه نوری طَرَف خِلِه کردشَه.