یعقوبی نامَه 2:7 - کتاب مقدس به زبان تالشي - گویش مرکزی

⁷ مَگَم اَیِن کَسِنی نینَّه کن اَ شَریفَه نوم کن شِمَه سَریکاشون نوعه یَه، کِفر باتین؟

کتاب مقدس به زبان تالشی شمالی

⁷ مَگم اَوِن کسونی نینَه که اَ شریفَه نومی که شِمَه سَری کا نوعه بییَه، کُفر بَواتین؟

یعقوبی نامَه 2:7 Iomraidhean Croise

مَتّی 1:23

«دَیَس باکرَ خامیلَه بَبیَه و زوعَه ایی بَزَندیَه، واَیِن چَی نومی عِمانوئیل بَنانَه.» چَی معنی اِمَه کن «خدا اَمَنَه دَرِ»

مَتّی 12:24

ولی وَقتی فَریسیون فرقه عالیمِن اِمی دَرَستِشون واتِشون: « اِم مرد پَریانون رَئیس، بِعَلزَبولی کاریَرینَه، پَریانون بِرِن بَرَکرد!»

مَتّی 27:63

«آقا! اَمه یادَ کن اَ دِرو اَواج وقتی زندَ بَه، اَواجیَه کن ” اَز سه روجی بَه دوملَه زندَ آمَب.“

رَسولون اَعمال 11:26

و چَی پَیدا آبِه بَه دوملَه اَشون اَنطاکیَه را وَردَ. اَیِن اَ جِگاکا ایی سال کلیسا مردومینَه جَم آرَبین و برکَه وِرَ کاولَه ایی آموج اَدَرینَه. اَنطاکیَه کا بَه کن اَوَلین کَرَ را عیسی شاگِردِنشون مسیحی واتَه.

رَسولون اَعمال 15:17

تا اَیِنی کن اینسانون اودومیکا مَندَ اینَه، وگِردِ یهودییِنی کن چمن نومی، اِشتَن سَریکا دارِن خداوندی دوملَه بگَردِن. خداوند باتی، خداوندی کن

رَسولون اَعمال 26:11

چَندین کَرَ چَوون مُجازات کَردِرا، عیبادَتگا ایکا دییَرَ عیبادَتگا ایرا اَشیمَه و تَقلا اَکَریمَه و اَوون دیم پِرَنَریم تا کِفر بِواجِن. چمن غَضَّب چَوونرا اَدَ وِر بَه کن حتی تا دورَ شَهرونرا چَوون دوملَه اَشیمَه.

رَسولون اَعمال 4:12

غَیراَز اِم، هِچ کَسی دِلَکا نیجات نیَه، اِمی خونِه کن آستامونی بنیکا دییَرَ نومی آدَمِنِشون آدوعَه نیَه تا بَینَه نیجاتی ویگِرَم.»

نامَه اَفسوسی کلیسارا 3:15

آستامونیکا و زَمینی سَردِرِ هر خانیوادَ ایی، چَی نومی بوعَردین،

اوّلین نامَه تیموتائوسیرا 1:13

با امکِن گِذشتکا، کفر اَواجیم، عذاب اَدَریم و زبَون دَرَکَریم. ولی اِمی خونه کن بی ایمانی دلَکا نافَم گیری اَکَریمَه، چمن سَر رَحم بَه،

پطروسی اوّلین نامَه 4:16

اِم حالیکا اَگَم ایی نفر مسیحی بِه خونه عذاب بَبَردی، شرمندَ آمبو، بَسکم اَ نومی دِلَکا خدا شکوه و جلال بدَرَ.

یوحنا موکاشیفَه 19:13

و خونَه کوعَه ردایی دَکردَش به و چَی نومی «خدا کلام» اَواجینَه.

یوحنا موکاشیفَه 19:16

و چَی ردا و رونَه کَشیکاشون ایله نوم نوشتَه یَه: «شاهون شاه و خداوندون خداوند.»