یعقوبی نامَه 1:21 - کتاب مقدس به زبان تالشي - گویش مرکزی

²¹ پس هَر مودیل فیساد و هر مودیل آوشَر گیری کن مندیَیه، اِشتَنکا رَت آکَرَ و فروتَنینه، کَلامی کن خدا شِمَه دلی دلَکا کَشتَه شه قبول بکَرَ. اَ کلامی کن بَشایَه شِمَه جانون نیجات بدَرِ.

کتاب مقدس به زبان تالشی شمالی

²¹ بَس هَر جورَه فِساد و هَر جورَه شِرارتی اِشتَن کا دور آکَرَه و فروتنی نَه، کلامی که خِدا شِمَه دیلی دیلَه کا نِشا کَردَشه قبول بِکَرَه. اَ کلامی که بَشای شِمَه جانون نِجات بِدَه.

یعقوبی نامَه 1:21 Iomraidhean Croise

مَتّی 5:5

خَشی فروتَنون حالیرا، اِمی خونه کن اَیِن زَمینی میراث بَبردینه.

یوحنا 6:63

خدا روحَه کن زندَگی دَرِ؛ جَندَک اَصلا نییَشا زندَگی بَدرِ. گَفِنی کن اَز شِمَرا واتِمَه روح و زِندَگیَه.

یوحنا 6:68

شَمعون پِطروس جواب داشَه: «آقا چیکی وَر بشَم؟ زَیرونَه زندَگی گَفن، اِشتِه وَریکارَ.

رَسولون اَعمال 10:33

پس جَخت اِشتِه دوملَه عَندِمَه و تِه نی لُطفِر کَردَ وآمیشَه. ایسَه اَمه گِرد، خدا حِضوریکا حاضیریمون تا هَر چیی ایی کن خداوند بَتِش فِرمون دوعَه یه، دَرَسَم.»

رَسولون اَعمال 13:26

«اَی برا اِن، اَی ابراهیم پَیغمبری اودومی خِردَنن، و اَی خدا تَرسِنی کن اِم جِگاکا مَندیرون! اِم نیجات اَدَرَ پَیغوم، چَمَرا رَونَه آبَه یَه.

رومی کلیسارا نامه 1:16

اِمی خونه کن اَز اِنجیلیکا عار ندارِم، چیرا کن اِنجیل، هَر کَمی نیجات دوعِه را کن ایمان بوعَرِ، خدا زبقَه، اَوَلیکا یَهود و چَی بَه دوملَه غَیر یَهود.

رومی کلیسارا نامه 11:17

ولی اَگَم بَعضی بَشو خالونکا آبیردَشونَه و تِه کن ویشَه اینَه زَیتونَه دآری بَشو خال بیشَه، زَیتونه داری دییَر بشو خالینه پَیوند گِنیش و ایسَه زیتونَه داری ریشَه شیرَ کا کن موقوییَه بَردیش،

رومی کلیسارا نامه 6:17

ولی شکرخدا، هَر چَنَه چیمی بَه نَه، گِناخی وَزییَر بیرون، ولی ایسَه صِدقِه دِلینَه اَ آموجی کا فِرمون بَبَرون کن خدا، شِمَش آدوعَیَه.

اوّلین نامَه قورَنتیانیرا 15:2

و چَی واسیطنَه نیجات بَگَتیرون، البَت اَگَم اَ کلامی کن بَشمَرا موعیظَم کردَ، آمبَست غَم برَ. غَیراَز اِم، دَدار ایمانِرون وردَیَه.

دوومین نامه قرنتیانیرا 7:1

پس خاجَتی اِن، ایسَه کن اِم وعدَ اِن چَمه شِنَه، بِرَ اِشتَن، روح و جندَکی هر ناپاکیکا پاکیَه آکَرَم و خدا ترسینَه، موقدَّس بِه، کامیل آکَرم.

نامَه اَفسوسی کلیسارا 1:13

و شمه نی چَی دلَکا، وقتی کن حَییقتی کَلامی، کن هَه شمَه اِنجیل نیجاتَه درَستِرون و بَی ایمانِرون وردَ، ؛ خدا موقدسَه روح نَه کن وعَدَشون دوعَه یَه مُهر بیرون،

نامَه اَفسوسی کلیسارا 4:22

تا شمه گذَشته زندَگی روِش، یعنی اَ قدیمَه اینسانی کن حیلَه بازَ مِیلون واسیطنَه مِچِم بَه، شمَه تَنیکا بِرِنِرون بَروَرد.

نامَه اَفسوسی کلیسارا 4:25

پس، دِروو کا دس پِگِرَ، هر کِرَم شمَکا اِشتَن خَمسوعَنَه، راستَه گف بواجِه، چیرا کن اَمه گِرد، یَندِ ایلَه اَعضاایمون.

نامَه اَفسوسی کلیسارا 5:4

بَدَ گفِن و دَدارَ واجی و رَکیکَه گفِن شمَه دِلَکا مبو کن شمَه شَائنیکا نییَه؛ چَی جِگا پی شکر کردِ.

اوّلین نامَه تَسالونیکی کلیسا را 1:5

اِمی خونه کن چَمَه اِنجیل تاکَه گَفینَه نِه، بَسکم زبقینَه و خدا موقدسَه روح نَه و کامیله ایطمینانینَه بَشِمَه آرَستَه، هته کن چاک بموستیرون شمه خونه چنترَ شمه دلَکا رفتار کردِمون.

اوّلین نامَه تَسالونیکی کلیسا را 2:13

اَمه یَژَن خدا شکر بَکمون اَموقه کن شمه خدا کلامی قِبولِرون کردَ، اَی اَمَکا درَستِرون، اَرون نِه هنته اینسانی گَفی شیوار، بَسکم هنته خدا کلامی شیوار قبول کردرون، هته کن حَییقتا هِستَه؛ کن شمَه ایماندارون دلَکا، کار بَکَی.

نامَه تیتوسیرا 2:11

اِمی خونه کن خدا فیض اَیر آبیَه، اَ فیضی کن آدَمون گِردی نیجات آرَدا،

نامَه، عِبرانیه نَتاجَه مسیحیونرا 12:1

پس اِمی خونه کن اِنتَرَ شاهیدِنی هنته برکَه یالَه خِری شیوار اَمَشون دوور کردیَه، بِرَ اَمه نی هر ایضافَه بار و هر گناخی کن چَمَه بالو لِنگی درَپِشکیست، بَشتنکا رَت آکَرم و موسقابَه ایکا کن چَمه نَکارَ، اَوریجَم.

نامَه، عِبرانیه نَتاجَه مسیحیونرا 2:3

پس اَگَم اَمه انترَ یالَه نیجاتیکا غافل بِبَم، چِنترَ چَی جَزاکا بَروَزَم؟ اِم نیجات اَولیکا خداوندی واسیطنه اییلا آبه و چَی بَه دوملَه اَیِنی واسیطنه کن اَشون درَستَه چَمرا ثابیت بَه،

نامَه، عِبرانیه نَتاجَه مسیحیونرا 4:2

اِمی خونه کن اَمَرا نی هنته چَوون شیوار خشَه خبر آرَستَیَه. ولی اَ پیغومی کن اَیِن درَستِشون، چَوونرا بَرَ ایی نِداری، اِمی خاطر کن چَی درَستِه موقه ایمانینَه گوشِشون نِدوعَه.

یعقوبی نامَه 4:8

خِداکا نِزِک آبَه، و اَ نی شِمَکا نِزِک آرَبن. اَی گِناخکارِن، اِشتَن بالون پاجا آکَرَ، و اَی شمَه کن دو دل هِستیرون، اِشتَن دِلون پاجا آکَرَ.

یعقوبی نامَه 5:20

اَ آدَم بِزنَه کن هَر کَس کن ایلَه گِناخکاری، گُمراهیکا آگاردِنِه، چَی جانِش نیجات دوعه یَه و وِرَ گِناخون پوشامنیَشَه.

پطروسی اوّلین نامَه 1:22

ایسَه کن حَییقتیکا فِرمون بَردِنَه، اِشتَن جانون پاجا آکَردَرون تا بی ریا و برا اَ موحبَت بِدارَ، خالیصانه و پاجا اَ دِلینه یَندِ رَی بِدارَ.

پطروسی اوّلین نامَه 1:9

شمَه ایمانی نتیجه بَویندیرون یعنی شمه جانون نیجات گَتِه.

پطروسی اوّلین نامَه 2:1

پس هر مودیل بدیکا، و هر مودیل حیلَه و دِسرَ کَرچَنگ گیری و زِرَ بردِ، و هر مودیل بدَ واجی بَشتَنکا رَت آکَرَ

پطروسی اوّلین نامَه 2:11

اَی خاجتی اِن، شمَکا کن اِم دِنیاکا مِسافیر و خَلکیرون خاشتو خازِمه، جندکی هوا و هوسیکا کن شمَه روح زرَبرا کان جَنگِستِه، رَت آبَه.