یعقوبی نامَه 1:12 - کتاب مقدس به زبان تالشي - گویش مرکزی

¹² خَشی اَ آدَمی حالیرا کن وَرداوَردونکا صبر تحمولینه تاو بوعردی، اِمی خونه کن وَقتی وَرداوَردیکا سربلند بِرِن با، اَ تاجی کن زندَگی بَبخشِستی، و خدا اَیِنی کن بَی رَی بداشتین وَعَدَ آدوعَشَه، ویرَگت.

کتاب مقدس به زبان تالشی شمالی

¹² خَسَه بِبو اَ کسی که آزمایشون باری جیری کا صبر و تحملی نَه تاو بواَردی، چوم وختی آزمایشی کا سَربِلند بِرون بومَی، اَ زندگی بَخشَه تاجی ویگِرِه، اَ تاجی که خِدا بِه کسونی وعده دوعَشَه که اَیی نَه خِشینَه.

یعقوبی نامَه 1:12 Iomraidhean Croise

مَتّی 10:22

مردوم گِرد چمن نومی خونِه شِمَکا نیفرَت بَداشتین. اَمّا هَرکم تا آخیر تاو بوعَر، نیجات بَگتی‌‌.

مَتّی 25:34

چی بَه دوملَه پادیشا اَیِنی کن چَی راستَ وَریکا هستنینه باتیِه: اَی کَسِنی کن چمن دَدَ شِمَش بَرَکت آدوعَشَه، بِرَ و پادیشاهی‌ایی بَه میراث بِبَرَ کن دِنیا شِرو بِه کا، شمَرا آماده آبَه بَه.

انجیل لوقا 6:22

«خَشی شمَه حالیرا اَموقه کن مردم، اینسانی زوعَه خونه شمه سَردِرِ نیفرت بیگِن و شمَه اِشتَن جَمعیکا رَت آکرن و زَمون بِدرِن و شِمَه بَد نوم بِکَرن.

رومی کلیسارا نامه 5:4

و صبر، شَخصیَتی سِی آرَکَرد، و شخصیت اُمید داشتِه سِی آرَکَرد؛

رومی کلیسارا نامه 8:28

بَموستیمون اَیِنی حَقیکا کن خدا رَی بَداشتینَ و چَی ایرادَنَه خِلِه بَه اینَه، گِردِ چیی اِن چَوون خِیری یَتیرا کار بَکَنه.

اوّلین نامَه قورَنتیانیرا 2:9

هَتَه کن اِشعَیای پَیغمبری کیتاویکا نوشته بَیَه: «اَ چیی ایی کن هیچ چَمی نِویندِشَه، هیچ گوشی دَرَستَش نی، و هیچ فِکریرا آرَستَه نی، خدا اَیِنیرا کن اَوون رَی بَداشتی آمادَ آکَردَشَه.»

اوّلین نامَه قورَنتیانیرا 8:3

ولی اَکَن خدا رَی بَداشتیَه، خدا بَی آرَموست.

اوّلین نامَه قورَنتیانیرا 9:25

هَر کَم موساقبَرا بشیَه، هرچیکا، اِشتَن ناری بَگَتی. اَیِن فانیَه تاجی ویگَتِه خونه اِنتَرَ بَکن؛ ولی اَمه انتَرَ بَکمون تا زیرونَه تاجی ویگِرَم.

دِوُّمین نامَه تیموتائوسیرا 2:15

چَتین تقلا بَکه کن خدا حِضوریکا مقبول بَبی، هنتَه پاسَریی ایی شیوار کن خَجالت نییَکَشت و حَییقَتی کَلامی دِرِست بَکار بَگَتی.

دِوُّمین نامَه تیموتائوسیرا 4:8

ایسَه بَه دوملَه اَ صالِح بِه تاج مِرا آمادَیَه، تاجی کن خداوند، اَ عادیلَه داور، اَ روجیکا بَمن عطا بکَیه، نِه تاکَه بَمن، بَسکم بَه گِردِ اَیِنی کن چَی اَیر اَبِرا ایشتیاق دارینَه.

نامَه، عِبرانیه نَتاجَه مسیحیونرا 10:32

ولی اَ گذَشته روجون یاد آرَفنَه، اَ موقه کن تازَ نورانی آبَه بیرون؛ شمه ایلَه یالَه موبارزَکا عذابینَه تاوِرون وَردَ.

نامَه، عِبرانیه نَتاجَه مسیحیونرا 11:17

ایمان داشتِه خونه بَه کن ابراهیم وَرداورد بِه موقه کا، ایسحاقِش ایلَه قربونی شیوار تقدیم کردَ؛ و اَ کن وعدَاِنِش ویگتَه بَه، قِبول کردِشه کن اِشتَن تاکَه زوعَه قِربونی بکرِ،

نامَه، عِبرانیه نَتاجَه مسیحیونرا 12:5

مگَم اَ نصیحتی کن کیتاو اَمثال سِلِیمونیکا دَرِ یادِرون برکردَیه، کن بَشمَنه زوعَه اون شیوار گَف بَژَی و باتی: «بلَمه، خداوندی تربیتی گِچ بَحسیاب موَ، و چَی چَمای کردِکا مَویخِس.

نامَه، عِبرانیه نَتاجَه مسیحیونرا 6:15

و اِنتَرَ، صبرینَه مونتَظیر مندِ به دوملَه ابراهیم، وعدَش بَدَست وردَ.

یعقوبی نامَه 2:5

خاجَتیَه برا اِن، گوش آکَرَ! مَگَم خدا اِم دِنیا گیدَلیون اینتخاب کَردَش نیَه تا ایمانیکا قودور بِبون و اَ پادیشاهیی میراث بِبَن کن خدا، اَیِن کن بَی رَی بَداشتین وَعدَ آدوعَشَه؟

یعقوبی نامَه 5:11

ولی خشی اَیِنی حالیرا کن صبرِشون کردَ و تاو وردِشون. شِمَه اَیوبی صَبر و تاو وَردِ خونِه دَرَستَرون، و بَموستیرون کن خداوند آخیر بَسَر بَینَه چِش کَردَ، اِمی خونه کن خداوند، بی حَد و حیساب مِربان و بَخشندَیه.

پطروسی اوّلین نامَه 3:14

ولی حتی اَگَم صالح بِه را عذاب بوینه، بَرَکت بگَتیرون. «اَ چیی ایکا کن اَیِن بَتَرسِستین، شمه مترسَه و تَفشیش دَنِگنَه.»

پطروسی اوّلین نامَه 4:13

بَلکَم اِمیکا کن مَسیح عذابونکا شَریک بَبیرون خَش ببَه، تا چَی شکوه و جَلالی اَیر بِه موقه شمه نی خشی و وشتو واز بکرَ.

پطروسی اوّلین نامَه 4:14

اَگَم مَسیح نومی خونه بَشِمَه زبون دَکَرِن، خَشی شمَه حالیرا، چون شکوه و جلالی روح، وخدا روح شمه سَردِرِ بمندی.

پطروسی اوّلین نامَه 5:10

تلَکه زمانی رنج و عذاب بَردِ بَه دوملَه، پور فیضه خدا کن بَشِمَه مَسیح دلَکا خِلِه کردشَه تا چِی زَیرونه شکوه و جلالیکا شریک آبه، بَشِمَه هنی بَنا بَکی و آمبست و قودور و پایدار بَکیَه.

پطروسی اوّلین نامَه 5:4

زمانی کن شونه اون رئیس اَیر آبو، شکوه و جلالی تاج کن نیفیت آنیَب وینَّگَت.

یوحنا اوّلین نامَه 4:19

اَمه موحبَت بَکَمون چون اَ، اَوَلیکا، اَمَش موحبت کردَ.

یوحنا موکاشیفَه 2:10

اَ عذابی کن هِم زودیون بَکَشتیشَه کا، مترس. بوین، ابلیس، شمَه دلَکا، بعضیوون ورداورد کردِ خونه بشِمه زیندان درَفندییَه و دَه روج عذاب بَبَرون. تِه تا مَردِ موقه وفادار بومون، کن اَز زندَگی تاجی بَتِه آمَدا.

یوحنا موکاشیفَه 3:19

«اَز اَینی کن اَوون رَی بداشتیم تشَر بژَم و چَمای بَکَم. پس غَیرَتی سَر بِه و توبَه اَکَن.

یوحنا موکاشیفَه 3:21

«هر کم پیروز آبو، اِمی بَی آمَدا تا بمِنه تختی سَریکا بنشِه، هته کن اَز پیروز آبیم و اِشتَن دَدَ نَه، چَی تختی سَردِرِ نِشتیم.