نامَه، عِبرانیه نَتاجَه مسیحیونرا 8:3 - کتاب مقدس به زبان تالشي - گویش مرکزی

³ اِمی خونه کن هر یالَه کاهینی تَیین بَیَه تا خَلا اون و قِربونییون تقدیم بکَرِ، پس اِم کاهین نی پی ایی چیی ایی تقدیم کردِرا بدارِ.

کتاب مقدس به زبان تالشی شمالی

³ چوم که هَر یالَ کاهِنی تعیین بَبی تا هدیه اون و قِربونی یون تقدیم بِکَرِه، اِمی واسی، بَس اِم کاهِن نی بَسی ایی چیی بِدارِه تقدیم بِکَرِه.

نامَه، عِبرانیه نَتاجَه مسیحیونرا 8:3 Iomraidhean Croise

یوحنا 6:51

اَزیمَه اَ زِندَ نون کن آستامونیکا ویرمَه. اَگَم کَسی اِم نونیکا بَرِ تا ابد زِندَ بَمَندیَه. نونی کن اَز دَرِم تا دِنیا زندَگی بدارِ، چمن جَندکَ.»

رومی کلیسارا نامه 4:25

اَ کن چَمه گِناخون خونِه مَرگی تَسلیم آبَه و چَمَه صالح بَحیساب آمِه خونِه، مَردَاونکا زندَ آبَه.

رومی کلیسارا نامه 5:6

چون هَنگومی کن اَمه هَنوزَنی عِجِز بیمون، مسیح چاکَه موقِه بی خدا اون خونِه، اِشتَن جانی آداشَه.

رومی کلیسارا نامه 5:8

ولی خدا اِشتَن مُحبَتی اِنتَرَ اَمَراش آمونِستَه، وَقتی اَمه هَنوزَنی گِناخکار بیمون، مَسیح چَمَه خونِه مَردَ.

نامه غلاطیَه کلیسارا 2:20

اَز مَسیح نَه صَلیبی سَر مَصلوب آبیم، واِم دِ اَز نیمَه کن زندَگی بَکَی؛ بَلکَم مَسیحَه کن چمن دِلَکا زندَگی بَکَی؛ و اِم زَندَگیی کن ایسَه جَندَکیکا دارِم، خدا زوعَه سَر ایمان وَردِ خونِه یَه کن بَمن رَی داری و اِشتَن جانی مرا آداشَه.

نامَه اَفسوسی کلیسارا 5:2

و موحبتینه رفتار بکرَ، هته کن مسیح نی اَمَش موحبَت کردَ و اِشتَن جانی، هنته ایلَه قِربونی و عَطرینَه خَلایی شیوار خدارا تقدیم کردش.

نامَه تیتوسیرا 2:14

کن چَمرا اِشتَن جانی آداشَه تا هر آوشرَ چیکا اَمه بِراخمونِه و اِشتَنرا پاجا اَ قامی سِی آکَرِ کن چَی اِشتَن شِن ببون، کن چاکَه کاریرا غَیرَت بِداشتین.

نامَه، عِبرانیه نَتاجَه مسیحیونرا 2:17

پس لازم بَه کن اَ هر چیی ایکا هنته اِشتَن برا اون شیوار آبو، تا ایلَه بخشندَ و وفادارَ یالَه کاهین خدا خیدمتیکا آبو، تا قامی گناخون بخشِستِرا کفّارَ بدرِ.

نامَه، عِبرانیه نَتاجَه مسیحیونرا 3:1

پس اَی موقدسَه برا اِن، اَی شمَه کن آستامونییَه صَلا کا شریکیرون، شمه چَم عیسی کا ببو کن رسول و یالَه کاهینَه، کن چَی سَردِرِ ایمان بداشتیمون و اییتراف بکَمون.

نامَه، عِبرانیه نَتاجَه مسیحیونرا 5:1

چون هَر یاله کاهینی کن آدَمونکا اینتخاب آرَب، تَیین بَبی تا اَ کارِنی کن خدا مربوطَه، مردومی نیمایندَ آبو، تا گِناخون خونه، خَلا اِن و قربونیون خدارا تقدیم بکرِ.

نامَه، عِبرانیه نَتاجَه مسیحیونرا 7:27

اَ هنته دییَرَ یالَه کاهینون شیوار، ایحتیاجِش نییَه کن هر روج، اَولیکا اِشتَن گناخونرا و چَی به دوملَه قامی گناخونرا قربونی بدَ، چون اَ موقه کن بَشتَنِش قِربونی کردَ ایکَرَ اوزونیرا اِمی اَنجوم داشَه.

نامَه، عِبرانیه نَتاجَه مسیحیونرا 8:4

ایسَه اَگَم اَ زَمینی سَردِرِ مند بیبیستِه، هرگز کاهین نِه آبی، اِمی خونه کن کاهینِنی مَندینَه کن شریعتی حکمی واتنَه خَلا اون تقدیم بَکن.

نامَه، عِبرانیه نَتاجَه مسیحیونرا 9:14

چَنَه ویشتَر، مسیح خون کن اَ زَیرونَه روح واسیطنَه، بَشتَنِش بی عَیب، خدارا تقدیمِش کردَ، چَمَه ووژدانی دَدارَ کارونکا پاجا بَکَی تا بشوعَم زندَ خدا خیدمت بکرم.