نامَه، عِبرانیه نَتاجَه مسیحیونرا 1:1 - کتاب مقدس به زبان تالشي - گویش مرکزی

¹ گذَشتَکا، خدا چند کَرَموختلیفه راهونَّه، پَیغَمبرون واسیطنه چَمَه بابا اونَّه گف ژِشَه،

کتاب مقدس به زبان تالشی شمالی

¹ قدیمون، خِدا چِندی کَرَه جور بَه جوره راه اون نَه، پِیغمبَرون واسطه نَه چَمَه دَده اون نَه گف ژَندِشَه،

نامَه، عِبرانیه نَتاجَه مسیحیونرا 1:1 Iomraidhean Croise

انجیل لوقا 1:55

هَته کن چَمَه بابا اون، یعنی اِبراهیمِه پَیغَمبَریرا و چَی اودومیرا وَعدَ آدوعَش بَه کن تا ابَد اِم کاری بکَرِ.»

انجیل لوقا 1:72

تا اَ رَحمَتی کن چَمَه بابا اون وَعدَ آدوعَش بَه آمونه و اِشتَن موقَدَسَه عَهدی یاد آرَفَنِه؛

انجیل لوقا 24:27

چَی بَه دوملَه موسی توراتیکا و گردِ پَیغَمبَرون نِوِشتَه اونکا شِروو کَردِش و اَچییِنی کن گردِ مَقدَسه نِویشَه اونکا چَی خونه آمَیَه، اَ دِ نَفَریرا توضیح داشَه.

انجیل لوقا 24:44

چَی به دوملَه اَیِنِش واتَه: «اِمِن چمن گَفِه اینَه کن وَقتی هَنوزَنی شِمنه بیمَه، شِمَم واتَه؛ کن گِردِ چییِنی کن چمن خونِه موسی شَریعَتیکا و پَیغَمبَرون نِوِشتَه اونکا و داوودی کیتاو زَبوریکا نِوِشتَه آبَه یَه پی اَنجوم ببو.»

یوحنا 16:13

وقتی کن روح راستی کن هَه خدا روحَه با، اَ بَشِمَه بَه گِردِ حَقیقت هیدایَت بَکَیه؛ اِمی خونه کن اَ اِشتَن بَسَر گَف نیَژ، بَلکَم اَچیی کن دَرَرست باتیَه و اَ چیی ایکا کن آیَندَکارَ و اَنجوم بَه نی بَشمَه باخَبر بَکَیه.

یوحنا 7:22

موسی سنَت کَردِ حکمی شمَه آداشَه - البت اِم حکم موسی کا نِبَه بَلکَم بابااونکا بَه و شمَه موقدسَه شَنبَه روجیکا زوعَه اون سنَت بَکَرون.

یوحنا 9:29

اَمه بَموستیمون خدا موسی نَه گَف ژَشَه. ولی نِزنَم کن اِم آدَم کِرَم جِگاکا آ.»

رَسولون اَعمال 13:32

«ایسَه اَمه بَشِمَه خَشَه خَبَری بَدامون کن خدا اَ چیی ایی کن چَمَه بابا اون وَعدَش دوعَه به،

رَسولون اَعمال 2:30

داوود ایلَه پَیغمبَر بَه و اَزنیَه خدا چَیرا قَسَم هَردَشَه کن ایی نفر چَی نَتاجیکا چَی سَلطَنَتی تَختی سَردِرِ بِنشامونِه.

رَسولون اَعمال 28:23

پس روجی تَیین کَردِشون و وِرَ آدَمی چَی مَندَ جِگارا آمین تا بَی بوینن. پولوس شَوانَه روج، خدا پادیشایی خونه چَوونرا شاهیدی داشَه. اَ تَقلاش کَردَ موسی توراتینَه و پَیغَمبَرون نوشتَه اونَّه، اَوون قانع بکَرِ که عیسی قِبول بِکن.

رَسولون اَعمال 3:21

کن پی آستامون بَی قِبول بکَریَه تا اَ روجِنی کن گِردِ چییِن بنابَر اَچیی کن خدا قَدیمَه دوورَ کا گِردِ اِشتَن موقدسَه پَیغمبَرون زونینَه واتَشَه، ایتفاق دگِنِه.

نامَه، عِبرانیه نَتاجَه مسیحیونرا 11:18

هَه کن بَشون واتَه بَه: «اِشتِه اودوم ایسحاقیکا خِله بَبیَه.»

نامَه، عِبرانیه نَتاجَه مسیحیونرا 11:2

چون ایمان داشتِه خاطر بَه کن قَدیمَه آدَمون خونه چاکینَه تَریف و تمجیدِشون کردَ.

نامَه، عِبرانیه نَتاجَه مسیحیونرا 12:25

هَواسِرون ببو، گَف اَژَنی سَسیرا پشت آنِکرَ. اَیِنی کن، زَمینی سَر گَف اَژَنی گَفیرا پِشت آکَردِشون، نِشتِشونَه موجازاتیکا بَروَشتِه. پس اَگَم اَمه اَ کَسیرا کن آستامنیکا گَف بَژَی پِشت آکَرَم، چنترَ موجوازاتیکا بروَزَم؟

نامَه، عِبرانیه نَتاجَه مسیحیونرا 2:2

اِمی خونه کن اَگَم پیغومی کن فرشتَه اونَّه اییلام آبَه، ثابیت بَیه کن بَبی بی اطمینان کردِ، و هر تقصیر و نافِرمونی، جزایی کن چَی حقَّه، ویرَگِرییَه،

نامَه، عِبرانیه نَتاجَه مسیحیونرا 2:3

پس اَگَم اَمه انترَ یالَه نیجاتیکا غافل بِبَم، چِنترَ چَی جَزاکا بَروَزَم؟ اِم نیجات اَولیکا خداوندی واسیطنه اییلا آبه و چَی بَه دوملَه اَیِنی واسیطنه کن اَشون درَستَه چَمرا ثابیت بَه،

نامَه، عِبرانیه نَتاجَه مسیحیونرا 3:5

ایسَه موسی خدا کَکا ایله پاسَری شیوار وفادار به، تا اَ چییِنی سَر کن پی دومله واته ببو شاهیدی بدرِ.

نامَه، عِبرانیه نَتاجَه مسیحیونرا 4:8

اِمی خونه کن اَگَم یوشَع اَیِنِش آلاونییَه بَه، چَی به دوملَه خدا ایلَه دییَرَ روجی خونه انترَ گَف نَژَنییَه.

نامَه، عِبرانیه نَتاجَه مسیحیونرا 5:5

مسیح نی اِشتَن، بَشتَنِش کفا نِبردَ تا یاله کاهین آبو، بَسکم هَه کَسی واسیطنه تَیین آبَه کن بَی واتش: «ته چمن زوعَه ایشَه؛ اومروج، اَز بَتِه مولود آکَردِم.»

نامَه، عِبرانیه نَتاجَه مسیحیونرا 9:19

چون اَموقه کن موسی واسیطنه، شریعتی ایلَه ایلَه حکمون قامی گردِ آدَمونرا اییلام آبه، اَ موندَ اون و تَکَه اون خونیش پِگتَه و آوینَه و سِرَ پَشمنَه و زوفا بَشو خالینَه، طوماری سَر و مردومی سَردِرِ پِشَندِش