نامه غلاطیَه کلیسارا 6:3 - کتاب مقدس به زبان تالشي - گویش مرکزی

³ اِمی خونه کن اَگَم کَسی بَشتن یالَه شَخصی بِزنِه، ایسَه اِم کن واقیعَا کَسی مَبو، بَشتَن گول بَژَی.

کتاب مقدس به زبان تالشی شمالی

³ چوم اَگم ایی نفر اِشتَن چیی بِه حساب بواَرِه که نییَه، اِشتَن گول ژَنِه.

نامه غلاطیَه کلیسارا 6:3 Iomraidhean Croise

انجیل لوقا 18:11

اَ فَریسی، پامَندَ و اِشتنَّه اِنتَرَ دِوا کَردِشَه: ”خدایا، به تِه شکر بَکَم کن هِنتَه دییَر آدَمون شیوار، پتارچی و بی اینصاف و زیناکار نیمهَ و نِه حتی اِم خَراج ویگِری شیواریم.

رَسولون اَعمال 5:36

اِمی خونه کن چیمی بَه نَه، ایلَه مِرد کن چَی نوم تِئوداس بَه، پِبَه و ایدعا اَکَریَه اِشتَنرا کَسیَه، و حِدود چار صَد نَفر نی اِشتَن دووریکا جَم آکَردِش. ولی اَشون کِشتَه و چَی پِیرووِن نی گِرد نیفلَه آبین.

رومی کلیسارا نامه 12:16

یَندِنَه مودارا بکَرَ! یالَه نار مَبَه، بَسکَم دَس دَریسونَّه، شِه آمِه بکَرَ.هرگز بَشتن اَلمند مَزنَه.

رومی کلیسارا نامه 12:3

چون فِیضی خونِه کن بَمن عَطا بَه یَه، هَر کِرَمی شِمَکا باتیمَه کن بَشتَن ویشتَر از اَچییی کن هِستیرون، مَزنَه، بَلکَم هَر کَس اَ ایمانی اَندازَ کن خدا بَشِمَه بَخشِستَشَه، دِرِست قیضاوَت بکَرَ.

اوّلین نامَه قورَنتیانیرا 13:2

اَگَم پیش گویی کَردِ خنَری بدارم و بشام گِردِ رازونکا و دانایی کا سَر آگِنم، و اَگَم اِنتَرَ کامیلَه ایمانی بدارِم کن بشام کومون تِم دَروَرِم، ولی موحبت مدارِم، دَداریمَه.

اوّلین نامَه قورَنتیانیرا 3:18

هیچ کَم بَشتَن گول مَژنه. اَگَم کَسی شمَکا گَمون بَکیَه کن اِم دوورَکا حَکیمه، برزَ نادون بومونِه تا شاید کن حکیم آبو.

اوّلین نامَه قورَنتیانیرا 8:2

اَ کن گمون بَکَی چیی ایی بَموستی، هَنوزَنی اَدَ کن پی بِزنِه، نییَموست.

دوومین نامه قرنتیانیرا 12:11

اَز نافَم بیم، شمَه بَمن دیم پِنارون، اِمی خونه کن پی بمنکا تَریف اَکَریرون، چیرا کن هر چَنَه هیچیمَه، ولی اَ« یالَه رسولون» کا چیی ایی کم نِدارِم.

دوومین نامه قرنتیانیرا 3:5

نِه اِم کن اَمه اِشتَن لَیاقَت بِدارَم کن ایدعا بَکَرم چَمه بالیکا نی چیی ایی بِرِن آ، بَسکم چَمه لَیاقَت خداکارَ.

نامه غلاطیَه کلیسارا 2:6

ولی اَیِنی کن بَه نَظَر با نفوذ آین، هَر کی ایی بینَه مِرا فرقی نِکَرِ، چون خدا دَدار کَسی طَرَفی نِگِرِ، ها، اَیِن چیی ایی بَمن ایضاف آنِکَردِشون-

نامه غلاطیَه کلیسارا 2:9

پس یعقوب و کِیفا و یوحنا کلیسا سِتون بَه نَظَر آین، و اَ فیضی کن چمن نَصیب آبَه بَه ویندِشون، و بَمن و بَرنابا نَه دَست رَفاقَت آداشون تا اَمه غَیرِ یهودیون وَر بِشَم و اَیِن یَهودیون وَر.

دِوُّمین نامَه تیموتائوسیرا 3:13

ولی آوشَرَ آدَمِن و حیلَه بازِن بَدیکا بدتَر آنَّب؛ گول بَردین و گول بَژَنه.

یعقوبی نامَه 1:22

ولی کَسِنی ببَه کن خدا کلامی اَنجوم دَرِن، نه اِمکن تاکَه بَی دنَّرست؛ بَشتَن گول مَژَنَه!

یعقوبی نامَه 1:26

اَگَم کَسی گَمون بَکی دیندارَ، ولی اِشتَن زونی نِیَشا غَم هَردِ، کا بَشتن گول ژِ، چَی دینداری دَدارَ.

یوحنا اوّلین نامَه 1:8

اَگَم بِواجَم گِناخِمون کردَ نی، بَشتَن گول ژَمونَه و چَمَه دِلَکا حییقت نیَه.