نامه غلاطیَه کلیسارا 6:2 - کتاب مقدس به زبان تالشي - گویش مرکزی

² یَندِ بارون دوش آگِرَ کن اِنتَرَکِه مَسیح شَریعَتی اَنجوم بَدارون.

کتاب مقدس به زبان تالشی شمالی

² یَندی بارون بِه دوش بَکَشَه که اِنتَه مَسیح شریعتی بِه جا بواَردیرون.

نامه غلاطیَه کلیسارا 6:2 Iomraidhean Croise

مَتّی 8:17

اِم ایتفاقِن دَگِنِستینَه، تا اِنتَرَکِه آبَه تا اَ چیی ایی کن اشعَیایِ پَیغمبَری واسیطنَه واتَشون حَییقتینَه اَنجوم ببو کن: «اَ چَمه داجون پِگَتِشَه و چَمه آزارون اِشتَن دوشی سَر بَردِش.»

انجیل لوقا 11:46

عیسی واتشَه: «برامِه شِمَه حالیرا نی، اَی شَریعتی قاضییِن، اِمی خونه کن سنگینَه بارِون مردومی دوشی سَرپِنَرَ، و شِمَه حاضیر نینَّه کاریَریا حتی اَنگشتی بَی بِژَنَه.

یوحنا 13:34

ایله تازَ حکمی بَه شمَه دَرِم، و اَ اِمَه کن یَندِ موحبت بکَرَ. هَته کن اَز بَشِمَه موحبت کردِمهَ، شمه نی پی یَندِ موحبت بکَرَ.

یوحنا 15:12

«چمن حکم اِمَه کن یَندِ رَی بِدارَ، هَته کن اَز شمَه رَی دارِم.

رومی کلیسارا نامه 15:1

اَمه کن قودوریمون، پی عِجِزون تحمل بِکَرَم و اِشتَن خَشی دوملَه نِبَم.

رومی کلیسارا نامه 8:2

چون شریعَتی کن زندَگی روحَه، مسیحْ عیسادلَکا، بَشِمَه شریعَتی گِناخیکا و مَرگیکا اَراخِمونیشَه؛

اوّلین نامَه قورَنتیانیرا 9:21

اَیِنی وَریکا کن شَریعَتی حِکمی بَنیکا نینَّه، هنتَه کَسِنی شیوار بیم کن شریعَتی حِکمی بنیکا نیَه تا اَیِنی کن شَریعَتی حِکمی بنیکا نینَّه مسیح را بَدَست بوعَم، «هر چنه کن اِشتَن بی خدا شَریعَت نیمَه، بسکم مَسیح شَریعتیکا فرمون بَبَم.»

نامه غلاطیَه کلیسارا 6:5

اِمی خونِه کن هَر کَس اِشتَن باری بَبَردیَه.

اوّلین نامَه تَسالونیکی کلیسا را 5:14

اَی برا اِن، شمَکا خاشتو خازِمه کن تنبلون نصیحت بکرَ؛ ترسو اون تشویق بکرَ؛ عِجِزونرا آرَسه؛ و گِردینه صبور ببَه.

یعقوبی نامَه 1:25

اَمّا اَ کن کامیلَه شَریعَتی سَردِرِ کن شَریعت آزادیَه چَم دَشتَشَه، و درَرَست و بَی یاد بَنیَکرد بَسکم بَی اَنجوم آرادا، اَ اِشتَن کارونکا بَرکت بگَتی.

یعقوبی نامَه 2:12

پس هِنتَه کَسِنی گَف بِژَنَه و عمل بکَرَ کن بَموستین آزادی شَریعتی طبق، چَوون سَردِرِ دیوون بَبیَه،

یعقوبی نامَه 2:8

اَگَم واقیین شمَه، شاهانَه شَریعَتی، موقدسه نوشته اون اِم واتَه گفی اَنجوم بدَرَ کن باتی: «اِشتِه خَمسوعَه هِنتَه اِشتَن جانی شیوار رَی بِدا،» چاکَه کاری بَکرون.

پطروسی اوّلین نامَه 2:24

مَسیح اِشتَن، چَمه گِناخون، اِشتَن تَنینه صَلیبی سَردِرِ دوشی سَر گَتِش، تا اَمه گِناخونرا بِمِرَم وصالِح بِه خونه زندَگی بَکرم. چَی زمونَّه شفا گَتِرون.

پطروسی دومین نامه 2:21

بِیتَر اِم بَه کن اَولیکا، صالح بِه راه نِه آزنینَه، تا اِم کن آزنِستِه بَه دوملَه اَ موقدّسَه حِکمی کن چَوون دَست دوعَشونَه کا، پِشت آکَن.

پطروسی دومین نامه 3:2

تا اَ کلامی کن موقدَسه پَیغمبَرن چیمی بَه نَه واتَشون بَه، و چَمه خداوند و چَمه نیجات اَدری حِکم کن رسولون واسیطنه شِمَشون دوعَیَه، یاد آرَفنَه.

یوحنا اوّلین نامَه 4:21

اَمه اِم حِکمی اَیکا ویمونَگَت کن هَر کَس خدا رَی بداشتی، پی اِشتَن برا نی رَی بدارِ.