نامه غلاطیَه کلیسارا 3:5 - کتاب مقدس به زبان تالشي - گویش مرکزی

⁵ اَ کن خدا روح بَشِمَه آرَدا و شمَه دلَکا موعجیزَاون بَکَی، اِم کاری شریعتی اَعمالینه بَکَی یا اَ چیی ایی سَر کن دَرَستَرون، ایمان داشتِه نَه؟

کتاب مقدس به زبان تالشی شمالی

⁵ اَیی که خِدا روح آدَه شِمَه، و شِمَه دیلَه کا معجزه بَکَردی، اِم کاری شریعتی اَعمالی نه بَکَردی یا ایمان بِه اَ چیی نه که دَرَسَرونه؟

نامه غلاطیَه کلیسارا 3:5 Iomraidhean Croise

رَسولون اَعمال 14:3

پس پولوس و بَرنابا وِرَ روجِنی اَ جِگاکا مَندین و جورئَتینه خداوندی خونه گف ژِشون، خداوندی کن اَوون موعجیزَ و نَشونَه اون اَنجوم دوعِه اینجاری اَدَریَه و اِنتَرَکِه اِشتَن فِیض بَخشه پَیغومی تایید اَکَری.

رومی کلیسارا نامه 10:17

پس ایمان، پَیغومی دَرَستِه کا آ، و پَیغومی دَرَستِه، مَسیح کَلامی راه نَه آ.

رومی کلیسارا نامه 15:19

اَ اِمش، نِشونَه اون و مُعجیزَ اون اینجاری نَه، یعنی خدا روح خِنَرینَه اَنجوم دوعَشَه، هته کن اورشَلیمیکا تا شهر ایلیریکومیرا شیم، و مَسیح اِنجیلی خیدمتی کامیل اَنجوم آدامَه.

اوّلین نامَه قورَنتیانیرا 12:10

ایی نفری موعجیزَ اون اَنجوم دوعِه خِنَر آدوعَه ببیه، و دییَرَ کَسی نی پیشگویی کَردِ، و بَه دییَرَ شخصی روحون تَشخیص دوعه خِنَر. دییَر شخصی موختلیفه زبانونَّ گف ژِ و بَه دییَری موختلیفه زبانون ترجومه کردِ آنَّدا.

دوومین نامه قرنتیانیرا 10:4

اِمی خونه کن چَمه جنگِستِه اَسلحَه، جندَکی شِن نیَه، بسکَم خدا زبقی بَداشتی تا قَلَه اون نیفیت آکَرِ.

دوومین نامه قرنتیانیرا 12:12

یالَه حَقیقیَه رسولی نِشونَه اِن، وِرَ صبر و تاو وردِ نَه شمَه دلَکا دیار آبَه، نوشونَه موعجیزَ وکارِنی نَه کن اینجاری نَه دَرِ.

دوومین نامه قرنتیانیرا 13:3

اِمی خونه کن شمه اِمیرا کن مسیح چمن واسیطنَه گَف بَژَی، ثابیت کردِرا ایلَه دلیل بَپیرون. میسح شمه ناریکا عِجِز نیَه، بَلکَم شمه دِلَکا قودورَ.

دوومین نامه قرنتیانیرا 3:8

چَنَه ویشتَر، خیدمتی کن خدا روح واسیطَنه یَه، شکوه و جلالینه بَبیه.

دوومین نامه قرنتیانیرا 9:10

و اَ کن دونَه کَشاوَرزیرا و هَردِرا نون آرَدا، شمَه دونَه کَشتو کاریرا آمادَ کردشَه، بَرَکت آرَدا و شمَه صالح بِه اَکینی فرَوون بَکَیَه.

نامه غلاطیَه کلیسارا 3:2

تاکَه اَپیمَه اِمی شمَکا بزنِم: مگَم خدا روح، شریعَتی اعمالی اَنجوم دوعِه نَه ویگَتِرون، یا اَ چیی ایی کن دَرَستِرون سَر، ایمان داشتِه نَه؟

نامَه فیلیپی کلیسا را 1:19

چون بَموستیمَه کن شِمَه دِوا اونَّه و عسیای مَسیح روح کاریَرینَه، اِمِن چمن رَخِستِه باعیث بَبین،