نامه غلاطیَه کلیسارا 3:21 - کتاب مقدس به زبان تالشي - گویش مرکزی

²¹ پس یعنی شَریعَت خدا وَعدَ اون زِرَبَرایَه؟ اَصلا! چون اَگَم شَریعَتی آدوعِه آبَه بَه کن اَشایَه زندَگی بِبَخشِه، پس صالح بِه نی شَریعَتی راه نَه بَدست آی.

کتاب مقدس به زبان تالشی شمالی

²¹ بَس یعنی شریعت خِدا وعده اون ضِدَه؟ اَصلاً! چوم اَگم شریعتی آدوعَه بییَه بَه که بَشای زِندگی بِبَخشِه، بَس راس راسی صالِحی نی شریعتی راه نَه بِه دَس بومَی.

نامه غلاطیَه کلیسارا 3:21 Iomraidhean Croise

انجیل لوقا 20:16

اَ بومَیَه و اَ باغَه وونون نیفیت آرَکَرد، و انگرَ باغی دیَرَ کَسون دَست آرَدا.» وَقتی کن مردوم اِمِشون دَرَستَه واتِشون: «خدا نِکَر!»

رومی کلیسارا نامه 3:31

پس مَگَم اَمه اِم ایمان داشتِه نَه، شریعتی نیفیت بَکَمون؟ اَلبَت کن نِه! بَلکَم اَمه شریعَتی آمبَست بَکَمون.

رومی کلیسارا نامه 3:4

هرگز! حتی اَگَم گِردِ آدَمِن دِرو اَواج بِبون، خدا راستَه واجَه! هَتَه کن داوودی کیتاو مَزموریکا نِوِشتَه آبَه یَه کن: «اِمی خاطِر، وَقتی گَف بَژَش راست باتیش، و وقتی دیوون بَکَش، اِشتِه دیوون کَردِ دِرِستَه.»

رومی کلیسارا نامه 3:6

هرگز، اِمی خونه کن اَموقه خدا چِنتَرَ اَشایَه دِنیا سَر دیوون بکَرِ؟

رومی کلیسارا نامه 9:31

ولی اسرائیلی قام اَ شَریعَتی دوملَه بینَه کن اَوون صالح بِه را اَرَسوُنِه، اَمّا اَی بَدَست نِوَردِشون.

دوومین نامه قرنتیانیرا 3:7

ایسَه، اَگَم خیدمتی کن مَردِرا بَشی و کازی سَردِرِ نوشتَشونه، شکوه و جَلالینه اَیر آبَه، ایی جوری کن ایسرائیلی قام، نَشاینَه موسی صَفَتی شکوه و جلالی خونه بَی بِوینِن، هر چَنَه اَ شکوه جَلال کایبَه نیفیت آبه،

نامه غلاطیَه کلیسارا 2:17

ولی اَگَم مَسیح کا صالح بَحیساب آمه دوملَه ایمون، معلوم ببو کن گناخکاریمون، یعنی مَسیح گناخی وَزییَرَ؟ اصلا!

نامه غلاطیَه کلیسارا 2:19

اِمی خونه کن اَز شَریعَتی واسیطنَه، نسبت بَه شَریعَت مَردیم تا نسبت بَه خدا زندَگی بِکَم.

نامه غلاطیَه کلیسارا 2:21

اَز خدا فِیضی هیچ آنیمَکرد، اِمی خونِه کن اَگَم شریعَتی راه نَه صالِح بِه بَدَست آی، پس مسیح دَدار مَردَ.

نامه غلاطیَه کلیسارا 6:14

مبو کن هَرگز اَز چیی ایی غَیراَز چَمَه خداوند عیسی مَسیح صلیبی خونه ایفتخار بِکم، کن چَی خونِه، دِنیا مِرا مصلوب آبَه و اَز دِنیارا.

نامَه، عِبرانیه نَتاجَه مسیحیونرا 11:7

ایمان داشتِنَه بَه کن نوح، هَنگومی کن اَ چییونی خونه کن هنوزنی کَسی اَیِنِشون ویندَ نِبَه، خدا طَرَفیکا با خبر آبه، خدا ترسینَه اِشتَن کَه آدَمون نیجات دوعه خونه کشتی سِی آکَردش. و اِنترَکه دِنیاش مَحکوم کردَ و اَ صالح بِه ایی کن ایمان داشتِنَه بَدَست بومَیَه، وارِث آبَه.

نامَه، عِبرانیه نَتاجَه مسیحیونرا 7:18

اِمی خونه کن ایی طَرَفیکا قَدیمه حِکم، اِمی خاطر کن عِجِز بَه خونه کنارِشون نوعَه به،

نامَه، عِبرانیه نَتاجَه مسیحیونرا 7:19

اِمی خونه کن شریعَت هیچ چیی ایی ایش کامیل آنِکَردَ. ولی اَوَریکا چاکَه اومیدی اَمَش آمونِسته کن چَی واسیطنَه خدا کا نِزِک آبَم.