نامه غلاطیَه کلیسارا 3:16 - کتاب مقدس به زبان تالشي - گویش مرکزی

¹⁶ ایسَه، ابراهیم و چَی اودومی وَعدَ اون آداشون. نیَه وات «اودومونرا» اینگار کن خَیلیون خونه اَ، بَسکَم باتی «اِشتِه اودوم» کن چَی منظور مسیحَه.

کتاب مقدس به زبان تالشی شمالی

¹⁶ حِسَه، وعده‌ اِن بِه ابراهیم و چَیی نَسلی آدوعَه بییَه. نِواجِه «و بِه نَسلون،» اِنگاری که وِر کَسون درباره بِبو، بَلکَم بَواتی «اِشتِه نَسلی،» که منظور مسیحَ.

نامه غلاطیَه کلیسارا 3:16 Iomraidhean Croise

مَتّی 1:1

عیسی مسیح بونجوق، کن داوودِ پادیشا و ابراهیم پَیغَمبری نَتاجیکا بَه، اِمَه.

انجیل لوقا 1:55

هَته کن چَمَه بابا اون، یعنی اِبراهیمِه پَیغَمبَریرا و چَی اودومیرا وَعدَ آدوعَش بَه کن تا ابَد اِم کاری بکَرِ.»

رَسولون اَعمال 3:25

و شِمَه پَیغمبَرون خِردَنِنیرون و اَ عَهدی کن خدا شِمَه بابا اونَّه دَبَستِش، وارِثیرون. اَ موقه کن ابراهیمیش واتَه: ”اِشتِه اودومی واسیطنَه آدَمِنی کن زَمینی سَردِرِ مندین گِرد بَرَکَت بَگتینَه.“

رومی کلیسارا نامه 12:5

پس اَمه نی کن خَلیی ایمون، مَسیح دِلَکا ایلَه جَندَک هِستیمون و ایلَه ایلَه، یَندِ اَعضا ایمون.

رومی کلیسارا نامه 4:13

چون شَریعَتی راه نَه نِبَه کن ابراهیم و چَی اودمیشون وَعدَ دوعَه کن دِنیا واریث بَبینَه، بَسکم اَ صالِح بِه راهکا اَ، کن ایمان داشتِه سَردِرِ آمبَستَه.

رومی کلیسارا نامه 4:16

اِمی خاطِر، وَعدَ، ایمان داشتِه واسیطَنه آ، تا فیضی سَردِرِ آمبَست ببو و ابراهیمی گِردِ اودومیرا ضیمانت ببو، یعنی نِه تاکَه اَیِنیرا کن شَریعَتیکا ایطاعَت بَکَن، بَلکَم اَینیرا کن ابراهیمی ایمانیکا ایطاعت بَکنَه نی هِستَه، کن چَمَه گِردی دَدَیَه.

رومی کلیسارا نامه 9:4

اَیِن ایسرائیلی‌اینَه و اَگیَه زوعَه گیری، شکوه وجلال، عَهدِن، شریعتی اَیِنِشون دوعه، پرستش و وَعدَ اِن، گِردِ اِمِن چَوون شِنَه؛

اوّلین نامَه قورَنتیانیرا 12:12

اِمی خونه کن هر چَنَه تَن ایلَه یَه، و وِرَ عضوونکا سی آبَیَه؛ و تَنی گِردِ عوضوِن، هر چَنه وِرین، ایلَه تَنین. مَسیح نی اِنتَرَیه.

اوّلین نامَه قورَنتیانیرا 12:27

اِنتَرکِه، شمه مَسیح تَنیرون و هَر کِرَم ایلَه بَه ایلَه، چَی عوضویکا هِستیرون.

دوومین نامه قرنتیانیرا 11:22

اَیِن عِبرانی اینَه؟ اَز نی هِستیم، اَیِن ایسرا ئیلی این؟ اَز نی هِستیم، اَیِن ابراهیمی خردَنین؟ اَز نی هِستیم،

نامه غلاطیَه کلیسارا 3:19

پس شَریعَتی منظور چِه بَه؟ شَریعَت تقصیرون خونِه ایضاف آبَه، اَ نی تاکَه تا زَمانی کن اَ «اودوم» کن اَ وَعَدَ بَی ایشا اَکَریَه، با. شَریعَت فرشتَه اون واسیطَنَه و ایلَه واسیطَه گَری بالینَه برقرار آبَه.

نامه غلاطیَه کلیسارا 3:8

و موقدسَه نوشتَه نارتَر ویندِشَه کن خدا، غَیرِ یهودیون ایمان داشتِه خونه صالح بَحیساب بوعردیَه، اِمی خاطِر، نارتَر ابراهیمی خشَه خبَرِش اییلام کردَ و واتِش: «گِردِ قامِن اِشتِه خونِه بَرَکت بَویندینَه.»

نامَه اَفسوسی کلیسارا 5:32

اِم راز، برک یالَه- و اِمی کن اَز باتیم مسیح و کلیسا خونه اَ.

نامَه کُولُسی کلیسا را 2:19

اِنتَرَ آدَم دِ سَری دَنییَچکِست؛ اَ سَری کن گِردِ تن بَیکا جان بَگَتییَه و چَتوَرون و بَندون واسیطنَه یَندِ نَه غَمِشون هردیَه، و هَتَه کن خدا بَپیشَه پِرَرا.

نامَه کُولُسی کلیسا را 3:11

اِم تازَ اینسانیکا، نِه یونانی یا یهودی، نِه سِنَت بَه یا سِنت آنِبَه، نِه بَربَر یا سُکایی، نِه وَزییَر یا آزاد دِ معنی ایی نیشَه، بَسکم مسیح همَه چییَه و گِردی دِلَکارَ.