نامه غلاطیَه کلیسارا 3:11 - کتاب مقدس به زبان تالشي - گویش مرکزی

¹¹ ایسَه معلومه کن هیچ کَس شَریعَتی واسیطنه خدا وَر صالح بَحیساب نا، چون «صالح ایمانینَه زندَگی بَکَیه.»

کتاب مقدس به زبان تالشی شمالی

¹¹ حِسَه مَعلومَه که هیچکس شریعتی واسطه نَه خِدا وَری کا صالح حساب نییَب، چوم «صالحَ آدَم ایمانی نَه زِندگی بَکَردی.»

نامه غلاطیَه کلیسارا 3:11 Iomraidhean Croise

رومی کلیسارا نامه 1:17

اِمی خونه کن اِنجیلی دِلَکا، اَ صالِح بِه ایی کن خدا شِنَه دیار آرَبن، کن شِروو کا تا آخیر ایمان داشتِه سَردِرِ آمبستَه. هَتَه کن حَبَقوق پَیغَمبَری کیتاویکا نِوِشتَه آبَه یَه کن: «صالیحَه آدَم ایمان داشتِه نَه زندَگی بَکَیَه.»

نامه غلاطیَه کلیسارا 2:16

اَمه بَموستیمون کن اینسان شَریعَتی اَعمالینَه صالِح بَحیساب نا، بَسکَم عیسی مَسیح ایمانینَه صالح بَحیساب آ. پس اَمه اِشتَن نی مَسیح عیسی سَر ایمان وَردِمون تا مَسیح سَر ایمان داشتِه نَه صالح بَحیساب بِرَم، نِه شَریعَتی اَعمالینَه، اِمی خونِه کن هیچ اینسانی شَریعتی اَعمالینَه صالح بَحیساب نا.

نامَه، عِبرانیه نَتاجَه مسیحیونرا 10:38

ولی چمن صالحه آدَم، ایمان داشتِه نَه زیندَگی بَکَی. و اَگَم بَمن پِشت آکَرِ، چمن جان بَیکا راضی آنییَبِن.»

یعقوبی نامَه 1:27

پاجا و خالیصه دینداری چَمَه دَدَ، خدا چَمیکا اِمه، کن صَقِرون و ویوَ ژِنون غَرّی موقِه آرَستِه و بَشتَن اِم مَچمَه دِنیاکا رَت آکَردِ.

یعقوبی نامَه 3:2

چون اَمه گِرد وِرَ راهون دلَکا خَطا بَکمون. اَگَم کَسی اِشتَن گَف ژِ کا خَطا نِکرِ، کامیلَه اینسانیَه و بَشایَه گِردِ اِشتَن تنی ناری گَته.

یوحنا موکاشیفَه 5:9

و اَیِن تازَ سِرودی اَخونینَه کن اَواجیَه: «تِه اَ طوماری ویگَتِه و اَ موهرون چاکنسِه لَیاقتی داری، اِمی خونه کن تِه قربونی آبیشَه، و اِشتِه خونینَه آدَمون، هر طایفه و زبان و مردوم و میلَّتیکا، خِدارا خِریرَ؛