نامه غلاطیَه کلیسارا 1:4 - کتاب مقدس به زبان تالشي - گویش مرکزی

⁴ کن اِشتَن جانی چَمَه گِناخون راکا آداشَه تا خدا و چَمَه دَدَ ایرادنَه، اِم آوشَرَ زَمونَه کا بِراخنِه.

کتاب مقدس به زبان تالشی شمالی

⁴ که اِشتَن جانی چَمَه گناه اون راه کا آدوشَه، تا اَمَه، خِدا اِراده نَه و چَمَه دَده، اِم شَرَه دورانی کا رهایی بِدَه.

نامه غلاطیَه کلیسارا 1:4 Iomraidhean Croise

مَتّی 13:22

دونه ایی کن چغون دِلَه برگِنستَه، کسیَه کن خدا کلامی دَرَرَست ولی اِم دِنیا تَفشیش و دِنیا مالی وَسوسَه، خدا کلامی خفه آرَکَرد و بَی بَرَ بَکَی.

مَتّی 20:28

اِمی خونه کن حتی اینسانی زوعَه نی آمَه نی تا بَی خیدمَت بِکَن، بَلکَم آمَه تا خیدمَت بکَرِ و اِشتَن جانی خَیلیون رَخِستِه خونه فِدا بکَرِ.»

مَتّی 26:28

چون اِم چمن خونَه کن اِم تازَ عَهدی بَینَه موهر بَکَم. چمن خون ویرَب تا خَیلی آدَمون گِناخ بَخشیدَ آبو.

مَتّی 26:42

عیسی دِوومین کَرَرا شَه و دوا کردشَه و واتش: «چمن دَدَ اَگَم ایمکانِش نییَه کن تا اِم گولَه مَنجِم بَمنکا بِگذِرِ، پس اَچیی کن اِشتِه ایرادَ یَه اَنجوم ببو.»

مَتّی 6:9

«پس شمَه اِنتَرَکه دوا بکَرَ: «چَمه آستامونیَه دَدَ، اِشتِه نوم موقدّس ببو.

مَرقُس 10:45

اِمی خونه کن حتی اینسانی زوعَه نی آمَه نی تا بَی خیدمَت بِکَن، بَلکَم آمَه تا خیدمَت بکَرِ و اِشتَن جانی خَیلیون رَخِستِه خونه فِدا بکَرِ.»

انجیل لوقا 22:19

چَی بَه دوملَه نونِش پِگَتَه، شکر کَردِ بَه دوملَه پزارنِستِش و اَیِنِش آدوعَه و واتِش: «اِم چمن تَنَ کن شمَه خونِه آدوعَه بَبی؛ اِم کاری چمن یادیرا اَنجوم بِدَر.»

انجیل لوقا 22:42

واتش: «اَی دَدَ، اَگَم اِشتِه ایرادَیَه، اِم عذابی گولَه بَمنکا رَت آکَه؛ با اِم وِجود اَ چیی کن من بپی مبو، بَسکَم اَ چیی ببو کن کن ته بَپیرَ.»

یوحنا 10:11

«چاکَه شونَه اَزیمَه. چاکَه شونَه اِشتَن جانی پَسونرا دَرِ.

یوحنا 12:31

ایسَه، اِم دِنیا سَر دیوون کَرد وَقتَه؛ ایسَه اِم دِنیا رَئیس کن شَیطونَه بِرِن بَنَّفند.

یوحنا 5:30

اَز اِشتَنکا کاری نمَشا کَردِ، بَلکَم هَتَه کن دَمَرَست دیوون بَکَم وچمن دیوون کَردِ عادیلانه یَه، اِمی خونه کن اِشتَن خاستَه دوملَه نیمَه، بَلکَم چمن رَونَه آکَری ایرادَ دوملَه ایمَه.

یوحنا 6:38

اِمی خونه کن آستامونیکا ویرمَه نیمَه تا اِشتَن خاستَه اَنجوم بِدرم، بَلکَم آمَه ایمَه تا دَدَ خواستَه کن بَمِنِش رَونَه آکَردیَه اَنجوم بدَرم.

رومی کلیسارا نامه 1:7

گِردِ اَیِنیرا کن شهر رومیکاینَه و خدا خاجَتی اینَه و اَیِنِشون صَلا ژَیَه تا موقدَسونکا آبون: فیض و صلح سلامتی، چَمَه دَدَ، خدا وَریکا، و خداوند عیسی مسیح طَرَفیکا شِمَرا ببو.

رومی کلیسارا نامه 12:2

و دِ هنتَه اِم دِنیا شیوار مَبَه، بَسکَم اِشتَن فکری تازَ آبِه نَه عَوَض آبَه. اَموقه خدا ایرادَ فَهمِستِه بَشارون؛ خدا دِل پیستَه و کامیلَه ایرادَ.

رومی کلیسارا نامه 4:25

اَ کن چَمه گِناخون خونِه مَرگی تَسلیم آبَه و چَمَه صالح بَحیساب آمِه خونِه، مَردَاونکا زندَ آبَه.

رومی کلیسارا نامه 8:27

و اَ کن دِلون دِلَه بَگَردِستیَه، روح فِکری بَموستیَه، چون کن روح، خدا ایرادَنَه موقَدَسونرا شَفاعَت بَکَی.

رومی کلیسارا نامه 8:3

چون اَ چیی ایی کن شَریعَت، اینسانی جندَکی عِجِز گیری خونه نَشایَه اَنجوم دوعِه، خدا اَنجوم داشَه. اَ اِشتَن زوعَه گِناخ کارَ جندَکی شیوار عَندِشَه تا گِناخیرا قِربونی ببو و اِنتَرَکِه اینسانی جَندَکی دِلَکا، گِناخیش محکوم کردَ،

رومی کلیسارا نامه 8:32

اَ کن اِشتَن زوعَه دَریغ نِداشتِش، بَلکَم بَش چَمَه گِردی راکا فدا کَردِش، بَبیَه گِردِ چییون دستو دیلبازینَه اَمه آنِدَرِ؟

اوّلین نامَه قورَنتیانیرا 15:3

اِمی خونه کن اَز موهیم ترین چیی ایی کن بَمن آرَستَه، شِمَرام اییلام کردَ: اِم کن مسیح هَتَه کن موقدسَه نوِشتَه اونکا آمیَه، چَمه گَناخون راکا مردَ،

دوومین نامه قرنتیانیرا 4:4

اِم زَمونه خدا بی ایمانون فکری کورآکَردَشه تا مسیح اِنجیلی شکوه و جلالی نوری کن خدا صَفَتَه، نِوینِن.

نامه غلاطیَه کلیسارا 2:20

اَز مَسیح نَه صَلیبی سَر مَصلوب آبیم، واِم دِ اَز نیمَه کن زندَگی بَکَی؛ بَلکَم مَسیحَه کن چمن دِلَکا زندَگی بَکَی؛ و اِم زَندَگیی کن ایسَه جَندَکیکا دارِم، خدا زوعَه سَر ایمان وَردِ خونِه یَه کن بَمن رَی داری و اِشتَن جانی مرا آداشَه.

نامه غلاطیَه کلیسارا 6:14

مبو کن هَرگز اَز چیی ایی غَیراَز چَمَه خداوند عیسی مَسیح صلیبی خونه ایفتخار بِکم، کن چَی خونِه، دِنیا مِرا مصلوب آبَه و اَز دِنیارا.

نامَه اَفسوسی کلیسارا 1:11

اَمه نی چَی دلَکا واریثِن آمونَب، اِمی خونه کن چَی خواستنَه کن هَمه چییون اِشتَن ایرادَ واتنَه اَنجوم دَرِ، ناردَکَر تَیین آبَه بیمون.

نامَه اَفسوسی کلیسارا 2:2

و زمانی چَوون دِلکا زندَگی اَکَریرون، اموقه کن اِم دِنیا راه اونکا و هوا زبقی رئیسیکا، یعنی اِبلیسییکا پیروی اَکَریرون، هه روحیکا کن هِم ایسَه نی نا فِرمونی خِردَنونکا عمل بَکَی.

نامَه اَفسوسی کلیسارا 5:16

اِم وقتی کن دارَ قدری بزنَه، اِمی خونه کن اِم روجِن بَدَ روجِنی هِستینَه.

نامَه اَفسوسی کلیسارا 5:2

و موحبتینه رفتار بکرَ، هته کن مسیح نی اَمَش موحبَت کردَ و اِشتَن جانی، هنته ایلَه قِربونی و عَطرینَه خَلایی شیوار خدارا تقدیم کردش.

نامَه اَفسوسی کلیسارا 6:12

اِمی خونه کن چَمه جَنگِستِه جندَک و خونینَه یعنی اینسانینَه نیَه، بَسکم اَمه ریاسَتون زرَبَرا، زبقون زرَبرا، و اَ ظلَماتی اینجاری زرَبرا کن اِم دِنیا سَردِرِ حاکیمینَه، و آوشَری روحانیَه لَشکری زربَرا، کن آستامونییَه جگا اونکا ینَه، بَجَنگِستیمون.

نامَه فیلیپی کلیسا را 4:20

خدا و چَمَه آستامونیَه دَدَ را تا اَبَد شکوه و جَلال ببو. آمین.

اوّلین نامَه تَسالونیکی کلیسا را 1:3

شمه کارون کن ایمانیکا اَ و زمَتی کن موحبتی دلَکا کَشتَرون و شمه آمبَست بِه اومیدیکا، کن چَمَه خداوند عیسی مسیح کا اَ، خدا و چَمه آستامونیَه دَدَ ناریکا یاد آمونَفَند.

اوّلین نامَه تَسالونیکی کلیسا را 3:11

ایسَه چَمَه دَدَ، خدا اِشتَن، و چَمَه خداوند عیسی، چَمَه راه شمَه طَرفیرا درَراکنِست.

اوّلین نامَه تَسالونیکی کلیسا را 3:13

و شمه دلون آمبَست آکَرِ تا اَموقه کن چَمَه خداوند عیسی گردِ اِشتَن موقدَسونَّه آ، چَمَه آستامونیَه دَدَ، خدا حَضوریکا، بی عَیب و موقدَّس ببَه.

دوّمین نامَه تَسالونیکی کلیسا را 2:16

ایسَه چَمَه خداوند عیسی مسیح اِشتَن و چَمَه دَدَ خدا، کن اَمه رَی دارییَه و فیضی واسیطنَه اَمَش زَیرونَه آلاویستِه و و چاکَه اومید آداشَه،

اوّلین نامَه تیموتائوسیرا 2:6

اَ کن اِشتَن جانی دوعِه نَه، گردِ آدَمون، خونَه پولی آداشَه. اِم حَییقَتی سَر، موناسیبَه موقه کا شاهیدیشون دوعَه،

نامَه تیتوسیرا 2:14

کن چَمرا اِشتَن جانی آداشَه تا هر آوشرَ چیکا اَمه بِراخمونِه و اِشتَنرا پاجا اَ قامی سِی آکَرِ کن چَی اِشتَن شِن ببون، کن چاکَه کاریرا غَیرَت بِداشتین.

نامَه، عِبرانیه نَتاجَه مسیحیونرا 2:5

اِمی خونه کن خدا، اَ دنیایی کن آ و اَمه اَیکا گَف بژَمون، فرشتَه اون فِرمون آنِکردِش.

نامَه، عِبرانیه نَتاجَه مسیحیونرا 6:5

و خدا کلامی چاکی مزَ و آیندَ دوورَ زِبقون مزَ چَشتِشونَه،

نامَه، عِبرانیه نَتاجَه مسیحیونرا 9:14

چَنَه ویشتَر، مسیح خون کن اَ زَیرونَه روح واسیطنَه، بَشتَنِش بی عَیب، خدارا تقدیمِش کردَ، چَمَه ووژدانی دَدارَ کارونکا پاجا بَکَی تا بشوعَم زندَ خدا خیدمت بکرم.

یعقوبی نامَه 4:4

اَی زیناکارِن، نینَّزنی دِنیا نَه رَفِق گیری، خدا نَه عَدابَت کَردِ یَه؟ پس هَر کَم دِنیا نه رفق گیری دوملَیه، بَشتَن خدا غَنیم بَکَی.

پطروسی اوّلین نامَه 2:24

مَسیح اِشتَن، چَمه گِناخون، اِشتَن تَنینه صَلیبی سَردِرِ دوشی سَر گَتِش، تا اَمه گِناخونرا بِمِرَم وصالِح بِه خونه زندَگی بَکرم. چَی زمونَّه شفا گَتِرون.

پطروسی اوّلین نامَه 3:18

اِمی خونه کن مسیح نی ایکَرَ گناخون خونه عذابِش کَشتَه، یعنی اَ صالِح، غَیرِ صالِحون خونِه، تا اَمه خدا وَر بوعَرِ. اَ جَندَکیکا مَردَ، ولی روح دِلَکا، زندَ آبَه،

یوحنا اوّلین نامَه 2:2

عیسی چَمَه گِناخون کَفّارَ یَه، نِه تاکَه چَمَه گِناخونرا، بسکم دِنیا گردِ گناخونرا.

یوحنا اوّلین نامَه 3:16

مُحَبَتی اَ جِگاکا آموجِمون گتَه کن اَ، اِشتَن جانی چَمَه راکا آناشَه، و اَمه نی پی اِشتَن جانی برا اون راکا بِنَرَم.

یوحنا موکاشیفَه 1:5

و عیسی مسیح طَرَفیکا، اَ اَمینَه شاهید کن اولین کَسی بَه کن مردَاون دلَکا زندَ آبَه و دِنیا سَردِرِ پادیشاهون حاکیمَه. اَ کن اَمه رَی بداشتی و اِشتَن خونینَه، اَمَش چَمَه گِناخونکا اَراخِمونیَشَه،

یوحنا موکاشیفَه 5:9

و اَیِن تازَ سِرودی اَخونینَه کن اَواجیَه: «تِه اَ طوماری ویگَتِه و اَ موهرون چاکنسِه لَیاقتی داری، اِمی خونه کن تِه قربونی آبیشَه، و اِشتِه خونینَه آدَمون، هر طایفه و زبان و مردوم و میلَّتیکا، خِدارا خِریرَ؛

یوحنا موکاشیفَه 7:9

چَی بَه دوملَه اَز دَیشتِمه و بوین، برکَه یالَه کاولَه ایی هر میلَّت و طایفَه و قام و زَبانیکا کن هیچ کَم نَشایَه اَوون اَشمَردِ، گِرد، اَ تخت و وَرَ ناریکا پا مند بینَه. اَیِن گِرد ایسبیَه رَدا دَکَردشون بَه و خِرما داری بَشو خالی اِشتَن بالیکا دارین.