نامه غلاطیَه کلیسارا 1:23 - کتاب مقدس به زبان تالشي - گویش مرکزی

²³ اَیِن تاکَه دَرَستَشون بَه و اَواجینَه: «اَ مِردی کن چیمی بَه نَ اَمه اَیذَت آزار اَکَریَه، ایسَه هَه ایمانی اییلام بکَیه کن گِذَشتَه کا چَی نیفیت آکَردِرا تَقلا اَکَریَه.»

کتاب مقدس به زبان تالشی شمالی

²³ اَوِن فقط دَرَسَشون بَه که بَواتین: «اَ مِردی که پیشتَر اَمَه اَذیت آزار بَکَردی، حِسَه هَ ایمانی موعظه بَکَردی که قبلا کَمر دَوستش بَه اَیی نابود آکَرِه.»

نامه غلاطیَه کلیسارا 1:23 Iomraidhean Croise

رَسولون اَعمال 19:13

پس چَن گِلَه یَهودیَه دورِگَرد کن جِن گیر بین تَقلا کَردِشون تا عیسای خداوندی نومی، کَسِنیرا کن پَلیدَ روح دارین، بوخونِن. اَیِن اَواجینَه: «بَه اَ عیسی کن پولوس کا اییلام کردِ بَشِمَه قَسَم دَرَم! »

رَسولون اَعمال 6:7

پس خدا کَلام هَمه جِگاکا پخش آرَبیَه و شاگِردون تعداد اورشَلیمیکا خَیلی ویشتَر آبَه و یالَه کاولَه ایی یهودی کاهینونکا نی ایمان وردشون.

رَسولون اَعمال 9:13

ولی حَنانیا جوابِش دوعَه: «خداوندا، خَیلیونکا اِم مِردی خونِه دَرَستَمَه کن اِشتِه موقدسون اورشَلیمیکا اَیذَت آزار کَردَشَه،

رَسولون اَعمال 9:20

اَ، جَخت یهودیون عیبادَتگا کا اِم پَیغومی اییلام کَردِ شِروو کَردِشَه کن، عیسی خدا زوعَه یَه.

رَسولون اَعمال 9:21

هَر کَم چَی پَیغومی دَرَرَسی حَیرون آرَبیَه و اَواجی: «مَگَم اِم هَه نیَه کن اورشَلیمیکا، اَیِنی دِلَکا کن عیسی نومی خِلِه بَکَن خَرا خِلِه راست آرَکَریَه، و اِم جِگارا آمَه تا اَوون ویلاخنِه و سَران کاهِنون وَر بِبَرِ؟»

رَسولون اَعمال 9:26

وَقتی شائول اورشَلیمیرا آرَستَه، اَپیش بَه شاگِردون آگِنِه، ولی گِرد اَیکا اَتَرسینَه، اِمی خونِه کن باوَر نَکَرینَه اَ واقییَن عیسی شاگِرد آبَه ببو.

نامه غلاطیَه کلیسارا 6:10

پس تا فرصت دارَم گِردِ آدَمونرا چاکی بِکَرَم، بَخِصوص اَیِنیرا کن مسیح سَر ایمان بَداشتینَه.