نامَه اَفسوسی کلیسارا 6:9 - کتاب مقدس به زبان تالشي - گویش مرکزی

⁹ اَی اربابِن، شمَه اِشتَن وَزییَرونَّه هِنترَکه رفتار بکرَ، و چَوون تهدید کردِکا دست پِگِرَ، چون بَموستیرون اَ کن هِم چَوون اَربابَه و هِم شمَه اَرباب، آستامونیکارَ، و اَ هیچ کَسی سَردِرِ فرق نیَه نا.

کتاب مقدس به زبان تالشی شمالی

⁹ اِی اَربابِن، شِمَه نوکَرون نَه هِنتَه رفتار بِکَرَه، و چَوون تهدید کَردِه کا دَس پِگِرَه، چوم بَزنیرون کسی که هَم شِمَه اَرباب و هَم چَوون اَربابَه، آسِمونی کایَه، و اَ هیچکسی را فرقی نِنَه.

نامَه اَفسوسی کلیسارا 6:9 Iomraidhean Croise

مَتّی 22:10

پاسَرییِن جَدَ اونرا شینَه و هر کمی اَوینین چه چاک و چه بد، اِشتنَّ وَردشونه و وَییو اَوَری تالار مِیمانینَ پَتلَمَه آبه.

مَتّی 22:8

چَی بهَ دوملَه اِشتَن پاسَریون واتِشَه: ” وَییو اَوَری جَشِن آماد یَه، اَمّا اَیِن کن صَلا ژَمون بهَ اَ جگا آمِه لَیاقَتی نِدارین.

مَتّی 24:48

اَمّا اَگَم اَ پاسَری، آوشَر ببو و اِشتَنَه بِواجِه کن. ”چمن اَرباب عَری آکَردَشه،“

مَتّی 24:51

و بَی وَصَطیکا پِرَزارنست، و دِ سَرَ کَرچَنگون جِگاکا آرَفند، جگایی کن بِرَمِستِه و گاز گازی سَرسونیستِه بَبیَه.

مَتّی 7:12

پس مردومینَه هَته رفتار بکَرَ کن بَپیرونَه شمَه نَه رفتار بکَن. اِمَه تورات و پَیغَمبَرون نوشتَه اِن خولاصَه.

انجیل لوقا 6:31

مَردومینه هَته رفتار بکَه کن بَپیرونهَ اَیِن شمه نَه رفتار بکَرِن.

یوحنا 13:13

شمه بَمن اِستا وآقا خِلِه بکَرون و درست نی باتیرون، اِمی خونه کن هِستیمَه.

رَسولون اَعمال 10:34

چَی به دوملَه پِطروس اِنتَرَکِه دَمندَ گَف ژِ: «ایسَه سَر آگِنیم کن واقییَن خدا آدَمون دِلَکا فَرق نیَه نا؛

رومی کلیسارا نامه 2:11

اِمی خونِه کن خدا فَرق نیَه نا.

اوّلین نامَه قورَنتیانیرا 1:2

خدا کلیسارا کن شهر قورنتوسیکارَ، و اَیِنی کن مَسیح عیساکا تَقدیس بَه اینه و اَیِنشون صَلا ژَیه تا یندِنه موقَدس ببون، گِردِ اَیِنی نَه کن هر دییَرَ جِگاکا چَمه خداوند عیسی مسیح نومی خِلِه بَکَن، کن چَمه خداوند و چَوون خِداوندَ:

اوّلین نامَه قورَنتیانیرا 7:22

چون اَ کن خداوندی طَرفیکا وَزییر گیری را صَلا گِنَه، خداوند بَی راخنیَه شَه. و هَته نی، اَ کن رَخِستِه موقه صَلا گِنَه، بَشتَن مَسیح وَزییَر آکَردشَه.

نامَه کُولُسی کلیسا را 3:25

اِمی خونه کن هَر کَم بدی بکَرِ، اِشتَن بدَ کاری عَوَضی بوَیندیَه و هیچ فرقی نییَه.

نامَه کُولُسی کلیسا را 4:1

اَی اَربابِن، اِشتَن وَزیَرونَّه عدل اینصافینَه رَفتار بکَرَ، چون بَموستیرون کن آستامونیکا شِمَرا نی اَربابی هِستَه.

یعقوبی نامَه 2:13

اِمی خونِه کن دیوون اَ کَسیرا کن رحم کَردَش نیَه، بیرحم بَبیَه. رحم، دیوونی سَردِرِ حریف بَبیَه!

یعقوبی نامَه 2:8

اَگَم واقیین شمَه، شاهانَه شَریعَتی، موقدسه نوشته اون اِم واتَه گفی اَنجوم بدَرَ کن باتی: «اِشتِه خَمسوعَه هِنتَه اِشتَن جانی شیوار رَی بِدا،» چاکَه کاری بَکرون.

یعقوبی نامَه 5:4

ایسَه اَ کاریگَرِنی کن شِمَه زمینونکا دورنوستَشونَه، و شِمَه حیلَنَه چَوون مِژدی آنِدارون، شِمَه زِرَبَرا لَسَّه بَژَن. و اَدورنون لَسَّه، لَشکَرون خداوندی گوش آرَستَه یَه.