نامَه اَفسوسی کلیسارا 6:8 - کتاب مقدس به زبان تالشي - گویش مرکزی

⁸ اِمی خونه کن بَموستیرون هر کَم چاکی بکرِ، چَی عَوضی خداوندیکا ویرَگَت، چه وزییَر ببو چه آزاد ببو.

کتاب مقدس به زبان تالشی شمالی

⁸ چوم بَزنیرون هَر کسی که چاکَه کار بِکَرِه، چَیی عوضی خِداوندی کا ویگِرِه، چِه نوکر بِبو، چِه آزاد.

نامَه اَفسوسی کلیسارا 6:8 Iomraidhean Croise

مَتّی 16:27

«اِمی خونه کن اِینسانی زوعَه اِشتَن آستامونیَه دَدَ جَلالیکا واِشتن فرشتَه اونَّه بومَیَه و اَ زَمانیکا هَر کَسی چَی کَردَ کارون شیوار عَوض دَرِ.

مَتّی 20:7

جواب داشون: اِمی خونه کن هیچ‌ کَسی اَمه مژدیرا نِگَتشَه.“ باغَه صاحیب اَیِنِش واتَه: ”شمَه نی چمن اَنگِرَ باغیرا بشَه و کار بکَرَ.“

مَتّی 5:12

خَش بِبَه و خَشی بکَرَ اِمی خاطیرکن شمه پاداش آستامونیکا یالَه. چیرا کن هِن تَرَکه، پَیغمبَرنی کن شمه کا نارتَر بینه نی اَیذت آزار کَردشون.

مَتّی 6:1

«حَواسِرون ببو کن اِشتَن چاکه کارون مردمی چَمون نَ کا اَنجوم نِدَرَ، اِم قَصدینَه کن شمَه بِوینن و بَشِمکا تَریف بِدرِن، اِمی خونه کن اَموقه، دِ شمه آستامونیَه دَدَ وَریکا پاداشی نینَّداشت.

مَتّی 6:4

تا اِشتِه آرَستِه نونَکِه ببو؛ اَموقه اِشتِه آستامونیَه دَدَ کن نونَکِه چییون بَویندیَه، بَه تِه پاداش آرَدا.

انجیل لوقا 14:14

کن بَرَکَت بَگَتیشَه؛ اِمی خونه کن اَیِن نینَّشا اِشتِه کاری عَوَضی بَتِه بِدَرن، وتِه اِشتِه کاری عَوَضی، روجیکا کن صالِحَه آدَمِن زِندَ آبون ویشَگَت.»

انجیل لوقا 6:35

اَمّا شمه، اِشتَن غَنیمون موحبت بکرَ، چَوون سَردِرِ چاکی بِکَرَو اَوون قَرض آدَرَ، بی اِمکن چَی پس ویگَتِه اینتیظاری بِدارَ، کن شمه اَجر یال بَبیَه، وخدایِه متعالی، خردنِن بَبیرون، اِمی خونِه کن خدا ناشُکرو آوشرَ آدَمونَّه مِرَبانَه.

اوّلین نامَه قورَنتیانیرا 12:13

اِمی خونه کن اَمه گِرد، چِه یهود و چِه یونانی، چِه وَزییَر و چِه آزاد، ایلَه روح نَه غسل تَعمید گَتَمونَه تا ایلَه تَن ببَم؛ و اَمه گِردی ایلَه روح کا هِنجامونیَشونه.

دوومین نامه قرنتیانیرا 5:10

اِمی خونه کن اَمه گِرد پی مَسیح دیوون کَردِ تختی نَه کا حاضیر آبَم، تا هَر کَم اِشتَن چاکَه کارون یا بَدَ کارونی کن اِشتَن تَنیکا زندَگی اَکَریَه اَنجوم دوعَشه، سزا بوینِه.

نامه غلاطیَه کلیسارا 3:28

دِ نِه یَهودی مَعنی دارِ نِه یونانی، نِه وَزیَر نِه آزاد، نِه مِرد نِه ژِن، اِمی خونِه کن شِمَه گِرد مَسیح عیسی دِلَکا ایلَه اییرون.

نامَه کُولُسی کلیسا را 3:11

اِم تازَ اینسانیکا، نِه یونانی یا یهودی، نِه سِنَت بَه یا سِنت آنِبَه، نِه بَربَر یا سُکایی، نِه وَزییَر یا آزاد دِ معنی ایی نیشَه، بَسکم مسیح همَه چییَه و گِردی دِلَکارَ.

نامَه کُولُسی کلیسا را 3:24

اِمی خونه کن بَموستیرون شمَه پاداش میراثییَه کن خداوندیکا بَگَتیرون، چیرا کن شمه، خداوند مَسیح خیدمت بَکَرون.

نامَه کُولُسی کلیسا را 3:25

اِمی خونه کن هَر کَم بدی بکَرِ، اِشتَن بدَ کاری عَوَضی بوَیندیَه و هیچ فرقی نییَه.

نامَه، عِبرانیه نَتاجَه مسیحیونرا 10:35

پس شمَه اِم ایطمینانیکا دَس پِمَگِرَ، اِمی خونه کن بَیکا بَه دوملَه یالَه پاداشی هِستَه.

نامَه، عِبرانیه نَتاجَه مسیحیونرا 11:26

و اَ، مسیح خونه چَمای بِه، مِصری گنجونکا یالتر اَزنیَه، اِمی خونه کن اَ، اَ پاداشی دوملَه بَه.