نامَه اَفسوسی کلیسارا 6:12 - کتاب مقدس به زبان تالشي - گویش مرکزی

¹² اِمی خونه کن چَمه جَنگِستِه جندَک و خونینَه یعنی اینسانینَه نیَه، بَسکم اَمه ریاسَتون زرَبَرا، زبقون زرَبرا، و اَ ظلَماتی اینجاری زرَبرا کن اِم دِنیا سَردِرِ حاکیمینَه، و آوشَری روحانیَه لَشکری زربَرا، کن آستامونییَه جگا اونکا ینَه، بَجَنگِستیمون.

کتاب مقدس به زبان تالشی شمالی

¹² چوم که چَمَه جنگ جسم و خونی نَه یعنی آدَمی نَه نییَه، بَلکَم اَمَه رئیسون ضِد، قدرتون ضِد، و اَ تاریکی نیرواون ضِد که اِم دنیا سَری کا حاکمی نَه، شَریری روحانی یَه قُشونی ضِد، که آسِمونی یَه جِگا اون کا اینه، بَجَنگِستیمون.

نامَه اَفسوسی کلیسارا 6:12 Iomraidhean Croise

مَتّی 16:17

عیسی واتِش: «خَشی اِشتِه حالیرا اَی شَمعون، یونا زوعَه! اِمی خونه کن اینسان اِم حقیقتی تِرا دیار آنِکردَشَه، بَلکَم چمن آستامونیَه دَدَ تِرا دیار آکَردِش.

مَرقُس 4:19

ولی اِم دِنیا تَفشیش و دنیادمالی وس وَسَه و دییَرَ چییون هَوَس چَوون دِلیکا دَرَش و خداکلامی خَفَه آرَکَرد و نییَشت بَرَ بِدرن.

انجیل لوقا 13:24

«چَتین تَقَلا بکَرَ تا تَنگه بَرَنگاکا دِله دَشه، اِمی خونه کن بَشِمَه باتیم، خَیلیِن تَقلا بَکَنه تا دِلَه دَشون، ولی نینَّشا.

انجیل لوقا 22:53

اَموقه کن اَز هَمه روج معبدیکا شمنَه بیمَه، بَمن دست نِژِرون. اَمّا ایسَه شمَه وَقتَه و ظِلَماتی زبقی وقت.»

یوحنا 12:31

ایسَه، اِم دِنیا سَر دیوون کَرد وَقتَه؛ ایسَه اِم دِنیا رَئیس کن شَیطونَه بِرِن بَنَّفند.

یوحنا 14:30

دِ شِمَنه گَف ژِرا فرصَتی مَندَ نی، اِمی خونِه کن اِم دِنیا رَئیس کن شَیطونه کا آمِه. اَ هیچ زِبقی چمن سَردِرِ نِدارِ؛

یوحنا 16:11

و دیوون کَردِ خونه، اِمی خاطر کن اِم دِنیا رَئیس کن شَیطونه محکوم آبَه یَه.

رَسولون اَعمال 26:18

تا چَوون چَمون آج آکَری، اَتَه کن ظِلَماتیکا نوریرا، و شَیطونی اینجاریکا خدا طَرَف آگَردِن، تا چَوون گِناخِن بخشیدَ آبو، و اَ ایمانی خونه کن بَمنکا بَداشتین، اَیِنی دلَکا کن موقدَّس آبَه اینَه، جِگا ایی بدارِن.”

رومی کلیسارا نامه 8:38

چون یَقین بموستیمون کن نِه مَردِ و نِه زندَگی، نِه فرشتَه اِن و نِه ریاسَتِن، نِه اِم زَمونَه چییِن و نِه آیندَ چییِن، نِه هیچ اینجاری،

اوّلین نامَه قورَنتیانیرا 15:50

برا اِن، اِمی بَشِمَه باتیم کن جندَک و خون نییَشا خدا پادیشایی وارِث آبو و اَ چیی ایی کن نیفیت بَبی، نییَشا اَ چیی کن نیفیت آنییَب وارث ببو.

دوومین نامه قرنتیانیرا 11:14

و اِم عجیب نییَه، اِمی خونه کن شَیطون نی بَشتن نوری فرشتَه شیوار نمود دَرِ؛

دوومین نامه قرنتیانیرا 4:4

اِم زَمونه خدا بی ایمانون فکری کورآکَردَشه تا مسیح اِنجیلی شکوه و جلالی نوری کن خدا صَفَتَه، نِوینِن.

نامه غلاطیَه کلیسارا 1:16

اِشتَن زوعَه، چمن دلَکا دیار آکَرِ تا غَیرِ یَهودیون دِلَکا بَی اییلام بِکَم، اَ موقه کا جندَکینَه و خونینَه گَفَه ژِنَه نِکَردِم،

نامَه اَفسوسی کلیسارا 1:21

کن هر ریاست و زاکین و زبق و فرمانروایی ایکا کفاترَ، و هر نومیکا، چِه اِم زمونَه کا و چه آیندَکا، کفاتَرَ.

نامَه اَفسوسی کلیسارا 1:3

خدا و چَمَه خداوند عیسی مسیح، دَدَ، موتبارَک ببو، کن اَمَش میسح دلَکا هر روحانیَه برَکتینَه آستامونیه جِگا اونکا برَکت آداشَه.

نامَه اَفسوسی کلیسارا 2:2

و زمانی چَوون دِلکا زندَگی اَکَریرون، اموقه کن اِم دِنیا راه اونکا و هوا زبقی رئیسیکا، یعنی اِبلیسییکا پیروی اَکَریرون، هه روحیکا کن هِم ایسَه نی نا فِرمونی خِردَنونکا عمل بَکَی.

نامَه اَفسوسی کلیسارا 3:10

تا ایسَه کلیسا واسیطنَه خدا موختَلیفَه حیکمَتِن، و قودرَتونرا و رَئَیسونرا، آستامونیَه جگا اونکا دیار آبو.

نامَه کُولُسی کلیسا را 1:13

اَ اَمَش ظلَماتی زبقیکا راخنییَشَه و اِشتَن خاجتیَه زوعَه پادیشا ایرا بَردَشه،

نامَه کُولُسی کلیسا را 2:15

اَ ریاسَتِن و قودرَتون اَصلحه اِنِش ویگَتَه و صلیبی واسیطنَه چَوون سَردِرِ پیروز آبَه و اَوون گِردی ناریکا رسواش آکردَ.

دِوُّمین نامَه تیموتائوسیرا 2:5

پَلَوونی کن موساقبَه قانونی واته اَنجوم نِدَرِ، تاج وینییَگَت.

نامَه، عِبرانیه نَتاجَه مسیحیونرا 12:1

پس اِمی خونه کن اِنتَرَ شاهیدِنی هنته برکَه یالَه خِری شیوار اَمَشون دوور کردیَه، بِرَ اَمه نی هر ایضافَه بار و هر گناخی کن چَمَه بالو لِنگی درَپِشکیست، بَشتنکا رَت آکَرم و موسقابَه ایکا کن چَمه نَکارَ، اَوریجَم.

نامَه، عِبرانیه نَتاجَه مسیحیونرا 12:4

شمَه هَنوزنی گناخی رودَکَر، ایی جوری مندَرون نییَه کن، شمَه خون ویبو.

پطروسی اوّلین نامَه 3:22

هه عیسای مسیح کن آستامونیرا شَه و ایسَه خدا راستَه بالی طرَفیکا پامندَ و فرشتَه اِن و زاکیندارِن و زِبقِن چَی فِرمون آبَه اینَه.