نامَه اَفسوسی کلیسارا 5:3 - کتاب مقدس به زبان تالشي - گویش مرکزی

³ ولی شمَه دلَکا، بی عیفتیکا یا هر مودیل ناپاکیکا یا طمَع کا حتی گَفی مژَنه، اِمی خونه کن اِمِن موقدسَه آدَمون شئَنیکا نیَه.

کتاب مقدس به زبان تالشی شمالی

³ ولی شِمَه دیلَه کا بی عفتی یا هَرجورَه ناپاکی یا هَواهَوسی کا حتّی نَبی گفی بِه زَوون با، چوم اِمِن مقدّسون شئنی کا نینَه.

نامَه اَفسوسی کلیسارا 5:3 Iomraidhean Croise

مَتّی 15:19

چون دلیکارَ کن، پَلیدَ فِکرِن، آدَم کِشتِه، زینا، بی‌ عِفَتی، پِتارستِه، دِروعَه شهادت و توهمَت سرچشمَه بَگَتی.

انجیل لوقا 12:15

عیسی مَردومی واتِشَه: «حواسِرون جَم ببو و هر جور حرص و طَمع کا دوری بکَرَ، اِمی خونه کن اِینسانی زندَگی چَی دارایی وِر گیری خونه نییه.»

انجیل لوقا 16:14

فَریسین کن خَیلی پول پرست بینَه وقتی گِردِ اِم گفونِشون دَرَستَه، عیساشون بوکَه خوروستِه گَتَه.

رَسولون اَعمال 15:20

ولی پی نامَه ای دِلَکا اَوون بِواجَم هَردَ چیی ایکا کن بوتونرا قِربونی آبَه یَه، زینا کا، دَمَردَ خَیوونون گوژدیکا و خونیکا رَت آبون.

رَسولون اَعمال 20:33

چمن چَمِن هیچ کَمی طِلِه یا نِقرَ یا شندِری دوملَه نِبَه.

رومی کلیسارا نامه 1:29

اِمِن هَر مودیل نادِرِستی، آوشَر گیری، طمع و بد خواهی کا پَتلَمَه این. اَیِن هَمه مودیل زِرَ، آدَم کِشتِه، ژِژِ، حیلَه و بَد خواهیکا پَتلَمه اینَه. اَیِن غَیبت اَکَر

رومی کلیسارا نامه 16:2

بَی خداوندی دِلَکا، اَتَه کن موقدَسون لایِقَه، قِبول بکَرَ و هر کمکی کن شِمَکا اَپیشَه اَیکا دَریغ مَدارَ، اِمی خونِه کن اَ خَیلیون، حتی بَمن، وِرَ کاریَری آدوعَشَه.

رومی کلیسارا نامه 6:13

اِشتَن جَندَکی اَعضا گناخی دَست آنِدَرَ تا نادِرِستی اَساس آبون، بَسکم هِنتَه اَیِنی شیوار کن مَردِ کا زِندَگیرا ویگَردِستَه اینَه، بَشتَن خدا دست آدَرَ تا شمه جَندَکی اَعضا خدا دَستیکا، راستی وسیله آبون.

اوّلین نامَه قورَنتیانیرا 10:8

و هَتَه کن بضی اَوونکا بی عیفَتی کَردِشونَه و ایی روجیکا بیستو سِه هَزار نفر نیفلَه آبینَه، اَمه بی عیفتی نِکَرم.

اوّلین نامَه قورَنتیانیرا 5:1

راستی، مِرا خَبَر آرَستَیَه کن شمَه دَلَکا بی عیفتی دگنَه یَه، اَ نی جوری کن حتی بوت پَرَستون دِلکا نی نییَه. چون دَرستِمه کن مِردی اِشتَن اَگیه نَنَه نَه دَرِ.

اوّلین نامَه قورَنتیانیرا 6:13

باتین: «هَردَ چیی لَوَرا یَه و لَوَ هَردَ چیرا، و خدا، هِم اِمی و هِم اَی نیفیت آرَکَرد.» تَن بی عیفتیرا نییَه، بَسکَم خداوندی شِنَه و خداوند نی تَنی شِنَه،

اوّلین نامَه قورَنتیانیرا 6:18

بی عیفتیکا بیوریجَه! هر دییرَ گناخی کن اینسان بَکَیه چَی تَنی بِرنیکا اَ، ولی اَ کن بی عیفتی بَکَیه، اِشتَن تَنی سَر گناخ بَکی.

دوومین نامه قرنتیانیرا 12:21

و هنتَه اِمیکا نی بَتَرسِستیمه کن وقتی دییرَ کَرَرا شمه وَر بام، چمن خدا، بَمن شمه ناریکا فروتن آکَرِ و اَز مجبور ببوم بعضیون خونه کن، چیمی به نه گناخِشون کردَیَه و بَشتَن ناپاکیکا، بی عفتیکا و عَیاشیکا توبَشون کَردَ نی، عازیَه بیگِم.

نامَه اَفسوسی کلیسارا 5:12

چون اَ چیی ایی کن اِنتَرَ آدَمِن نونَکِه بَکنَه حتی زونو سَر وَردِ شرم آورَ.

نامَه اَفسوسی کلیسارا 5:5

اِمی خونه کن یقین بزنَه کن هیچ بی عیفت یا جیفینین یا طمعکارَ اینسان، کن هَه بوت پرستین، خدا و مسیح پادیشایی کا رَسَتی نیشَه.

نامَه فیلیپی کلیسا را 1:27

تاکَه بَرزَ شمه زندَگی رَوش، مسیح اِنجیلی شَئنیکا ببو، تا چِه بام و شِمَه بِوینِم و چِه نام، شمَکا درَسِم کن شمه ایلَه روح کا آمبَستیرون و یَک فکر، دوش بَه دوش اِنجیلی ایمانیرا تقلا بَکَرون،

نامَه کُولُسی کلیسا را 3:5

پس، هر چیی ایی کن شمَه وِجودیکا زَمینی شنَه، بکشَه، یعنی بی عیفتی، جیفینین بِه، هوا و هوس، بدَ پیستَه چییِن و طمع کن هَه بوت پرستیَه.

اوّلین نامَه تَسالونیکی کلیسا را 4:3

چون خدا ایرادَ اِمه، یعنی شمَه موقدَّس بِه: بَشتن بی عیفتیکا رَت آکَرَ؛

اوّلین نامَه تَسالونیکی کلیسا را 4:7

اِمی خونه کن خدا اَمَش نِه تاکَه پاجا بِه را، بَسکم موقدَّس بِه را خِله کردشَه.

اوّلین نامَه تیموتائوسیرا 2:10

بَسکم بَشتن چاکَه کارونَّه، هته کن اَ ژِنون شاَئنیکارَ کن ایدعا بَکن دیندارینَه.

اوّلین نامَه تیموتائوسیرا 3:3

نِه کم عرخَه هر، یا زورَواج ببو، بَسکم آرام ببو؛ و نه جنگِستِه دوملَه ببو و نِه پولدوست.

اوّلین نامَه تیموتائوسیرا 6:10

اِمی خونه کن پولدوستی هَمه مودیل بدی ریشَه یَه، و پولی حِرصی خونِه اَ کن بعضییِن ایمانیکا رَت آنَّب و بَشتن وِرَ داجیکا ویلاخِنییَشونَه.

دِوُّمین نامَه تیموتائوسیرا 3:2

اِمی خونه کن آدَمِن، خودپرست، پولدوست، مغرور، یالَه نار، زَبون اَدَر، دَدَ نَه نَه را نافِرمون، ناشکر، جیفینین،

نامَه تیتوسیرا 1:11

کن چَوون گَویی پی دبستِه، اِمی خونه کن اَییِن خانیوادَ اون گِردی یندِکا تاکَه آنَّکرد و ناحَقَه بَرَ خونه اَ چییِنی آموج دَرِن کن نِبایَد بدَرِن.

نامَه تیتوسیرا 1:7

چیرا کن ایلَه ناظیرکن خدا دَستَکَه، چَی زندگی دلَکا نِبایَد چیی ایی چَی چَمای بِه خونه ببو. اَ نِباید یالَه نار و اَخلاقیکا تِند یا عرَخه هَر و یا زوراَواج ببو یا پولی خاطر حرصی ببو،

نامَه تیتوسیرا 2:3

پیرَ ژِنن نی پی اِشتَن حورمتی غَم بَرِن، ایفتیرا نِژَنِن و وِر شراو هِنتِه، بندَ آنِبون، اَیِن پی هر چیی ایی کن چاکَه آموج بدَرِن،

نامَه، عِبرانیه نَتاجَه مسیحیونرا 12:16

تا هیچ کَم هنته عیسو شیوار بی عیفت ناموقدَس آمَبو، اَ کن ایی قدرَ آشی خونه، اِشتَن اولین خردَن بِه حقی خرَتِش.

پطروسی اوّلین نامَه 5:2

رَمه ایی کن خدا شمه دِست دوعَیَه هَته کن خدا بَپیشَه شونَه گیری و نیظارت بکرَ، نِه کم زورینه بَسکم شمه میل و رغبَتینَه ببو، و شمَه شرم آوَرَ بَرَ خونِه را مبو بَسکم ایشتیاقینَه ببو.

پطروسی دومین نامه 2:10

بَخِصوص اِیِنی کن اِشتَن مِچِمه نفسی مِیلون دوملِه شِه را زاکینی گِچ بَحیساب بوعَنَه. اَیِن اَنَه یالَه نارو اَملِکینه کن آستامونی یالَه شخصون کفر واتِه کا نینَّتَرسِست؛

پطروسی دومین نامه 2:14

چَوون چَمن زینا کا پتلَمه یَه و گِناخ کَردِرا سیر آنینَّب. اَیِن سِسته جَوانون دوم دَنَّفند و چَوون دِلِن طمع کردِکا اِستا اینَه! اَیِن لعنَتی خِردَنینَه.

پطروسی دومین نامه 2:3

اَیِن اِشتَن طمع خونه، حیلَه بازَ گفونَّه بَشِمَه پِنَّتارِست. چیمی بَه نَه چَوون محکومیَت تَیین بَیَه، بیکار نشتَه نییَه و چَوون نیفیت آبِه نِخِتیَه.

یوحنا موکاشیفَه 2:14

«ولی اَز، تلَکه شَکایتی بَتِکا دارِم. اَ جگا کا کَسِنی هِستِرَ کن بَلعامی آموجیکا دچِکستَه این؛ هه کن بالاقیش آموج دوعَه تا ایسرائیلی قامی ناریکا سِه ایی ببو کن ویگنستِه باعیث بَبی، تا هردَ چییِنی کن بوتِنِشون تقدیم کردیَه بَرِن و بی عیفتی بکَن.

یوحنا موکاشیفَه 2:21

بَی موهلَتِم دوعَیه تا توبَه بکَرِ، ولی اَ نَپیشَه اِشتَن بی عیفتیکا توبَه بکَرِ.

یوحنا موکاشیفَه 21:8

ولی تَرسو اِن و بی ایمانِن و فاسیدِن و آدَمَه کِشِن و زینا کارِن و جاودوگرِن و بُت‌ پرستِن و گِردِ درواَواجون رَسَت، کولستارَ دَیراچَه و آرا و گوگرد، بَبیَه. اِم دوومین مَرگَه.»

یوحنا موکاشیفَه 22:15

عِسبَه اِن و جاودوگرِن و بی عیفتِن و آدَمَه کِشِن و بوت پرستِن و گردِ اَیِنی کن دِرو رَی بَداشتینَه و دِروو اَنجوم دَرِن، بِرن بمندینَه.

یوحنا موکاشیفَه 9:21

هنته نی اِشتَن آدَم کِشتِه کا و جاوودو گریکا و بی عیفتیکا و پِتارِستِکا نی توبَشون نِکردَ.