نامَه اَفسوسی کلیسارا 5:15 - کتاب مقدس به زبان تالشي - گویش مرکزی

¹⁵ پس، بَرک حواسِرون ببو کن چنترَ رفتار بَکَرون، اَلمندون شیوار رفتار بکرَ نِه نافَمون شیوار.

کتاب مقدس به زبان تالشی شمالی

¹⁵ بَس، شِمَه هَواس وِر جمع بِبو که چِنتَه رفتار بَکَردیرون، دانایون شیوار رفتار بِکَرَه نِه نادونون شیوار.

نامَه اَفسوسی کلیسارا 5:15 Iomraidhean Croise

مَتّی 10:16

«اَز شمَه، پَسون شیوار وَرگون دِلَرا رَونَه بَکَم. پس نَلَتی شیوار هوش ببَه و کَفتِری شیوار معصوم ببَه.

مَتّی 25:2

پِنج نفر اَونکا جائیل و پنج نفر دیَر اَلمَند بینَه.

مَتّی 27:24

وَقتی پیلاتُس بَویندیَه کن کا دَمردَ سیناو کَردِ و حتی اَتَرسیه کن شورش ببو، واتشَه چَیرا آو بوعَرن و اِشتَن بالون مردمی چَمی نَ کا شوشتِشه و واتِش: «اِم مِردی خون چمن مِلیکا نییَه. شِمَه اِشتَن بَومستسیرون!»

مَتّی 27:4

«اَز گناخ کَردَمه و باعیث بیمَه ایلَه بیگناخی خونی ویکَرِن.» ولی اَیِن جواب داشونه: «بَمَش رَبطی نیَ، اِشتَن بَموستیش!»

مَتّی 8:4

چَی بَه دوملَه عیسی بَی واتش: «حَواسِر ببو کن اِم ایتفاقی خونِه کسیرا چیی ایی نِواجی، بَلکَم بش بَشتن کاهِنی آمون و قِربونیی کن شفا گَتِه را بَدان و موسی پَیغَمبَر حِکم کَردَشَه، تقدیم اَکَن تا چوونرا ثابیت ببو کن تِه شفا گَتَرَ.»

انجیل لوقا 24:25

چَی بَه دوملَه عیسی اَیِنِش واتَه: «اَی نافَمِن کن اَنَ پَیغَمبَرون گِردِ گَفون، عری باور بَکَرون!

اوّلین نامَه قورَنتیانیرا 14:20

برااِن، فکریکا خِردَن مَبه، بسکم بدی کَردِکا خردَن ببَه. ولی فکریکا پی یال ببَه.

نامه غلاطیَه کلیسارا 3:1

اَی نافَمَه غَلاطییِن، کی بَشِمَه جاودو کَردَیَه؟ عیسی مسیح مردِ اَنَه شِمَراشون آشکار واتَه بَه، کن اینگار اَ شِمَه چَمون نَکا مصلوب بَه.

نامه غلاطیَه کلیسارا 3:3

یعنی اَنَه نافَمیرون؟ شمَه کن روح نَه شِروو کَردِرون و ایسَه بَپیرون جندَکینَه کامیل آبَه؟

نامَه اَفسوسی کلیسارا 5:2

و موحبتینه رفتار بکرَ، هته کن مسیح نی اَمَش موحبَت کردَ و اِشتَن جانی، هنته ایلَه قِربونی و عَطرینَه خَلایی شیوار خدارا تقدیم کردش.

نامَه اَفسوسی کلیسارا 5:33

خولاصَه اِمکن، هر کِرَم شمَکا نی پی اِشتَن ژِنی هنتَه اِشتَن جانی شیوار رَی بدارِ، و ژِن پی چَی حواس ببو کن اِشتَن شو حورمتی غَم بَرِ.

نامَه فیلیپی کلیسا را 1:27

تاکَه بَرزَ شمه زندَگی رَوش، مسیح اِنجیلی شَئنیکا ببو، تا چِه بام و شِمَه بِوینِم و چِه نام، شمَکا درَسِم کن شمه ایلَه روح کا آمبَستیرون و یَک فکر، دوش بَه دوش اِنجیلی ایمانیرا تقلا بَکَرون،

نامَه کُولُسی کلیسا را 1:9

اِمی خاطر، اَ روجیکا کن اِمی درستِمون، شمَرا دِوا کردِ کا دَست پَگِتمون نی، بَسکم یَژَن خداکا بَپیمون تا چَی ایرادَ آزنِستِه نَه، هر حیکمت و روحانیَه فَهمیکا پَتلمَه ببَه؛

نامَه کُولُسی کلیسا را 4:5

کلیسا بِرنی آدَمونَّه حیکمتینَه رفتار بَکرَ و هر فِرصَتیکا چاکَه ایستفادَ بکرَ.

اوّلین نامَه تَسالونیکی کلیسا را 5:15

هوش ببَه، هیچ کَسی، بَدی بَدینه جواب نِدَرِ، بَسکم یَژَن یَندِ سَر و گِردِ آدَمون سَردِرِ چاکی کردِ دوملَه ببه.

اوّلین نامَه تیموتائوسیرا 6:9

ولی اَیِنی کن پولدار بِه طَمارزو بَداشتین، وسوسَه کا و دومیکا دَنَّگِنِست و دَدارَ خواستَه اون دلَکا کن ضرَرر بَژَی و آدَمون نیفیت آبِه و نیفلَه بِه طرَف دَرَراکنِست، وینَّه گِنِست.

نامَه، عِبرانیه نَتاجَه مسیحیونرا 12:25

هَواسِرون ببو، گَف اَژَنی سَسیرا پشت آنِکرَ. اَیِنی کن، زَمینی سَر گَف اَژَنی گَفیرا پِشت آکَردِشون، نِشتِشونَه موجازاتیکا بَروَشتِه. پس اَگَم اَمه اَ کَسیرا کن آستامنیکا گَف بَژَی پِشت آکَرَم، چنترَ موجوازاتیکا بروَزَم؟

یعقوبی نامَه 3:13

شِمَه دِلَکا کیَه کن اَلمَند و حکیم ببو؟ بَرزَ اَ اِشتَن چاکَه زندَگی کردِنَه اَمه آمونِه، اَ، اَ اعمالینه کن فروتنی نَه دَرِ و حیکمَتیکا سَرچشمه بَگَتی.

پطروسی اوّلین نامَه 1:22

ایسَه کن حَییقتیکا فِرمون بَردِنَه، اِشتَن جانون پاجا آکَردَرون تا بی ریا و برا اَ موحبَت بِدارَ، خالیصانه و پاجا اَ دِلینه یَندِ رَی بِدارَ.

یوحنا موکاشیفَه 19:10

چَی بَه دومله چَی پابِن برگِنِستیم تا بَی پرستِش بکَم. ولی بَمِنش واتَه: «انترَ مکه! اِمی خونه کن اَز تِنَه و اِشتِه برا اونَّه کن عیسی شهادتیکا آچیکه این، هم خیدمتیم. خدا پرستش بکَه!» اِمی خونه کن عیسی شهادت، پیشگویی روحَه.»